Genesi 48:16 - Bhibhiliya Nya Guage

¹⁶ ngilozi yi nyi vbulugisidego guvivbani gwatshavbo, a na kategise sanana sesi. Si na gire lina langu li simama kala gupindruga, ni malina ya vababe vangu Abrahama ni Isaki va na velegelane va tala tigoni momu.

Genesi 48:16 Iomraidhean Croise

Genesi 22:11

Aholu, ngilozi ya Nungungulu yi di mu rana khu vbatshani Ndzadzini, khiyo: “Abrahama! Abrahama!” Uye a di hakha, khuye: “Nyi womo avba.”

Genesi 22:15

Khavbo avbo, ngilozi ya Nungungulu yi di rana gambe Abrahama nya wuvili khu vbatshani ndzadzini,

Genesi 32:28

Khavbo avbo, a di mu embela, khuye: “Khu na ranwa gambe Jakobe; aholu u na ranwa gupwani khuwe Israyeli; kholu u dwanide ni Nungungulu ni vathu, u pade.”

Genesi 46:3

Khavbo avbo, Nungungulu a di engedza, khuye: Eni kheni Nungungulu wa babe wago; u nga kanakani gu relela tigoni ga Egipito, kholu nyi na ya gu gira iyo litigo nya likhongolo.

Genesi 48:5

Olu, sanana sa sivili u velegidego tigoni ga Egipito, eni nyi si guti nyita khala vbafuvbi gwago, si na khala sangu. Efrayimi ni Manasi, va na khala sanana sangu, gukhwatshi khu Rubheni ni Simiyoni.

Genesi 49:22

Josefa litamo nya mihandro, litamo nya mihandro vbafuvbi ni nambo, matamo yaye ma gu tutuma khu vbatshani nya libhiyo.

2 Samuweli 4:9

Aholu, Dhavhidhe a di ninga phindrulo ga Rekabhi ni ndriyaye Bhahana, sanana sa Rimoni, a va embela, khuye: “Nyi ngu sambanya khu Nungungulu a vbanyago, a vbulugisidego hefemulo wangu wuvini gwangu gwatshavbo!

1 Dzipfhumu 1:29

Khavbo avbo, mufumeli a di sambanya a ganela, khuye: “Nyi ngu sambanya khu Pfhumu Nungungulu a vbanyago, uye a nga dzegisa hefemulo wangu wuvini gwatshavbo,

2 Dzikoronika 7:14

vathu vangu, va ranwago khu lina langu, va gu dzi sodzisa ni gu va lombelela khu gu vbweta Lina Langu, va hambana ni dzindzila dzawe nya guvivbe, na nyiri kheno ndzadzini, nyi na va yingisa, nyi va tsetselela sighoho sawe, nyi vbodzisa litigo lawe.

Dzindzimo 121:7

Pfhumu Nungungulu, a na gu vhikela guvivbani gwatshavbo, Uye a na sayisa womi wago.

Dzindzimo 34:2

Hefemulo wangu wu na dzi zundza khu Pfhumu Nungungulu, avo va dzi nogisago va napwa va nengela.

Dzindzimo 34:22

Pfhumu Nungungulu a ngu dzegisa mihefemulo ya sithumi saye, ni vale va tumbago uye, gima kha va na tsayiswa.

Dzindzimo 34:7

Ngilozi ya Pfhumu Nungungulu ya gu vhikela vale va mu ningago githawo yi va vbanyisa.

Dzindzimo 34:8

Lingani mupwa edzi Pfhumu Nungungulu a gu wadi khidzo; kategide wule a thavelago avbo gwaye.

Ekisodha 1:7

aholu sanana sa Israyeli si diya na si gu engedzela gu velegelana khu tshivba. Si di pandregelana si andra kala va tadza litigo latshavbo la Egipito.

Isaya 47:4

Lina la Mudzegisi wathu khu Pfhumu Nungungulu nya Tshivba Yatshavbo, Nyaguage wa Israyeli.

Isaya 63:9

Gutshanisekani gwawe gwatshavbo, uye a di tshaniseka gumogo navo, Ngilozi yi guromo mbeli gwaye, yi di va vbulugisa; a di va dzegisa khu lihaladzo ni gu va pwela gisiro, a va dzega, a va hetedza gukhugela matshiguni yawe yatshavbo ma vbindridego.

