Genesi 5:22 - Bhibhiliya Nya Guage

²² Hwane nya gu na velegide Metusalema, Enoki vbanyide gipimo nya mazana mararu (300) myaga na gu landrisa gugola gwa Nungungulu, a di velega talo nya sanana nya vama ni vanyamayi.

Genesi 5:22 Iomraidhean Croise

Genesi 17:1

Abrama a diri ni livbandre na mama magumi ni livbandre na mina (99) myaga nya guvelegwe gwaye, Pfhumu Nungungulu a di dzi wonegisa gwaye a gu mu embela, khuye: “Eni kheni Nungungulu nya Tshivba Yatshavbo. Gimbila mbeli gwangu nu lulamide.

Genesi 24:40

Uye a di nyi hakha, khuye: Pfhumu Nungungulu a nyi thangelago dzindzilani gwangu gwatshavbo, a na rumela Ngilozi yaye yi gu bangaladza gasi lendro lago li mane mihandro hi yi vbwetago; u na dzegela gyanana gyangu nyamayi nya lihundzu langu, wa ndrangani ga babe wangu.

Genesi 48:15

A di kategisa Josefa, a ganela, khuye: Nungungulu, oyu vababe vangu Abrahama ni Isaki va gimbidego khu dzindzila dzaye, Nungungulu, oyu a nyi sayisidego gukhugela guvelegwani gwangu kala litshigu la muhuno;

Genesi 5:21

Enoki nari ni livbandre na limwedo magumi ni livbandre (65) myaga nya guvelegwe gwaye, a di velega Metusalema.

Genesi 5:23

Matshigu yatshavbo nya guvbanye ga Enoki, mazana mararu ni livbandre na limwedo magumi ni livbandre (365) myaga.

Genesi 5:24

Enoki a di landrisa gugola ga Nungungulu gikhati gyatshavbo, a di mwalalega nyamba wonwa gambe. Kholu Nungungulu a di mu dzega aya khala naye.

Genesi 6:9

Aya khu matimo ya Nowa. Matshiguni gwaye, Nowa a diri uye basi muthu nya lisine nya gululame mafuni, a di gu landrisa gugola ga Nungungulu gikhati gyatshavbo.

1 Dzipfhumu 2:4

Khu kharato,Pfhumu Nungungulu a na tadzisa magana a ganedego avbo gwangu, khuye: Sanana sago, sa gu vegedza dzindzila dzawe, va gimbila khu ndzila nya gululame mbeli gwangu, khu monyo wawe watshavbo ni hefemulo wawe watshavbo, gima kha gu na hamugega muthu wa nyumbani gwago, nya gute khale vbagikhalotunu gwangu nya wufumu wa na Israyeli.

2 Dzipfhumu 20:3

“Dundruga Pfhumu Nungungulu, idzo eni nyi gu thumedego khidzo, nyi gimbide gwadi mbeli gwago, khu lisine ni monyo wu lulamidego, nyi gira gwadi mbeli gwago.” Ezekhiya, a di lila khu wuvi waye watshavbo.

Dzindzimo 116:9

Khu guralo, nyi na gimbila mbeli ga Pfhumu Nungungulu, tigoni nya vathu va vbanyago.

Dzindzimo 128:1

Kategide uye a thavago Pfhumu Nungungulu, a gimbilago dzindzilani gwaye!

Dzindzimo 16:8

Gikhati gyatshavbo nya gu vega Pfhumu Nungungulu mbeli gwangu, khu guralo, uye khade nyamudye gwangu, gima kha nyi na thava gilo.

Dzindzimo 26:11

Gasi eni, nyi lulamide guvbanyani gwangu, nyi tshule, nyi pwele wuhindzi.

Dzindzimo 56:13

Khu guralo, u vbulugiside hefemulo wangu tshivbani nya lufu, khwa dzumedzisa gukhuwe nyi tshunganela nyi thega, nyi gimbile mbeli gwago Nungungulu, gasi nyi gimbila wenengedzoni nya guvbanye.

Dzindzimo 86:11

Nyi hevbudze Pfhumu ndzila yago, gasi nyi kodza gu gimbila lisineni.

Ekisodha 16:4

Khavbo avbo, Pfhumu Nungungulu a di embela Mosi, khuye: “Wona, nyi na mi rumelani guhodza, gu na tshiga khu ndzadzini kha nga ndzadzi. Vathu va na duga litshigu ni litshigu va rolela esi si ninganago gu hodza litshigu limwedo. Esi nya gu girela gu va linga, gasi nyi wona mwendro va na landrisa milayo yangu.

Gizimba 1:4

Nyi phare, nyi gulandrela khu gututuma! Mufumeli a nyi bedzide makhuvini gwaye. Hi na gu zundza hi gu tsakela. Hi na nengela ni gutsaka avbo gwago, hi na gualakanya khu lihaladzo lago nya gutshambe guvbindra dosi nya dziuvha. Avo valulamidego, va ngu gu gola.

