Genesi 43:21 - Bhibhiliya Nya Guage

²¹ Gu di manega gu, na hi vbohide ndrangani nya vaendri, gikhati hi tudego dzisaku dzathu, moyo ni moyo a di mana dzitsapawu dzaye ndrani nya saku yaye. Hi dzude nadzo avba,

Genesi 43:21 Iomraidhean Croise

Genesi 43:12

Pharani gambe dzitsapawu nya gubhanye guvili tengo nya guphele, ni edzi gambe mu nga dzi manago mudzisakuni gwanu, kholu nyi ngu tumba gukheni va di phazama.

1 Pedro 3:16

Aholu, girani esi khu monyo nya gurule ni githawo, kha nga vathu va tengidego mapimoni gwawe, gasi mwa gu vadwa, vale va ganelago guvivba khu mavbanyelo yanu nya yadi nya wukristo, va na khala dzitshoni.

1 Pedro 2:12

Mavbanyelo yanu vbakari nya va nya mayigo gu vbwetega nari mavbanyelo nya yadi. Gasi va gu mi singedza guvivba, va konwe khu mithumo yanu nya yadi, va fela gu rungudza Nungungulu litshigu a natago.

Vahebheru 13:18

Simamani mu hi lombelela, kholu hi na ni lisine nya gukhethu mapimo yathu ma agide, kholu gikhati gyatshavbo ha gu dwanela gu gira esi nya sadi.

Vahebheru 13:5

Guvbanyani gwanu mu nga dzi digi mu gu fumwa khu makolo nya dzitsapawu; nengelani khu esi mu gu naso, kholu Nungungulu ganede, khuye: “Eni gima kha nyi na mi diga.”

Varoma 13:8

Mu nga khali ni mangava ga muthu. Mangava yanu ma na khale basi lihaladzo nya wundruye. Kholu oyu a haladzago muthu kwawe, a ngu tadzisa nayo.

Varoma 12:17

Mu nga bweledzelini guvivba khu guvivba, aholu dzi garadzeni khu gu girela gwadi vathu vatshavbo.

Genesi 43:15

Avo va di dzega miningelo, va phara dzitsapawu nya tengo nya gubhanye guvili, va dzega gambe ni Bhejami. Va di bela ndzilani nya guye Egipito, na va vbohide, va di ya dzi bikela ga Josefe.

Genesi 43:20

va mu wudzisa, khavo: “U na hi tsetselela pfhumu yangu! Hi dzude gambe avba khu gimbe gikhati hi ta renga guhodza.

Genesi 43:22

gambe hi pharide dzimbe dzitsapawu, gasi guta renga gumbe guhodza. Kha hi muti khu mani a nga wuya a thela gambe dzitsapawu dzathu mudzisakuni gwathu.”

Genesi 44:8

Hi gu resede khu tigoni ga Khanani dzitsapawu hi nga dzi manago mudzisakuni gwathu. Hi di hadza gu dzi kodza kharini guba ndralama mwendro parata ndrangani ga mune wago?