Genesi 45:1 - Bhibhiliya Nya Guage

¹ Josefa kha nga kodza gu simama gu dzi phara mbeli ga avo va nga bani va mu randrede, a di ganela, khuye: “Embelani vathu vava vatshavbo va duga, avba!” Khu guralo, gu diri mwalo mumbe muthu vbafuvbi gikhati Josefa a dzi tugudzisidego ga vandriyaye.

Genesi 45:1 Iomraidhean Croise

Genesi 42:24

Josefa a di ndreya phuvbo aya lila. A di wuya ga vandriyaye a ta ganela navo. A di hatha Simiyoni a ruma gu mu khothela na gu wonwa khu vandriyaye.

Genesi 44:34

Nyi na dzi kodza kharini gu bwelela nyi ya wonana ni babe wangu, nyamba hongola ni gyanana? Kha nyi vbweti gu wona wuvi wu na bayisago babe wangu.

2 Samuweli 1:20

Mu nga embelini va tigoni ga Gati, gambe mu nga ma pwadzini dzindzilani dza Asikeloni, gasi va si nengeli vanyamahegyane va Vafilisitiya, ambari gu ghiya khu gutsaka vanyamahegyane va vathu nya makhuna.

2 Samuweli 13:9

A di dzega litindzalo a si thela mbiyani na gu mu wona, aholu uye a di bomba guhodza. Amoni a di ganela, khuye: “Va na duge vatshavbo va guromo mbeli gwangu. Vatshavbo va di duga.”

Isaya 42:14

Gale ngudzu na nyi degude, nyi dzi phara nyi dzi rudzisa; aholu, olu nyi na keta kha nga nyamayi a lumwago, nyi na hefemudzega nyi bwelo khavbo nyi taledwa khu mahika.

Jeremiya 20:9

Khavbo avbo, nyi di, kheni: “Kha nyi na mu alakanya gambe, ambari gu ganela gambe khu lina laye;” aholu isoso si di manega monyoni gwangu kha nga nilo wu dzurago na wu sihade maramboni gwangu; nyi ngu zama gu wu segela, aholu kha nyi yi mani ndzila.

Zakariya 12:10

Aholu nyumbani ga Dhavhidhe ni ga vavbanyi vatshavbo va Jerusalerma nyi na thela Liphuvbo nya wuwadi nilo nya milombelo; va na khedza wule va mu payidego; va na mu lila gukhwatshi va gu lila gyanana gya gimwegyo basi, va garadzega khu uye, gukhwatshi va gu garadzega khu gyanana nya matiwula

Matewu 18:15

“Wa gu wona gukhuwe ndriyago a gu ghohede, indra u ya mu kawuka na muri enu mwa vavili basi. A gu gu yingisa, u na bani u vbanyiside ndriyago.

Mithumo 10:41

Nasiri ga vathu vatshavbo, aholu ga dzifakazi dzile Nungungulu a nga bani a dzi hathide khu gale, a gu ethu hi nga hodzago ni gu sela naye, hwane nya gu bani a wugide khu ga vafudego.

Mithumo 7:13

Khu gikhati nya wuvili va nga hongolago Josefe a di dzi tugudzisa ga vandriyaye. Khu Kharato, valongo va Josefe va di tidwa khu Faro.

1 Vakorinto 13:5

Lihaladzo kha li giri esi nyamba yela, kha li dwaneli gu dzi tsakisa, kha li khali likhulo, mwendro guvbisega khu kota nya gu pimise guvivba li giredwago.