Genesi 45:7 - Bhibhiliya Nya Guage

⁷ Nungungulu a di nyi rumela mbeli gwanu gasi guta mi dongiselani wuthavelo tigoni momu, gasi gu vbanyisa womi wanu ni gu mi vbulugisa khu magirelo nya gusamadzise.

Genesi 45:7 Iomraidhean Croise

Genesi 45:5

Ambari ulo, mu nga swihali, gambe mu ngapwi dzitshoni khu olu mu nga nyi rengisani nyi reswa ga eli litigo; kholu Nungungulu a nyi thangiside mbeli gwanu gasi guta vbanyisa womi wathu.

Genesi 47:12

Josefa a di sayisa babe waye ni vandriyaye gumogo ni ngamo yatshavbo ya babe waye, a va ninga guhodza gukhedza khu tengo nya sanana sawe.

Genesi 50:20

Enu khu lisine, mu nyi giredeni gikungo nya guvivbe; aholu Nungungulu a gi vbindrugedzide a gi gira nya gyadi gasi gu manega nya sadi, kha nga olu mu si wonago, gasi vathu nya vangi va kodze guvbanyiswa.

1 Dzikoronika 11:14

Avo va di bela vbakari nya lithembwe lile, va dzi dwanela, va songa Vafilisitiya; Pfhumu Nungungulu a di va ninga gupala nya gukhongolo.

Dzindzimo 18:50

Uye khuye a ningago gupala mufumeli waye, gambe a ngu yeyedza lihaladzo ga wule a mu hathidego, khu kotani ya Dhavhidhe ni sanana saye kala gupindruga.

Dzindzimo 44:4

Nungungulu, uwe khuwe Pfhumu yangu, ninga Jakobe gupala.

Mithumo 7:35

“Khuye Mosi va nga mu nyenyago khavo, khu mani a nga gu gira mufumeli ni mulamuli wathu. Khuye a nga rumedwa khu Nungungulu kha nga muthangeli ni mutshuli, khu lito la ngilozi ya Nungungulu yi nga dzi wonegisa gwaye vbagipopwanatunu.

Valamuli 15:18

Kha nga a nga bani na gupwa lidora nya likhongolo, a di lila ga Pfhumu Nungungulu a ganela, khuye: “U ningide gupala gogu nya gukhongolo khu mandzani ga githumi gyago. Ina, nyi ngu yela gufa khu lidora nyi thegela mandzani ga mahedheni yaya, gani?”