Genesi 48:1 - Bhibhiliya Nya Guage

¹ Hwane nya gu bani na si dugelede satshavbo sesi, va dita embela Josefa, khavo: “Babe wago a ngu dwala.” Josefa a di khuga a dzega sanana saye sa sivili, Manasi ni Efrayimi.

Genesi 48:1 Iomraidhean Croise

Genesi 46:20

Asenati, gyanana nya nyamayi gya Potifera, muphasi nya mhamba wa Oni, velegide ni Josefa Manasi ni Efrayimi tigoni ga Egipito.

Genesi 48:2

Va dita tivisa ga Jakobe, khavo: “Mwanago Josefa a nguta a ta gu wona.” Israyeli a di dzi gurumedza a wuga a kodza gu khala khu giwunu vbadawutunu.

Genesi 48:5

Olu, sanana sa sivili u velegidego tigoni ga Egipito, eni nyi si guti nyita khala vbafuvbi gwago, si na khala sangu. Efrayimi ni Manasi, va na khala sanana sangu, gukhwatshi khu Rubheni ni Simiyoni.

Genesi 50:23

Josefe wonide vatugulu vaye, sanana sa Efrayimi kala gitugulwana nya wuraru; gumogo gambe ni sanana sa Makiri, mwamana wa Manasi, avo va nga velegedwa dzikhungumudzini gwaye.

2 Dzipfhumu 13:14

Elizewu a di gu dwala khu ngumbe a fudego khiyo; Jowasi, mufumeli wa Israyeli a di relela aya iyo gwaye, aya lila khovbeni gwaye, khuye: “Baba wangu! Baba wangu! Kareta ya Israyeli ni vakhileli vakone!”

2 Dzipfhumu 13:20

Khu hwane nya isoso, Elizewu a difa, va mu dzinga. Aholu khu guphela nya mwaga, dzinyimbi dza na Mowabhi dzi di dhumela litigo va li sasela.

Joba 42:16

Khu hwane nya ugo, Joba vbanyide lizana ni magumana myaga; a wona sanana saye ni sanana sa sanana saye, kala gitugulwana nya wu na.

Dzindzimo 128:6

u nengela khu gu wona sanana sa sanana sago. Gurula gu na khale ga va na Israyeli!

Johane 11:3

Vandriyaye va di rumela mwango ga Jesu, khavo: “Pfhumu, wule u mu golago, a ngu dwala.”

Vahebheru 11:21

Khu gukhodwa, Jakobe, marandra nya guhadza gufa, a di kategisa moyo khu moyo, sanana sa Josefe, a gu khozela Nungungulu na tshigamede vbandrongatunu gwaye.

Josuwa 14:4

Sanana sa Josefe, si di gu wumba mahundzu mavili: Va na Manasi ni va na Efrayimi. Va na Levhi kha va ningwa giavelo tigoni momo, vbavbandze nya madhoropa nya gukhale umo ni mayigwana nya guvege umo mitshambi ni gu havisa sifuyo sawe.