Jeremiya 14:9

Khu ginani u gira nga muthu a garadego, mwendro ndrena nyambana tshivba yi gumba kodza gu vbanyisa? Aholu uwe Pfhumu Nungungulu, u womo vbakari gwathu, ethu ha gu ranwa khu lina lago; u nga hi digi.

Jeremiya 15:21

Nyi gu vbulugisa mandzani ga va nya guvivbedwa khu monyo, ni gu gu vbulugisa mandzani ga va nya tshivba.”

Amosi 9:12

gasi vathu vangu va fumela mitshaledwa ya Edhomi ni mayigo yatshavbo ma ranwago khu lina langu, a ngu ganela Pfhumu Nungungulu, a girago silo sesi.

Malakiya 3:1

Pfhumu Nungungulu nya Tshivba Yatshavbo a ngu ganela, khuye: “Wonani nyi ngu rumela ngilozi yangu gasi guta dongisela ndzila mbeli gwangu; Pfhumu mu mu dilelago a na bela khu guvbiredza nyumbani gwaye, ni ngilozi nya gidzumeledzwano hi yi virelago gu reswa, yi ngu vboha.”

Mitengo 1:46

Vatshavbo va nga lovedwago va diri tengo nya livbandre na limwedo magumi ni magumararu na livbandre mazana ni livbandre magumi (603.550).

Matewu 6:13

U nga hi digi hi gu thega mugusengwani, aholu hi vbulugise guvivbani.’ Khwago mufumo ni tshivba ni wudhumo kala gupindruga. Amen.

Johane 17:15

Kha nyi lombi gukheni u va dusa tigoni, aholu kheni va vbulugise guvivbani.

Mithumo 15:17

gasi vathu vatshavbo vale va nga tshadego va vbwete Pfhumu. Gumogo ni va nya mayigo vatshavbo va agisedwego Lina langu,

Varoma 8:23

Khandri sivangwa basi, ni ethu nethu hi phedego gu hakha siningwa nya Liphuvbo nya Guage. Ethu hi ngu saniseka ni gu virela gikhati hi na gu dzegiswago kha nga sanana sa Nungungulu, a gu ugo gutshulega gwathu.

1 Vakorinto 10:4

va gu sela gambe mati ya mamowo nya liphuvbo ma nga pfhurugago khu mugiwindrini nya Liphuvbo gi nga bani gi gu va bangaladza, giwindri gyogyo khu Kristo.

1 Vakorinto 10:9

Hi nga lingi Pfhumu kha nga edzi va nga girago vambe, va ngafa khu guhodzwa khu dzinyoga.

Dhewuteronome 28:10

Mayigo yatshavbo ya mafuni ma na gu wona na wu gu ranwa khu lina la Pfhumu Nungungulu, ma na gu ninga githawo.

Dhewuteronome 33:17

Uye mburide kha nga gyanana nya matiwula gya mombe yaye! Dzikeho dzaye dzi ni tshivba kha nga dzikeho nya nyari; a nga mbembisa khidzo mayigo yatshavbo, kala mahegiso nya mafu: A gu sidzemo nya mahundzu ya na Efrayimi, mazanazana nya mahundzu ya na Manasi.

2 Thimoti 4:18

Pfhumu a na nyi vbulugisa guvivbani gwatshavbo, a na nyi ninga guvbanya Wufumuni gwaye wa ndzadzini. Wudhumo wu na ningwe Uye kala gupindruga. Amen.

Tito 2:14

Uye a di dzi ningela wurumba waye kotani gwathu, afela gu hi vbulugisa guvivbani gwatshavbo, a hi gira vathu nya guage va lumbago uye basi, va dzi vegisedego gu gira esi nya sadi.

Vahebheru 11:21

Khu gukhodwa, Jakobe, marandra nya guhadza gufa, a di kategisa moyo khu moyo, sanana sa Josefe, a gu khozela Nungungulu na tshigamede vbandrongatunu gwaye.

Josuwa 17:17

Josuwa a di ganela ga ndranga ya Efrayimi ni Manasi, khuye: “Enu mu na ni vathu nya vangi ni tshivba gambe, kha mu na mana basi gipandre gimwegyo.”