Genesi 6:17 - Bhibhiliya Nya Guage

¹⁷ Eni nyi na tshisa talo nya ndrambi mafuni, gasi guta langaladza sivangwa satshavbo si vbanyago vbavbatshi nya lidambo; satshavbo si guromo mafuni si nafa.

Genesi 6:17 Iomraidhean Croise

Genesi 2:7

Khu guralo, Pfhumu Nungungulu a di wumba muthu khu kudzudzwane nya mafu a gu mu furugedza dzithonvuni, a mu thela liphuvbo nya guvbanye. Muthu a di khala givangwa nya guvbanye.

Genesi 6:13

Nungungulu a di embela Nowa, khuye: “Nyi fungide gu vbedza vathu vatshavbo, kholu litigo li tade khu guvivba khu kotani yawe. Nyi na va mbembisa gumogo ni mafu.”

Genesi 6:16

Gukhugela mahegiso ga vbatshani nya litaro, u na reledza vbadugwanana gipimo nya kono, u gira gihogo gasi gubela wenengedzo; khu bambe u na vega mwanya nya litaro. Litaro li na bani liri ni nyumba ya vbavbatshi, ya vbakari ni ya vbatshani.

Genesi 6:7

Khavbo avbo, Pfhumu Nungungulu a di khuye: “Nyi na fuvisa vathu nyi va vangidego mafuni, nyi na va mbembisa tigoni, nyi vbedza vathu, sirengo ni sinyoni sa damboni ni sirengwanana satshavbo si khwirirago khu lididi, kholu nyi ngu dzi laya khu olu nyi si giridego.”

Genesi 7:15

Mipatwa nya mafumbu yatshavbo nya sivangwa nya guvbanye si di hidzimela ga Nowa si ta bela naye taroni.

Genesi 7:17

Talo nya ndrambi nya yikhongolo wu dzegide magumana matshigu mafuni. Gikhati mati ma nga gugumugago, litaro li di khugega vbatshani.

Genesi 7:4

Ndrani nya livbandre na mavili matshigu nyi na gira ndzadzi yi guwa tigoni gipimo nya magumana matshigu, wutshigu ni mihani, nyi mbembisa kharato sivangwa satshavbo nyi si giridego mafuni momu.”

Genesi 9:9

“Eni nyi na hunga pwanano wangu nanu, ni situgulwana si na gutago khu hwane gwanu;

Joba 22:16

Avo va dusidwe omu na gi si gu vbohi gikhati gyawe; avo, giseketelo gyawe gi nga kukulutwago khu ndrambi nya mati.

Dzindzimo 107:34

Wulime nya wadi a di wu vbindrugedza wu khala munyu, khu kotani nya wuvivbi wa avo va khalago umo.

Dzindzimo 29:10

Pfhumu Nungungulu khade vbatshani nya talo nya ndrambi, Pfhumu Nungungulu khade vbagikhalotunu nya wufumu kala gupindruga.

Ekisodha 14:17

Eni nyi na bangisa myonyo ya Vagipiti, va fela gubela va va landra, nyi na pwala gidhumo khu kotani nya esi nyi na girago ga Faro ni ga mabutho yaye yatshavbo nya nyimbi, ni dzikareta ni vakhileli nya dzikavalu.

Isaya 51:12

Eni kheni kamwe nyi na gu mi tangadzisago; gasi uwe, khuwe mani, nya gukala u thava vathu va fago va hina, mwendro sanana nya vathu si na bangago gu fanana ni mwasi?

Isaya 54:9

Kha nga idzo nyi giridego gikhatini gya Nowa; avbo nyi nga sambanyago gukheni, mati nya ndrambi gima kha ma na nga langaladza gambe litigo, kharato gambe nyi sambanyide gukheni kha nyi na gu girela gambe likhulo, ambari gu gu tsayisa.

Ezekiyeli 34:11

Kholu Mune Pfhumu Nungungulu, a ngu ganela kharati, khuye: “Wonani gukhenu eni mune kamwe nyi na vbweta dzinvuta dzangu dzi dzimedego nyi dzi wuyisa.

