Genesi 47:23 - Bhibhiliya Nya Guage

²³ Josefa a di embela vathu, khuye: “Gukhugela muhuno, enu gumogo ni sipeto sanu, mwa gu lumba Faro. Khiyo eyi mbewu, yalani marembweni.

Genesi 47:23 Iomraidhean Croise

Genesi 41:27

Livbandre na dzimbili dzimombe nya migadzi nya guwondre na dzi nyenyezide dzi nga landrelago gu duga, gu tshamusela livbandre na mivili myaga; ni livbandre na sivili sivbila nya guwondre nya guhahudwe khu phuvbo nya guvbise ya Khugadambo, gu tshamusela livbandre na mivili myaga. Gu na bani guri ni livbandre na mivili myaga nya ndzala.

Genesi 45:6

Kholu gu gira myaga mivili ndzala na yi gu tshanisa tigoni; gambe ndrani nya livbandre myaga yi nga gutago gu na bani guri mwalo gulima ni guhavela dzimbewu.

Genesi 47:22

Aholu gima kha renga sipeto sa vaphasi nya mhamba, vaphasi nya mhamba va di gu hakhiswa khu Faro tengo nya gukari, va di vbanya khu tengo wowo va nga bani na va gu hakhiswa khu Faro; khu guralo, avo kha va rengisa sipeto sawe.

Genesi 47:24

Avbo nya gikhati nya guvbwere, mu na ningela ga Faro gipandre nya livbandre, gasi simbe sipandre nya sina si na lumba enu, gu vega mbewu nya guyale marembweni ni gu hodzani enu, ni vathu vanu ni gu hodzisa ngamo yanu.”

Dzindzimo 112:5

Kategide muthu a pwelago wuhindzi a lombisa; a gimbidzisago silo saye khu gululama.

Dzindzimo 41:1

Kategide oyu a alakanyago gisiwana; litshigu nya sigaradzo a na vbanyiswa khu Pfhumu Nungungulu.

Mavingu 11:26

Vathu va gu vala wule a sihago tirigu a bomba gu rengisela vathu, aholu makategwa ma guta vbatshani ga wule a yi manago, a va rengisela nyamba hwela.

Mavingu 12:11

Uye a dzi limelago lithembwe a na hodza a khura, aholu uye a landrelago silo nyamba phasa gilo, mwalo mapimo.

Mavingu 13:23

Mahange nya sisiwana ma gu dusa mihandro nya yingi, aholu va gu yi luza khu gu hamugega milayo nya gululame.

Muhevbudzi 11:6

Yala mbewu yago gu ngari dzimindru, aholu vbasilambotunu u nga khali khu mawogo, kholu khu yiti iyo yi na bugago yi ninga mihandro; kheyi mwendro khu yile, mwendro dzatshavbo dzi na ni lisima.

Isaya 55:10

Kholu, kha nga olu ndzadzi ni thondrwane si thegago khu ndzadzini, si si bweleligo nyamba naganisa mafu, ni gu thela thomwa, yi bugisa dzimbewu dza muyali, ni gu ninga guhodza ga oyu a hodzago,

Matewu 24:45

“Khu gevbini githumi nya guthembege, nya gugengele, gile gi na gu vegwago mbeli nya sithumi sikwawe khu pfhumu, gasi gu si ninga guhodza khu gikhati gi vbwetegago?

2 Vakorinto 9:10

Nungungulu, a ningago muyali mbewu ni guhodza, a na andrisa mbewu nya mithumo yanu nya yadi, eyi mu yi girago, ni gu dandrisa mihandro nya gululame gwanu.