Genesi 48:7 - Bhibhiliya Nya Guage

⁷ “Na nyi guta khu Padhani-Arami, Rakeli a di nyi fela tigoni ga Khanani, vbakari nya ndzila, na gu tshade pfhukhana nya gukari gu vbweta gu vboha Efrata; nyi mu dzingide vbale ndzilani nya guhongole Efrata, a gu Bhetlehema.”

Genesi 48:7 Iomraidhean Croise

Genesi 25:20

Isaki a diri ni tanga nya magumana myaga gikhati a nga dzegago Rebheka, nyamahegyane wa Bhetuweli, Muharami wa Padhani-Arami, ndruye wa Laboni, Muharami.

Genesi 33:18

Avbo Jakobe a nga wuyago khu Padhani-Arani, a di vboha gwadi khu gurula dhoropani ga Sikemi, tigoni ga Khanani, aya vbaha tshatsha waye vbafuvbi ni lidhoropa lile.

Genesi 35:20

Jakobe a di vega gialakanyiso vbathowotunu gwa Rakeli, gi nga romo kala na muhuno olu.

Genesi 35:9

Nungungulu a di dzi wonegisa gambe ga Jakobe, hwane nya gu na wide khu Padhani-Arani, a gu mu kategisa.

Genesi 48:6

Aholu sanana u na velegago hwane ga esi, si na khala sago; va na hakha thomba yawe linani ga vandriyawe.

Mikeya 5:2

Ni uwe Bhetlehema wa Efrata, ambari u gu dugwana vbakari nya mazanazana ya Judha, khavbo gwago gu na duga uye a na khalago mufumeli wa Israyeli, uye a nga bani ari gitugulwana gukhugela gikhatini gya gale, gukhugela matshiguni ma si vbeligo.

Matewu 2:18

“Li di pwala lito tigoni ga Rama, lito nya dzihuwa ni ilo nya gililo: Khu Rakeli a lilago sanana saye; kha vbweti gu khongotedwa, kholu sanana saye si mwalo gambe, si di bhi!”

Rute 1:2

Mwama yoyu a di gu ranwa gupwani khu Elimeleki, lina la mwangadzi waye khu Nowemi, malina ya sanana saye khu Maloni ni Khiliyoni. Va diri sivelegwa sa Ewufrate, wa Bhetlehema, tigoni ga Judha. Va vbohide tigoni ga Mowabhi, va ya vbaha iyoyo.

1 Samuweli 1:1

Gu diromo mwama moyo nya lihundzu la Efrayimi, nya gupwani khu Elikana, mwamana wa Jeyoramo, mwamana wa Eliyu, gyanana gya Towu, mwamana wa Sufi a nga bani a vbanyela dhoropani ga Rama ga gipandre nya gigomo gya Efrayimi.

1 Samuweli 10:2

Muhuno avbo u na hambanago ni eni, u na manana ni vama vavili vbafuvbi ni lithowo la Rakeli, tigoni ga Bhejami, dhoropani ga Zeliza, va na gu embela, khavo: Dziburu nya migadzi u nga bani u dzi vbweta dzi manegide, khu guralo, babe wago kha garadzegi gambe khidzo, olu a gu garadzega khu kotani yanu, a ganela, khuye: Nyi na kheni ginani olu khu gyanana gyangu?

1 Samuweli 16:4

Khu guralo, Samuweli a di gira iso a nga embedwago khu Pfhumu Nungungulu, a ta Bhetlehema. A di khingwa khu madhota ya dhoropani, na va gu ndrendremela va mu wudzisa, khavo: “Guta gwago khwa gurula, gani?”

1 Samuweli 17:12

Dhavhidhe a diri gyanana gya Jese, Muefrata, givelegwa gya Bhetlehema wa Judha. Jese a diri ni livbandre na siraru sanana, gambe a di gumbide gikhatini gya Sawule.