Genesi 6:3 - Bhibhiliya Nya Guage

³ Pfhumu Nungungulu a di ganela, khuye: “Liphuvbo langu kha li na simama gu khala kala gupindruga ga vathu. Uye nyama, a na ni tumbunugo nya gufe, guvbanya gwaye kha gu na lapha guvbindra lizana ni magumavili myaga.”

Genesi 6:3 Iomraidhean Croise

Genesi 6:2

Sivangwa sa ndzadzini si di wona gukhiso vanyamahegyane va mburide ngudzu. Gimwegyo ni gimwegyo gi di dzi hathela nyamahegyane gi nga mu gola gu khala mwangadzi waye.

Nehemiya 9:30

Aholu gu di vbindra myaga nya yingi nu gu va timisela; U va khongotela khu liphuvbo lago, khu magana ya vaprofeti vago, aholu kha va nga gu yingisa. Khavbo avbo, U di va ningela mandzani ga vathu nya mayigo ya vbavbandze.

Dzindzimo 78:39

A di alakanya gukhuye vathu va wumbidwego khu nyama, a va gira kha nga phuvbo yi vbindrago nyamba wuya gambe.

Dzindzimo 90:10

Matshigu nya guvbanye gwathu ma gu dingana livbandre na mavili magumi (70), avo va gu ni tshivba va gu vbohisa livbandre na mararu magumi (80), aholu myaga yoyo yi tade khu sigaradzo ni gu tshaniseka, ya gu vbindra khu guvbiredza, ethu hi mwalalega.

Isaya 5:4

Hwane nya gu bani nyi giride satshavbo sesi, ginani gambe nyi nga yela gu gira ga lithembwe langu, nyi ngamba gi gira? Eni nyi di gu lirela gu hakha dziuvha nya dzadi, khu ginani olu ilo li nga velega idzo nya guvave, na?

Isaya 57:16

Khu guralo, kha nyi na mi singedza gikhati gyatshavbo, mwendro gu gira likhulo gikhati gyatshavbo; kholu mihefemulo nyi yi vangidego, yi nga vbeledwa khu tshivba mbeli gwangu.

Isaya 63:10

Aholu avo va di mu yeyisa va swihadza Liphuvbo laye nya Guage; khu guralo, uye a di dzi gira nala wawe, uye kamwe a di dwana navo.

Jeremiya 11:11

Khu guralo, Pfhumu Nungungulu a ngu ganela kharati, khuye: Nyi na resa vbakari gwawe libango va na gumba vbuluga khilo, va na keta ni gu wombeledzela dzihuwa, aholu eni kha nyi na va yingisa.

Jeremiya 11:7

Kholu gukhugela litshigu nyi mi dusidego khu tigoni ga Egipito, kala muhuno, nyi phede khu gu embela vababe vanu, nyi simamide gu va embela kharati, kheni: Yingisani lito langu!

Mitengo 11:17

Khavbo avbo, nyi na relela vbale nyi ta ganela nago, nyi na vbungula Liphuvbo li guromo gwago, nyi li thela gwawe, avo navo va na rwala gumogo nago, rwalo nya vathu, gasi u si lemedwi khuwo wenga.

Johane 3:6

Igyo gi velegidwego khu tshivba nya muthu, muthu kamwe, gasi igyo gi velegidwego khu Liphuvbo, Liphuvbo.

Mithumo 7:51

Vathu va nya gu banga mihungo, nya myonyo nyamba khodwa ni dzindzeve nyamba pwa. Mu ngu bomba Liphuvbo nya Guage gikhati gyatshavbo, nga edzi va nga bani va gu gira vababe vanu.

1 Vatesalonika 5:19

Mu nga degudzi lito nya Liphuvbo nya Guage,