Genesi 49:8 - Bhibhiliya Nya Guage

⁸ Uwe Judha, vandriyago va na gu rungudza. Mandza yago ma na tshomborosa dzithamo dza valala vago. Sanana sa babe wago si na noga mbeli gwago!

Genesi 49:8 Iomraidhean Croise

Genesi 27:29

Mayigo ma na gu khozele, ma na khidzime mahundzu nya vathu mbeli gwago! Fumela vandriyago, mbelii gwago si na noge sanana sa mayi wago! A na vadwe oyu a na gu valago, a kategiswe oyu a gu kategisago.”

Genesi 29:35

A engedza gambe a khura mimba, a velega gimbe gyanana nya gikhwathana; khavbo avbo, a di ganela, khuye: “Olu nyi na bonga Pfhumu Nungungulu. Khu guralo, a di gi riya lina la Judha. A hegisa, kha nga velega gambe.”

Genesi 42:6

Josefa a diri mwamangulu wa tigoni mule, khuye gambe a nga bani a rengisela sivbila vathu vatshavbo va tigoni. Avbo va vbohidego vandruye va Josefa, va dita thega vbavbatshi va nogisa dzikhovbe kala vbavbatshi, va khidzima mbeli gwaye.

Genesi 46:12

sanana sa Judha, khesi: Eri, Onani, Sela, Peresi ni Zera. Eri ni Onani, avo va fude tigoni ga Khanani; sanana sa Peresi khesi: Hezironi ni Hamuli;

2 Samuweli 22:41

U giride gu valala vangu va thava mbeli gwangu, nyi fuviside avo va nyi vengago.

2 Samuweli 24:9

Jowabhi a di ningela ga mufumeli tengo nya vathu va nga sayedwago; tigoni ga Israyeli gu diri ni livbandre na mararu magumi magumi mazana (800.000) vama va somidego guya dwana nyimbi; va na Judha va diri livbandre magumi magumi mazana (500.000) vama.

2 Samuweli 5:3

Khu guralo, ma dita Hebroni ga mufumeli, madhota yatshavbo ya na Israyeli; Dhavhidhe a di gira navo gidzumeledzwano mbeli ga Pfhumu Nungungulu dhoropani ga Hebroni; va todza Dhavhidhe khu mafura, gu khala mufumeli wa Israyeli.

1 Dzikoronika 28:4

Ambari khu guralo, Pfhumu Nungungulu wa Israyeli hawude eni, nyumbani gwatshavbo ga vavelegi vangu, gasi nyi khala mufumeli wa na Israyeli guvbanyani gwangu gwatshavbo; kholu Uye khu gale hathide Judha gu khala muthangeli, nyumbani ga na Judha hathide nyumba ya babe wangu. Ni vbakari ga sanana sa babe wangu, hathide eni nyi nga mu tsakisa, a nyi emisa gu khala mufumeli wa vatshavbo va na Israyeli kala gupindruga.

1 Dzikoronika 5:2

Judha a diri ni tshivba vbatshani ga vandriyaye vatshavbo, wufumu wu dzude khavbo gwaye; aholu fanelo nya wutiwula, ya gu lumba Josefe.)

2 Dzikoronika 14:8

Asa, a diri ni gikwata nya masotshwa nya mazana mararu magumi mazana (300.000) vama va na Judha, na va pharide sitshangu ni matshari, ni mazana mavili na livbandre na mararu magumi mazana (280.000) masotshwa ya na Bhejami, na va pharide navo sitshangu ni gu khwandra siholoma, vatshavbo vava, va diri vama nya dzindrena nya nyimbi.

2 Dzikoronika 15:9

A di tombanisa vatshavbo va na Judha, ni va na Bhejami, gumogo ni valuveli va Efrayimi, va na Manasi ni va na Simiyoni, va nga bani va vbanya vbakari gwawe, kholu nya vangi va na Israyeli va di bwelede avbo gwaye khu gu wona nya gukhavo, Pfhumu Nungungulu waye a na ni uye.

2 Dzikoronika 17:2

A di vega masotshwa makhokholani gwatshavbo nya madhoropa ya na Judha, a vega ni mitsawa nya gughadhe madhoropani gwa na Judha ni gwa na Efrayimi, ma nga bani na ma phangidwe khu babe waye.

