Genesi 6:8 - Bhibhiliya Nya Guage

⁸ Nowa a di mana wuhigo mbeli ga Pfhumu Nungungulu.

Genesi 6:8 Iomraidhean Croise

Genesi 19:19

Nga wona githumi gyago gi manide wuhigo mahoni gwago. U nonedzide wuhindzi nya wukhongolo ga eni githumi gyago, khu gu vbanyisa womi wangu. Aholu kha nyi dzi kodzi gu thavela gigomoni nyi ya vbanya iyo, kholu nyi nga manwa khu libango leli ndzilani nyifa nyi si gu vbohi.

Dzindzimo 145:20

Pfhumu Nungungulu a ngu vhikela vatshavbo va mu golago: Aholu vatshavbo va nya guvivbedwa khu monyo va na mbembiswa.

Dzindzimo 84:11

Kholu Nungungulu khuye lidambo ni muvhikeli; Pfhumu Nungungulu a ngu ninga wuhigo ni wudhumo; Uye kha bombi gu girela wuwadi vale va girago ndruda.

Mavingu 12:2

Muthu nya wadi a gu tsakisa Pfhumu Nungungulu, aholu Uye a ngu tsayisa uye nya guvivbedwe khu monyo.

Mavingu 3:4

Khu guralo, u na mana gukatega ni mapimo nya yadi mbeli ga Nungungulu ni ga vathu.

Mavingu 8:35

Kholu uye a na nyi manago, a na mana guvbanya, a na mana makategwa ga Pfhumu Nungungulu.

Jeremiya 31:2

Pfhumu Nungungulu a ngu ganela kharati, khuye: Vathu va vbulugidego gu songwa khu matshari va manide wuhigo giwulani. Eni nyi naya ninga guhefemula Israyeli.

Ezekiyeli 14:14

Ambari na va khade vbakari nya litigo lile vama vava va vararu, Nowa, Dhaniyeli ni Joba, a gu vama nya gululame, va di hadza guvbulugisa womi wawe basi khu kotani nya gululame gwawe; a ngu ganela Mune Pfhumu Nungungulu.

Matewu 24:37

Kha nga idzo gu nga giregago khidzo matshiguni ya Nowa, kharato nugo gu na girega litshigu a na tago Mwamana wa Muthu.

Luka 1:30

Ngilozi yi di, khiyo: “Mariya, u nga thavi, kholu u manide wuhigo mahoni ga Nungungulu.

Luka 17:26

Kha nga idzo gu nga giregago khidzo matshiguni ya Nowa, kharato nugo gu na girega matshiguni ya Mwamana wa Muthu:

Mithumo 7:46

Mufumeli Dhavhidhe, na kategile mbeli ga Nungungulu, a di lomba guvbahela nyumba Nungungulu wa Jakobe.

Varoma 11:6

Khu kharato, a gu bani ari khu wuhindzi, nasiri khu mithumo; a gu bani ari kharato, wuhindzi kha wu phasi gilo.

Varoma 4:4

Muthu watshavbo a thumago a na ni fanelo nya guhakhiswe, nasiri kha nga wule a ningwago giphaso nya gukari, aholu, kha nga wule a gu ni fanelo nya gulivbwe khu thumo a wu thumidego.

1 Vakorinto 15:10

Aholu khu wuhigo wa Nungungulu nyi womo kha nga idzo nyi gu idzo. Gambe wuhigo a nyi ningidego, kha nyi ninga mahala. Eni nyi ngu thuma ngudzu guvbindra vatshavbo vapostoli. Ambari ulo khandreni nyi girago esi satshavbo, wuhigo wa Nungungulu wu thumago gumogo ni eni.

Vagalatiya 1:15

Aholu, Nungungulu, khu wuhigo waye, a nyi hathide na nyi ngari ndrani ga mayi wangu, a nyi ranela guta mu thumela. Gikhati a nga dzinago,

2 Thimoti 1:18

Nungungulu a na mu girele wuhindzi litshigu nya gulamudwe. Mahungu nya mithumo a nga girago Efeso uwe u ngu mati gwadi guvbindra eni.

Tito 2:11

Kholu, Nungungulu a hi tulede guti wuhigo waye, afela gu vbanyisa vathu vatshavbo.

Tito 3:7

Giride kharato, gasi khu wuhigo waye hi fela gu hakhwa khu Nungungulu, hi mane guvbanya nya gupindruge hi gu lindredego.

Vahebheru 4:16

Khavbo avbo, hongoleni hi tiye hi hidzimela vbagikhalotunu nya wufumu wa Nungungulu nya gutale khu wuhigo, avbo hi na ya manago guvbanya ni gu phasedzedwa hi gu vbwetago gikhati gyatshavbo.

1 Pedro 3:20

Maphuvbo ya vale va ngamba yingela Nungungulu, gikhati uye a nga virela khu gutimisela, matshigu yale Nowa a nga bani a gu gira litaro. Avo nya vadugwana, nya livbandre na vararu vathu, va nga bani varomo litaroni, khavo va nga vbuluga gufa khu talo nya mati.

2 Pedro 2:5

gambe Nungungulu kha ditshedza litigo la gale, aholu a di resa talo nya mati tigoni ga vale nya guvivbedwe khu myonyo, a vbulugisa Nowa basi ni vambe nya livbandre na vavili, afela gu ganela guvbanya nya gululame gwa Nungungulu.