Hoseya 14:9

Khu mani a gu ni guti, nya gukodze gu pima silo sesi? Uye a gu ni mapimo gasi a siti? Kholu dzindzila dza Pfhumu, dzi lulamide, va nya gululama va na gimbila khidzo, aholu sindraga milayo, dzi na va tshunganiswa va thega.

Levhi 26:12

Nyi na bani nyiri vbakari gwanu, nyi khala Nungungulu wanu, enu mu khala vathu vangu.

Amosi 3:3

Ina vathu vavili va ngu dzi kodza gu longoloka na va si pwanani, gani?

Mikeya 4:5

Kholu mafumbu yatshavbo ma na gimbila, muthu ni muthu ni nungungulu waye, aholu ethu hi na landra lina la Pfhumu Nungungulu wathu, khavbo gu si vbeligo.

Mikeya 6:8

Uwe muthu, Uye a gu nonedzide iso si gu sadi, iso Pfhumu Nungungulu a si vbwetago gukhuye u si gira khu esi: Gira iso si lulamidego, gola wuwadi, u gimbila khu gu dzi nogisa mbeli ga Nungungulu wago.

Malakiya 2:6

Khanani gwaye gu diromo nayo nya lisine, khu kanani gwaye, gima kha ga nga duga silo nya guvivbe; nyi di gimbila naye khu gurula ni gululama a di ndreyisa nya vangi ndzilani nya guwegele.

Luka 1:6

Vatshavbo va vavili va di lulamide mahoni ga Nungungulu; va di gu landrisa milayo ni siguruvedzo sa Pfhumu khu ndruda yatshavbo, guvbanyani gwawe, gima kha va manwa vari ni gihoso.

Mithumo 9:31

Libandla li di gu vbanya khu gu rula Judheya gwatshavbo, ni Galileya ni Samariya; Li diya na li gu dandra ni githawo ga Nungungulu, na li gu tiyiswa khu tshivba nya Liphuvbo nya Guage.

Varoma 8:1

Aholu, olu wu mwalo gambe nandru ga vale va tshanganisidwego ni Jesu Kristo.

1 Vakorinto 7:17

Muthu ni muthu khu edzi a ningidwego khidzo, a na vbanye nga edzi a nga bani a gu vbanya khidzo gikhati a ranidwego khu Nungungulu. Khiso nyi hevbudzago ga mabandla yatshavbo.

2 Vakorinto 6:16

Gu mwalo gupwanana Nyumba ya Nungungulu ni vanungungulu nya malipha. Kholu ethu hi Nyumba ya Nungungulu a vbanyago, kha nga a ganelago uye mune Nungungulu, khuye: “Nyi na vbanya, nyi gu gimbila vbakari gwawe; eni nyi na khala Nungungulu wawe, avo va na khala vathu vangu.”

Vaefeso 5:15

Khu kharato, vandriyangu, dzi woneleni guvbanyani gwanu. Mu nga vbanyi kha nga sipumbu, aholu kha nga vathu nya guti.

Dhewuteronome 13:4

Enu mu na landrela Pfhumu Nungungulu wanu, mu na mu ninga githawo; mu na vegedza milayo yaye, mu yingisa lito laye, mu hidzimela avbo gwaye.

Dhewuteronome 28:9

Wa gu vegedza milayo yaye, Pfhumu Nungungulu a na gu emisa u khala litigo laye nya guage, kha nga idzo a sambanyidego khidzo Pfhumu Nungungulu wago, wa gu gimbila khu dzindzila dzaye.

Dhewuteronome 5:33

Mu na gimbilani khu ndzila yatshavbo mu rumwago khu Pfhumu Nungungulu wanu, gasi mu kodza guvbanya ni sigiro sanu satshvbo si mi dugela gwadi. Mwa gu gira isoso, mu na katega mu vbanya matshigu nya gutale ga litigo mu na guya li fumelago.

Vakolosi 1:10

Kharati, mu na kodza gu landrisa guhaladza gwa Pfhumu, mu gu mu tsakisa mithumoni yatshavbo; mu na ninga mihandro nya mithumo ya yadi, mu dandra khu guti Nungungulu.

Vakolosi 4:5

Vbanyani khu guti ni mapimo vbakari nya vale va si khodwigo, mu londrola gwadi gikhati mu gu nagyo.

1 Vatesalonika 2:12

Hi mi embede, hi mi tiyisa ni gu mi yeyedzani, edzi mu vbwetago gu landra khidzo gudzina gwa Nungungulu, a mi ranidego guya belani wudhumoni nya Wufumu waye.

1 Vatesalonika 4:1

Vandruye, mu hakhide ga ethu sileletelo nya ndzila mu yelago gu yi landrani gasi gu tsakisani Nungungulu. Hi ngu mi lombani ngudzu khu lina la Pfhumu mu pharise gu gimbila khu ndzila yoyo, nga edzi mutago mu na gu gira, gasi mu andra ngudzu.

1 Johane 1:7

Aholu, ha gu vbanya guwonegelani, kha nga olu Uye a guromo muguwonegelani, gu yeyedza gupwani hi ngu hengela gumogo ethu hatshavbo, gambe Novba wa Kristo, Mwamana waye, wu ngu handza sighoho sathu satshavbo.