Genesi 7:7 - Bhibhiliya Nya Guage

⁷ Khu guthava mati nya ndrambi, Nowa a di bela taroni uye ni sanana saye, ni mwangadzi waye ni vagadzamwane vaye.

Genesi 7:7 Iomraidhean Croise

Genesi 6:18

Aholu, nyi na gira nago pwanano nya gidzumeledzwano. U na bela litaroni uwe ni sanana sago, mwangadzi wago ni vagadzi va sanana sago.

Genesi 7:1

Pfhumu Nungungulu a di embela Nowa, khuye: “Bela taroni uwe ni ngamo yago yatshavbo, kholu khuwe basi muthu nya lisine nya gululame nyi gu manidego vbakari nya vathu vatshavbo va matshiguni yaya.

Mavingu 22:3

Muthu a gengedego a gu wona mhango yi ngari hwindzo a sihala; gasi sipumbu sa gu vboha vbafuvbi, khu hwane si dzi laya.

Matewu 24:38

Na wu si gu dugi talo nya mati, vathu va di gu hodza ni gu sela; vama va di gu dzega, vanyamayi va di gu dzegwa, kala litshigu Nowa a nga belago litaroni.

Luka 17:27

Va di gu hodza ni gu sela; vama va di gu dzega, vanyamayi va di gu dzegwa, kala litshigu Nowa a nga belago taroni, gu manega talo, wu nga mbembisa vatshavbo.

Vahebheru 11:7

Khu gukhodwa, Nowa pwide sitiviso sa Nungungulu nya esi si nga hadza gu dugelela, a nga bani a si kodzi gu si wona. Nowa a di yingela Nungungulu a gu gira ngalava, a bela umo uye ni ngamo yaye, a gu vbanyiswa. Khu guralo, a di kona litigo, a gu hakha ga Nungungulu wuzundzo nya gukhodwe.

Vahebheru 6:18

Khu kharato, silo sivili si si kodzigo gu vbindrugedza: Gitumbiso ni gisambanyo. Ga esi silo, Nungungulu kha dzi kodzi gu hi senga. Kharato, ethu hi tumbago uye hi ngu dzipwa na hi gu tiyisedwa khu gutumba hi ningidwego.

1 Pedro 3:20

Maphuvbo ya vale va ngamba yingela Nungungulu, gikhati uye a nga virela khu gutimisela, matshigu yale Nowa a nga bani a gu gira litaro. Avo nya vadugwana, nya livbandre na vararu vathu, va nga bani varomo litaroni, khavo va nga vbuluga gufa khu talo nya mati.

2 Pedro 2:5

gambe Nungungulu kha ditshedza litigo la gale, aholu a di resa talo nya mati tigoni ga vale nya guvivbedwe khu myonyo, a vbulugisa Nowa basi ni vambe nya livbandre na vavili, afela gu ganela guvbanya nya gululame gwa Nungungulu.