2 Dzikoronika 30:11

Aholu vambe va na Aseri, va na Manasi ni va na Zabhuloni, va di dzi nogisa, vata Jerusalema.

Dzindzimo 76:1

Nungungulu a ngu tidwa gwadi tigoni ga Judha; lina laye li zundzegide tigoni ga Israyeli.

Isaya 9:7

Gasi wufumu waye nya gurule wu engedzelane kala gupindruga, vbagikhalotunu nya wufumu wa Dhavhidhe ni mufumo waye, a wu tiyisa ni gu wu seketela khu nongameto ni gululama, gukhugela olu kala gupindruga. Khathalelo waPfhumu Nungungulu nya Tshivba Yatshavbo wu na gira isoso.

Ezekiyeli 21:29

gasi li vegwa thamoni ga va nya gu dzi nyenyezisa ni va nya guvivbedwa khu myonyo, avo litshigu lawe ni gikhati nya tsayiso wawe nya guhegise gi vbohidego, na va gu gu wonisa siwoniso nyamba phasa gilo, ni gu sasuledza malipha.

Mitengo 1:27

umo nya lihundzu la Judha gulovedwe livbandre na mavili magumi na mana, ni livbandre na limwedo mazana (74.600) vama.

Mitengo 10:14

Guhegula gu di thanga mbeli lihundzu la Judha khu sikwata na vari ni ngavbya yawe na va gu thangedwa khu Nasoni, mwamana wa Aminadhabhi.

Mitengo 26:20

Simbe sanana sa Judha, gukhedza khu dzinyumba dzawe, khesi: Va na Kela, mupandri nya linyangwa la va na Kela; Peresi, nya linyangwa la va na Peresi ni Zera, nya linyangwa la va na Zera.

Mitengo 26:22

Edzi khu dzinyumba dza Judha, gukhedza khu edzi va lovedwego khidzo: Va diri livbandre na mavili ni livbandre na limwedo magumi ni livbandre mazana (76.500).

Dhewuteronome 33:7

Avbo a nga bani na gu kategisa Judha a di khuye: Uwe Pfhumu Nungungulu yingisa lito la Judha, U li vbohisa vbakari ga vathu vaye; mandza yago, ma na mu dwanele, Uwe khala muphasedzeli U mu tshudzisa ga valala vaye!

Vahebheru 10:13

Khavbo a guromo olu ni matshigu matago a virela gukhuye Nungungulu a vege valala vaye, va khala gigandredzelo nya migondro yaye.

Vahebheru 7:14

Hi ngu dziti gukhethu, khu guvelegwa, Pfhumu yathu a di gu lumba nyumba ya Judha. Aholu, Mosi kha ganela gilo khu lihundzu leli gikhati a nga ganela khu vaphasi nya mhamba.

Josuwa 10:24

Avbo va nga resago vafumeli vale ga Josuwa, uye a di tombanisa va na Israyeli vatshavbo a embela vathangeli nya vathu nya nyimbi va nga mu bangaladzago, khuye: “Hidzimelani mu ta gandra vbatshani nya dzithamo dza vafumeli vava khu migondro yanu; avo va di hidzimela vata gandra migondro dzithamoni gwawe.”

Josuwa 15:20

Eyi khiyo thomba nya lihundzu la va na Judha, gukhedza khu dzindranga dzawe.

Gutuledwa 11:15

Ngilozi nya livbandre na dzimbili yi di womba pundru. Khavbo avbo, gu di pwala ndzadzini na va gu kulungela khu tshivba, khavo: “Olu, Mufumo nya litigo wa gu lumba Pfhumu yathu, ni Kristo a na fumago kala gupindruga nya gupindruge.”

Gutuledwa 5:5

Limwedo nya madhota yale li di nyi degudzela, khilo: “U nga lili; kholu Nghala nya lihundzu la Judha a gu Melego wa Dhavhidhe, yi pade, yi ngu kodza gu tula libhuku ni gu namula sifungo saye satshavbo nya livbandre na sivili.”

Valamuli 20:18

Va na Israyeli va di khuga va gwela Bheteli, vaya wudzisa Nungungulu, khavo: “Khu mani wa vbakari gwathu, a na gu phelago khuye a gwela guya dwana ni va na Bhejami?” Pfhumu Nungungulu a di va embela, khuye: “Va na phele khu va na Judha.”