Ezekiyeli 34:20

Khu kotani nya isoso, Mune Pfhumu Nungungulu, a ngu ganela kharati, khuye: Eni mune kamwe nyi na lamula vbakari nya dzinvuta nya guene ni idzo nya guwondre.

Ezekiyeli 5:8

khu guralo, Mune, Pfhumu Nungungulu a ngu ganela kharati, khuye: Wonani nya gukhenu eni, mune kamwe, nyi na gu lamula uwe Jerusalema; nyi gu ninga tsayiso nu gu wonwa khu va nya mayigo.

Ezekiyeli 6:3

u va embela, khuwe: Enu sigomo sa Israyeli, upwani magana ya Pfhumu Nungungulu, a ngu ganela kharati ga enu sigomo, sigomwana, mitsongo ni mikova, khuye: Nyi womo vbafuvbi ni gu resa dzinyimbi dzi ta mi saselago; nyi na khungumula siluvelo sa vanungungulu vanu nya malipha.

Hoseya 5:14

Kholu ga Efrayimi, nyi na khala nga nghala, ga na Judha nyi khala nga ginghalana. Eni, nyabune, nyi na va vbadzulela nyi khuga nyi hongola navo; gambe mwalo a na va vbulugisago.

Levhi 26:28

Eni nyi na mi wugela khu likhulo, nyi mi tsayisa livbandre na dzimbili dzinyondro khu kotani nya sighoho sanu.

Amosi 9:6

Nungungulu khuye a vbahago dzinyumba dzaye vbatshani Ndzadzini, a thawuludza ndzadzi yi fenengedza mafu, khuye a ranago mati nya linene a ma guhula vbatshani nya mafu. Lina laye khuye Pfhumu Nungungulu.

Matewu 24:39

Kha va nga tugula gilo, kala gu vboha talo nya mati wu ngata va mwaladza vatshavbo. Kharato nugo gu na girega litshigu a na tago Mwamana wa Muthu.

Luka 17:27

Va di gu hodza ni gu sela; vama va di gu dzega, vanyamayi va di gu dzegwa, kala litshigu Nowa a nga belago taroni, gu manega talo, wu nga mbembisa vatshavbo.

Varoma 5:21

Kha nga olu gighoho gi yeyedzidego tshivba yaye khu gu resa gufa, kharati nuwo wuhigo wa Nungungulu wu ngu yeyedza tshivba yaye khu gu hi ninga gululama gu hi yisago guvbanyani nya gupindruge, khu Pfhumu yathu Jesu Kristo.

Varoma 6:23

Handro nya gighoho khu gufa, aholu, giningwa hi gi manago ga Nungungulu khu guvbanya nya gupindruge, gumogo ni Jesu Kristo, Pfhumu yathu.

Dhewuteronome 32:39

Gasi olu, wonani gwadi gukhenu, Eni kheni nyi gu Nungungulu, mwalo mumbe nungungulu vbavbandze ga Eni! Eni kheni nyi ningago guvbanya ni gufa, Eni nyi ngu songa ni guvbanyisa, mwalo a vbulugago mandzani gwangu.

Vahebheru 11:7

Khu gukhodwa, Nowa pwide sitiviso sa Nungungulu nya esi si nga hadza gu dugelela, a nga bani a si kodzi gu si wona. Nowa a di yingela Nungungulu a gu gira ngalava, a bela umo uye ni ngamo yaye, a gu vbanyiswa. Khu guralo, a di kona litigo, a gu hakha ga Nungungulu wuzundzo nya gukhodwe.

1 Pedro 3:20

Maphuvbo ya vale va ngamba yingela Nungungulu, gikhati uye a nga virela khu gutimisela, matshigu yale Nowa a nga bani a gu gira litaro. Avo nya vadugwana, nya livbandre na vararu vathu, va nga bani varomo litaroni, khavo va nga vbuluga gufa khu talo nya mati.

2 Pedro 2:5

gambe Nungungulu kha ditshedza litigo la gale, aholu a di resa talo nya mati tigoni ga vale nya guvivbedwe khu myonyo, a vbulugisa Nowa basi ni vambe nya livbandre na vavili, afela gu ganela guvbanya nya gululame gwa Nungungulu.