Genesi 6:2 - Bhibhiliya Nya Guage

² Sivangwa sa ndzadzini si di wona gukhiso vanyamahegyane va mburide ngudzu. Gimwegyo ni gimwegyo gi di dzi hathela nyamahegyane gi nga mu gola gu khala mwangadzi waye.

Genesi 6:2 Iomraidhean Croise

Genesi 12:11

Vari vbafuvbi ni gu bela tigoni ga Egipito, Abrama a di embela mwangadzi waye Sarayi, khuye: “Upwa, nyi ngu dziti nya gukheni u nyamayi nya gumbure ngudzu.

Genesi 24:3

Nya gu vbweta gukheni u sambanye khu lina la Pfhumu Nungungulu wa ndzadzini ni Nungungulu wa mafuni, khuwe, gima khu na nga vbwetela gyanana gyangu, nyamayi vbakari ga vanyamahegyane nya lifumbu nya Vakhanani nyi vbanyago vbakari gwawe.

Genesi 26:35

Avo va di pwisa wuvi nya wukhongolo ngudzu monyoni gwa Isaki ni gwa Rebheka.

Genesi 27:46

Rebheka a di embela Isaki, khuye: “Nyi ngu garadzega ngudzu guvbanyani gwangu khu kotani ya vanyamahegyane nya Vahiti; Jakobe nuye a gu dzegana ni nyamayi nya Muhiti kha nga avo, i tshukwana nyifa basi.”

Genesi 3:6

Khavbo avbo, nyamayi, khu gu wona gukhuye handro nya simbo khwadi gu wu hodza, gambe wu ngu tsakisa mahoni; simbo nya wadi nya gutule mapimo ni guti, a di hava handro wule a gu hodza a gu ninga mwama waye a hodza nuye.

Genesi 4:26

Seta nuye a di velega gyanana nya gikhwathana a nga gi riyago lina nya gupwani khu Enosi. Khu gikhati gyogyo, vathu va di phela gu khozela Pfhumu Nungungulu, va mu rana khu lina laye.

Genesi 6:1

Avbo vathu va nga phelago gu velegelana va tala, tigoni gu di velegwa ngudzu vanyamahegyane.

Genesi 6:3

Pfhumu Nungungulu a di ganela, khuye: “Liphuvbo langu kha li na simama gu khala kala gupindruga ga vathu. Uye nyama, a na ni tumbunugo nya gufe, guvbanya gwaye kha gu na lapha guvbindra lizana ni magumavili myaga.”

2 Samuweli 11:2

Khu limbe litshigu ni silambo, Dhavhidhe a di wuga khu vbadawutunu gwaye, a gimbilagimbila vbatshani nya langwe nya nyumba yaye nya wufumu; khavbo avbo, nari khu vbalangwetunu, a di wona nyamayi na gu hamba; nyamayi yoyu a di mburide ngudzu.

Ezira 9:12

Gasi olu, enu mu nga lowodzisini sanana sanu nya sagadzyana ga sanana sawe nya sikhwathana, ni sagadzyana sawe mu nga lowodzini sanana sanu nya sikhwathana, gima mu nga vbweti gurula ni wuwadi avbo gwawe gasi mu kodza gu mana tshivba, nya guhodze thomba nya litigo lolo, mu kodza gu tshiyela sanana sanu kha nga thomba nya gupindruge ga livelego lanu.

Joba 1:6

Tshigu mwedo sanana sa Nungungulu si ngaya dzi wonegisa mbeli ga Pfhumu, Sathane nuye a diri navo.

Joba 31:1

Nyi giride gidzumeledzwano ni maho yangu, gukheni nyi nga tshuki nyi dogorela gyagadzyana nya mbiri.

Ekisodha 34:16

mwendro gu wudza dzimbiri dzawe, u lowodza sanana sago. Vanyamayana vovo gikhati va bhayago ni vanungungulu vawe, va nga khulugisa sanana sago si bhaya niso ni vanungungulu vovo.

Isaya 63:16

Aholu uwe khuwe Babe wathu, ambari Abrahama na si hiti, ni Jakobe a si khathali khu ethu; Uwe Pfhumu Nungungulu, khuwe Babe wathu; U Mudzegisi wathu, gukhugela guhegulani, khilo lina lago ilolo.

Malakiya 2:11

Va na Judha kha va tumbega gilo. Va giride manyala tigoni ga Israyeli ni Jerusalema; kholu va na Judha va nyenyeziside Wulanga nya guage wa Pfhumu Nungungulu, owu a wu golago, kholu a dzeganide ni vanyamayi va khozelago vambe vanungungulu va vbavbandze.

Malakiya 2:15

Ina uye kha mi tshanganisa mu khala mili moyo basi khu nyama ni liphuvbo, gani? Sa gu tshamusedwa ginani gupwa muthu moyo basi, a gu vbweta ginani? Uye a di vbweta livelego la vathu va nya gululama; khu guralo, dzi vegedzeni guvbanyani gwanu, a nga manegi ni wa gumba tumbega ga mwangadzi wa wudzahani gwaye.

1 Vakorinto 7:39

Nyamayi a dzegidwego hungidwe khu nayo na nga gu vbanya mwama waye. A gufa mwama waye, nyamayi tshulegide; a ngu dzi kodza gu dzegwa khu mwama a munago. Egi gi vbwetegago basi khu gu a dzegwe khu mwama nya mukhodwa, nayoni wa Pfhumu.

2 Vakorinto 6:18

Eni nyi na khala babe wanu, enu mu na khala sanana sangu nya madzaha ni dzimbiri.” Gu ganela Pfhumu nya Tshivba Yatshavbo.

Dhewuteronome 14:1

Enu mu sanana sa Pfhumu Nungungulu wanu. Khu guralo, mu nga hatshedwi dzindrova milini gwanu, ambari guvbaludwa ndzudzu hungoni gwanu khu kotani nya gufe muthu nya gukari.

2 Pedro 2:14

Kha va khedzi nyamayi nyamba mu dogorela, kha va garali khu gu gira sighoho. Va gu kanganyisa vathu nyamba tiya. Mapimo yawe khya gu alakanya gu mana dzitsapawu. Avovo va vadwe khu Nungungulu.

1 Johane 2:16

Satshavbo si guromo mafuni: Gudogorela nya givili, ni gudogorela nya maho, ni gu dzi gugumugisa khu kotani nya silo nya mafu, satshavbo sesi kha siti khu ga Babe, aholu, sa guta khu mafuni momu.