Genesi 43:8 - Bhibhiliya Nya Guage

⁸ Judha a di embela babe waye Israyeli, khuye: “Diga gyanana nyi hongola nagyo eni, gasi hi kodza gu bwelela; kharato hi na dzi kodza guvbanya ethu, uwe ni sanana sathu, gasi hi si mbembi.

Genesi 43:8 Iomraidhean Croise

Genesi 42:2

A di engedza gambe, khuye: “Nyi pwide gupwani tigoni ga Egipito somo sivbila, Indrani iyo mu ya renga, gasi hi mane guvbanya hi si mbembi khu ndzala.”

Genesi 42:38

Jakobe a di hakha, khuye: “Gyanana gyangu kha gi hongoli nanu; kholu ndriyaye mwalo gambe, khuye basi a tshadego. A gu dugedwa khu mhango ndzilani, mu na rini, dzinvi dzangu dzi na relela thowoni na dzi tade khu wuvi nya wukhongolo ngudzu.”

Genesi 44:20

Ethu hi hakhide ga pfhumu yathu, khethu: Hi na ni babe a gumbidego, ni ndriyathu a ngari gu gyanana, a mu velegidego wukhosaneni waye. Ndriyaye fude, gutshala uye basi ndrani ga mayi waye. Babe waye a gu mu gola ngudzu.

Genesi 44:26

Hi di mu hakha khethu: Kha hi dzi kodzi gu bwelela nya gumba hongola gumogo ni ndriyathu nya nandra. Kha hi na bwelela gambe; kholu kha hi dzi kodzi guya wonega mahoni ga mwama wule, a gumba hi bangaladza ndriyathu nya nandra.

Genesi 45:19

Uwe va embele gambe, khuwe: Girani, kharati: Dzegani dzikareta tigoni ga Egipito nya guenele sanana sanu ni vagadzi vanu; khiledzani umo babe wanu, mu wuya.

Genesi 50:21

Gasi olu, enu mu nga thavi; eni nyi na mi hodzisani gumogo ni sanana sanu.” Khu magana yaya, a di tangadzisa myonyo yawe.

Genesi 50:8

gumogo gambe ni ngamo yatshavbo ya Josefa ni vandriyaye ni ndranga yatshavbo ya babe waye; va diga basi tigoni ga Goseni, sanana ni mitshambi nya sirengo nya sidugwana neyi nya iso nya sikhongolo.

2 Dzipfhumu 7:13

Khavbo avbo, moyo nya sithumi saye, a di mu hakha, khuye: “Vambe va na dzege livbandre dzikavalu nya edzi dzi tshadego omu dhoropani, kholu dzi na gira gukhwatshi khu gidzemo gya na Israyeli, egi gi vbedego; nga hongoleni hi va rume hiya si wona.”

2 Dzipfhumu 7:4

Ha gukhethu: Hi na bele dhoropani, hi na yafa khu ndzala, kholu dhoropani gu ni ndzala; aholu ha gu khala avba, hi nafa gambe; hongoleni hiya dzi ningela lizumboni ga Vaasiriya; va gu hi diga, hi na vbanya, aholu va gu hi songa, hi nafa basi.”

Ezira 8:21

Na hiri vbafuvbi ni tsongo wa Ahavha, nyi di emisa litshigu nya guhale gasi gu dzi sola mbeli ga Nungungulu wathu, gasi hi mu lomba gu a hi yeyedze ndzila nya yadi, ethu ni sanana sathu, gumogo ni silo sathu satshavbo.

Dzindzimo 118:17

Kha nyi na ngafa, aholu nyi na vbanya; nyi fela gu tivisa mithumo ya Pfhumu Nungungulu.

Ekisodha 20:12

Rungudza babe ni mayi wago, gasi ma engedzedwa matshigu yago nya guvbanye tigoni u na ningwago khu Pfhumu Nungungulu wago.

Mitengo 14:31

ni sanana esi mu nga khenu si na modwa khu valala vanu, avovo Eni nyi na va vbohisa gasi va kodza guti litigo enu mu li bombidego.

Dhewuteronome 33:6

A na vbanye Rubheni, a ngafi, vathu vaye va na engedzelane!