Genesi 6:22 - Bhibhiliya Nya Guage

²² Nowa a di gira satshavbo kha nga idzo a nga rumwago khidzo khu Nungungulu.

Genesi 6:22 Iomraidhean Croise

Genesi 17:23

Khavbo avbo, Abrahama a di dzega mwanaye Ismayeli, ni vatshavbo va velegedwego ndrangani gwaye, ni vatshavbo a nga va rengago khu dzitsapawu, vama vatshavbo va ndrangani gwaye a gu va hanisa wugwera, litshigu lolo la limwedo, kha nga idzo a nga embedwago khidzo khu Nungungulu.

Genesi 7:16

Matune ni ngadzi nya lifumbu ni lifumbu si di bela taroni kha nga idzo Nungungulu a nga rumago khidzo Nowa. Khu guhegisa a di bela Nowa, Pfhumu Nungungulu a sega lidimba khu hwane gwaye.

Genesi 7:5

Nowa a di gira satshavbo kha nga idzo a nga rumwago khidzo khu Pfhumu Nungungulu.

Genesi 7:9

si di bela taroni khu mipatwa nya matune ni ngadzi, si ya khala vbafuvbi ni Nowa kha nga edzi Pfhumu Nungungulu a nga rumago khidzo Nowa.

Ekisodha 40:16

Mosi a di gira satshavbo kha nga idzo Pfhumu Nungungulu a nga rumago khidzo.

Ekisodha 40:19

a di thawuludza Tshatsha, va gu pfhulela Wulanga nya Guage nya nga idzo a nga rumago khidzo Pfhumu Nungungulu.

Ekisodha 40:21

Va di rwala ngasa va gu yi bedza wulangani nya guage, va vbayega myendra nya makhuvi, gasi gu bhiya Ngasa nya Gidzumeledzwano kha nga idzo Pfhumu Nungungulu a nga mu leletelago khidzo Mosi.

Ekisodha 40:23

A gu sasamedzela sibaba vbamezatunu, mbeli ga Pfhumu Nungungulu, gulandra khu ndzila yakone edzi a rumidwego khidzo Mosi khu Pfhumu Nungungulu.

Ekisodha 40:25

A di dongisela dzikandriya mbeli ga Pfhumu Nungungulu, kha nga idzo a leletedwego khidzo Mosi khu Pfhumu Nungungulu.

Ekisodha 40:27

Khavbo avbo, a di vbisa libani nya gunungele kha nga idzo a nga leletedwago khidzo Mosi khu Pfhumu Nungungulu.

Ekisodha 40:32

Gikhati gyatshavbo va belago Tshatshani nya Tshangano ni gu hidzimela vbagiluvelotunu, va di hamba mandza ni migondro, kha nga idzo Pfhumu Nungungulu a leletedego khidzo Mosi.

Ekisodha 7:6

Khu guralo, Mosi ni Aroni va di gira edzi va nga rumwago khidzo khu Pfhumu Nungungulu.

Matewu 2:21

Josefe a di khuga a dzega gyanana ni mayi waye a wuya tigoni ga Israyeli.

Johane 15:14

Enu mu dzipari dzangu mwa gu girani iso nyi mi rumago.

Johane 2:5

Mayi waye a di embela sithumi, khuye: “Girani satshavbo iso a na gu mi rumago.”

Dhewuteronome 12:32

Satshavbo esi nyi gu leletelago u na si sayisa; u nga engedzeli gilo mwendro gu vbungula.