Genesi 7:23 - Bhibhiliya Nya Guage

²³ Si di fuvisa kharati mafuni sivangwa satshavbo si nga bani siri ni hefemulo nya guvbanye mafuni; gukhugela vathu, sirengo nya gukhwirire khu lididi mafuni, kala sirengo nya sikhongolo ni sinyoni satshavbo sa damboni. Gu di tshala Nowa basi ni vale a nga belago navo taroni.

Genesi 7:23 Iomraidhean Croise

Genesi 6:17

Eni nyi na tshisa talo nya ndrambi mafuni, gasi guta langaladza sivangwa satshavbo si vbanyago vbavbatshi nya lidambo; satshavbo si guromo mafuni si nafa.

Genesi 8:18

Nowa a di duga khu taroni ni mwangadzi waye, ni sanana saye ni vagadzamwane vaye.

Joba 5:19

Ambari wa gu dugeledwa khu livbandre na mweyo dzimhango, uye a na gu vbulugisa, guvivba ga iyo nya livbandre na dzimbili, kha gu na nga gutshanisa.

Dzindzimo 91:1

Muthu wule a thavelago ga Pfhumu Nungungulu a guromo vbatshani ngudzu, a hefemulago mutsani ga mune nya Tshivba Yatshavbo,

Dzindzimo 91:7

Ambari gu thega bambe gwago, likhumi mazana (1.000); mwendro gu thega likhumi magumi mazana (10.000) nyamudye gwago, gambe uwe khu na thegedwa khu libango lolo.

Mavingu 11:4

Dzithomba kha dzi gu phasi khu litshigu nya likhulo la Nungungulu, aholu gululama gu ngu guvbulugisa lufuni.

Matewu 25:46

Ava vana hongola gusanisekani nya gupindruge; gasi va nya ndruda vana hongola guvbanyani nya gupindruge.”

Vahebheru 11:7

Khu gukhodwa, Nowa pwide sitiviso sa Nungungulu nya esi si nga hadza gu dugelela, a nga bani a si kodzi gu si wona. Nowa a di yingela Nungungulu a gu gira ngalava, a bela umo uye ni ngamo yaye, a gu vbanyiswa. Khu guralo, a di kona litigo, a gu hakha ga Nungungulu wuzundzo nya gukhodwe.

1 Pedro 3:20

Maphuvbo ya vale va ngamba yingela Nungungulu, gikhati uye a nga virela khu gutimisela, matshigu yale Nowa a nga bani a gu gira litaro. Avo nya vadugwana, nya livbandre na vararu vathu, va nga bani varomo litaroni, khavo va nga vbuluga gufa khu talo nya mati.

2 Pedro 2:5

gambe Nungungulu kha ditshedza litigo la gale, aholu a di resa talo nya mati tigoni ga vale nya guvivbedwe khu myonyo, a vbulugisa Nowa basi ni vambe nya livbandre na vavili, afela gu ganela guvbanya nya gululame gwa Nungungulu.

2 Pedro 2:9

Pfhumu a ngu mati mano nya guvbulugise khayo ava va khodwago gwaye, a ngu kodza gambe gu vega tsayisoni ava nya guvivbedwe khu myonyo, kala litshigu nya gulamudwe.

2 Pedro 3:6

Va hangwa gambe khu gukhavo khu mati nya talo, litigo li di pfhungumudwa.