Genesi 47:22 - Bhibhiliya Nya Guage

²² Aholu gima kha renga sipeto sa vaphasi nya mhamba, vaphasi nya mhamba va di gu hakhiswa khu Faro tengo nya gukari, va di vbanya khu tengo wowo va nga bani na va gu hakhiswa khu Faro; khu guralo, avo kha va rengisa sipeto sawe.

Genesi 47:22 Iomraidhean Croise

Genesi 14:18

A nuye Melikisedheki, mufumeli wa Salema, a nga bani nari muphasi nya mhamba ya Nungungulu nya gukhugege ngudzu, a dita nuye na pharide gibaba ni vbinyu,

Genesi 41:45

Faro a di riya Josefe lina nya gupwani khu Zafinati-Paneya a gu mu ninga Asenati, nyamahegyane wa Potifera, muphasi nya mhamba wa Oni, gu khala mwangadzi waye. Josefa a di khuga a dzuwulugela litigo latshavbo la Egipito, a li wona.

Genesi 41:50

Na gu si vbohi ndzala, gu di velegwa sanana sivili sa Josefa nya guvelegwe khu Asenati, nyamahegyane wa Potifera, muphasi nya mhamba wa Oni.

Genesi 47:21

Josefa a di dzega vathu vatshavbo va tigoni ga Egipito a va gira dzikhumbi.

Genesi 47:23

Josefa a di embela vathu, khuye: “Gukhugela muhuno, enu gumogo ni sipeto sanu, mwa gu lumba Faro. Khiyo eyi mbewu, yalani marembweni.

Genesi 47:26

Josefa a di vega nayo tigoni gwatshavbo gwa Egipito nya hwengo nya gipandre nya livbandre wu yelago gu ningwa Faro, nayo yoyu wu simamago kala na muhuno. Vbavbandze ga nayo yoyu, gu di tshala basi sipeto sa vaphasi nya mhamba kholu si di si fumedwi khu Faro.

2 Samuweli 8:18

Bhenaya, mwamana wa Joyadha, a diri muthangeli nya Vakereti ni Vapeleti; gasi sanana sa Dhavhidhe, si diri dzindruna dza mufumeli.

Ezira 7:24

Gambe hi ngu mi tivisa gukhethu, vatshavbo vaphasi nya mhamba, va na Levhi, vaembeleli, vasayisi nya dzinyangwa, va na Netine, ni vathumegeli va Nyumbani ga Nungungulu, va nga dusi gikhaba ambari mihengo mwendro khupo.

Nehemiya 13:10

Nyi tivisidwe gambe gupwani va na Levhi ni vaembeleli va nga bani vari thumoni nya wukhozeli va digide gu ningwa miningelo yi nga bani yi va lumba, khu guralo, va khugide Jerusalema muthu ni muthu a bwelela ndrangani gwaye gu gu ni marembwe yawe, kholu va di si si mani iso nya guyele guvbanya khiso.

Matewu 10:10

mu nga pharini mirava nya dzimbuva, mwendro dzingandzu dzimbili, silato ni ndronga; kholu githumi gi na ni fanelo nya gu hodziswe.

1 Vakorinto 9:13

Ina mwa gu hangwa khu gukhenu ava va thumelago Nyumbani ga Nungungulu va na ni fanelo nya guhodziswe khu Nyumba ya Nungungulu, gani? Vaningeli nya mhamba kha va ngu hakha gipandre nya miningelo ya vbagiluvelotunu, gani?

Vagalatiya 6:6

Oyu a hevbulago guti Ivhangeli ya Kristo, a na kabane siningwa saye nya sadi ni oyu a hevbudzwago khuye.

Dhewuteronome 12:19

Dzi wonele, u nga digi gu sayisa mulevhi matshigu yatshavbo nya guvbanye gwago tigoni.

2 Vatesalonika 3:10

Aholu, hi di mi ningani giwonelo gasi mu gire nga idzo hi nga girago ethu. Kholu gikhati hi nga bani na hiri iyo gwanu hi mi embedeni nya gukhethu, oyu a si dzinigo gu thuma mwalo fanelo nya guhodze.

1 Thimoti 5:17

Vathangeli nya libandla, vale va thumago gwadi thumo wawe, va ngu yela gu zundzwa guvbindra pimo, ngudzungudzu ava va tshumayelago ni gu hevbudza.