Genesi 46:1 - Bhibhiliya Nya Guage

¹ Israyeli a di donga silo saye satshavbo a gu khuga a hongola, a vboha Bherisebha, aya paya avbo sirengo nya guphasele Nungungulu wa babe waye Isaki.

Genesi 46:1 Iomraidhean Croise

Genesi 12:8

A di khuga khu vbale a gu hongola mbeli kala gigomoni gi guromo phuvbo ga Khugadambo ga lidhoropa la Bheteli. A di tsitsa avbo mitshatsha yaye na gu wona Bheteli khu Muhwadambo, ni Hayi khu Khugadambo; a di gira gambe giluvelo a gu phasela avbo lina la Pfhumu Nungungulu.

Genesi 21:14

Abrahama a di wuga ni dzimindru ngudzu a dzega gibaba ni kanvu nya mati a ninga Agari; a di mu velegisa gyanana hwamboni a mu vbangana a hongola. Agari a di duga a legalega giwulani gya Bherisebha.

Genesi 21:31

Khu kota nya isoso, wulanga wule wu di ranwa gupwani Bherisebha, kholu vbale, va vavili va di girelana gisambanyo.

Genesi 21:33

Abrahama a di yala ngindru Bherisebha, a rana avbo Pfhumu Nungungulu nya Gupindruge.

Genesi 22:13

Khavbo avbo, Abrahama a di khusa maho, a wona nvuta mweyo na yi khwetede khu dzikeho misimboni. A di yi dzega a gu gira khiyo mhamba nya miphaso nya guvbiswe, a dzegisa khiyo mwanaye.

Genesi 28:10

Jakobe a di khuga khu Bherisebha a phara ndzila nya guye Harani.

Genesi 28:13

Khu vbatshani gakone, a di khade Pfhumu Nungungulu a mu embela, khuye: “Eni kheni Pfhumu Nungungulu wa koko wago Abrahama ni Nungungulu wa babe wago Isaki. Nyi na gu ninga uwe gumogo ni livelego lago, litigo leli u ladego avbo.

Genesi 31:42

Naripwani Nungungulu wa babe wangu Nungungulu Abrahama ni oyu a rungudzwago khu Isaki, kha nga nyi phasa, khu lisine nu nyi vbanganide nyambana gilo, nyi bwelela liphanga nyambana gilo mandzani. Aholu Nungungulu a wonide gusaniseka gwangu a wona mithumo ya mandza yangu, vbanova ni wutshigu a gu kawuka.”

Genesi 31:53

Nungungulu wa Abrahama, Nungungulu wa Nahori, Nungungulu wa babe wawe a na khale mulamuli vbakari gwathu.” Jakobe a di sambanya khu Nungungulu a rungudzwago khu babe waye Isaki.

Genesi 33:20

A di emisa giluvelo wulanga wule, a gi rana khu lina nya gukhuye “Eli, Nungungulu wa Israyeli.”

Genesi 35:3

Hongoleni hi khuge hi gwela Bheteli, nyi naya vbaha iyo giluvelo gya Nungungulu a nyi hakhidego litshigu nyi nga bani nyiri wuvini nya gutshaniseke gwangu, a nga nyi hetedzago dzindzilani gwatshavbo nyi gimbidego.”

Genesi 35:7

A di vbaha vbale giluvelo, a rana wulanga wule khuye Eli-Bheteli, kholu khavbo Pfhumu Nungungulu a dzi wonegisidego gwaye, gikhati a nga bani na gututuma khu gu thava ndriyaye.

Genesi 4:4

Abheli nuye a di gira phaselo, khu matiwula nya gifuyo nya gunone gya tshambini gwaye. Pfhumu Nungungulu a di hakha gwadi Abheli a gu salalegiswa ngudzu khu ningelo waye.

Genesi 45:28

Israyeli a di nengela a ganela, khuye: “Gyanana gyangu Josefa gi ngu vbanya! Basi, nyi eneledwe. Nyi na ya mu wona na nyi si gufi.”

Genesi 8:20

Nowa a di gira giluvelo a gi phasela ga Pfhumu Nungungulu. A di dzega gimwegyo ga lifumbu ni lifumbu nya sinyoni ni sirengo sile nyamba loledziswa gu hodzwa, a gu luva Pfhumu Nungungulu khu phaselo nya mhamba nya guvbiswe vbagiluvelotunu.

Joba 1:5

Gikhati va vbedzago matshigu nya buzo, Joba a di ranisa sanana saye gasi guta si agisa; a wuga ni dzimindru dzakone aya ningela phaso nya guvbiswe maningano khu vatshavbo, kholu a di gu alakanya gukhuye: “Hage saye, sanana sangu si ghohide, si vala Nungungulu khu myonyoni gwawe.” Joba a di gira kharato gikhati gyatshavbo.

Joba 42:8

Khu guralo, dzegani livbandre na dzimbili dzikuzi nya dzimombe, ni livbandre na dzimbili dzihamba, mu hongola nadzo ga githumi gyangu Joba, mu ya gira khidzo phaselo nya guvbiswe. Githumi gyangu Joba gi na mi lombelelani eni nyi na hakha khavbo gwaye nombelo wanu. Gasi khu guralo, kha nyi na mi tsayisa ambari olu mu ngamba gira silo nya gululame avbo gwangu, mu si fanani ni githumi gyangu Joba.”

Amosi 7:9

Malangani nya sigomo nya miphaso ya Isaki, ma na vbindrugedza ma khala marumbi, ni malangani nya miphaso ya Israyeli ma na khungumudwa; nyi na wugela nyumba ya Jerobhowamo khu matshari.”

Mithumo 7:15

Jakobe a di relela Egipito aya khala, a fa iyoyo, uye ni vababe vathu.

Josuwa 24:4

Isaki nyi di mu ninga Jakobe ni Esawu, Esawu nyi mu ninga gigomo gya Seyiri gi khala gyaye; aholu Jakobe ni sanana saye va di relela va hongola Egipito.

1 Samuweli 3:20

Israyeli gwatshavbo, gukhugela Dhani kala Bherisebha, va di muti gukhavo Samuweli emisidwe kha nga muprofeti wa Pfhumu Nungungulu.

1 Samuweli 8:2

Egi nya matiwula gi di ranwa gupwani khu Joyele, nya wuvili, a diri Abhiya; va diri valamuli va Bherisebha.