Genesi 42:9 - Bhibhiliya Nya Guage

⁹ Khavbo avbo, Josefa a di dundruga dzindroro a nga lorago na dzi gu ganela khu avo, a va embela, khuye: “Enu mu vasoli nya litigo, mu dzude guta sola litigo, gasi guti umo litigo lathu la sa tiyago gwadi.”

Genesi 42:9 Iomraidhean Croise

Genesi 37:11

Vandruye va Josefa va di mu girela lidiwo, aholu babe waye, a di vegedza silo monyoni gwaye.

Genesi 42:16

Rumelani moyo wanu guya mu dzega enu mu na khala sibotshwa; gu na wonega kharato lisine nya magana yanu. Mwa gumba girani kharalo, nyi ngu sambanya khu womi wa Faro, mu na wonwa kha nga valala.”

Genesi 42:34

Nyi wuyeleni ni ndriyanu nya nandra. Khavbo nyi na dzitigo gukheni kha mu ndri vasoli, ni gukheni mu vathu nya lisine. Nyi na mi ningani ndriyanu, nyi mi dzumedzisa mu gimbila tigoni mu rengani esi mu si vbwetago.”

2 Samuweli 10:3

Aholu dzindruna dza na Amoni dzi di embela mune wawe, khidzo: “Hanumi, wa gu alakanya gukhuwe olu Dhavhidhe a nga rumela vathu guta gu tangadzisa a gu zundza babe wago, gani? Khandri a di rumela vathu vaye gasi guta wona lidhoropa leli a vbweta mano nya gu li khungumule, gani?”

Ekisodha 32:35

Pfhumu Nungungulu a di tsayisa vathu kholu va nga gurumedza Aroni gu va girela gimombyana.

Mitengo 13:2

“Rumela vama va ya sola litigo la Khanani, nyi vbwetago gu li ningela ga sanana sa Israyeli; ga lihundzu ni lihundzu la vababe vawe mu na rumela mwama moyo, nya muthangeli vbakari gwawe.”

Luka 20:20

Va di mu riya, va mu rumela vathu nya guya mu linga. Avo va di hongola kha nga vathu nya vadi, na va lindrela gukhavo a na hoheta likana, gasi gu mu ningela mandzani ga mufumo.

Vahebheru 11:31

Khu gukhodwa, Rahabhi, nyamayi nya gibhayi, kha songwa gumogo ni vale va ngamba yingela Nungungulu, kholu uye a di hakha vasoli khu gurula.

Josuwa 2:1

Josuwa, mwamana wa Nuni, a di rumela khu gisihaledza tigoni ga Kitimi vasoli vavili a va embela, khuye: “Indrani mu ya holelela gwadi litigo ni lidhoropa la Jeriko.” Va di hongola vaya bela ndrangani ga nyamayi moyo nya gibhayi, lina laye a ranwago pwani Rahabhi, avbo va nga ya khalago avbo.

Josuwa 6:23

Madzaha nya vasoli va di bela nyumbani, va dusa Rahabhi gumogo ni babe waye, mayi waye, vandriyaye ni valongo vaye vatshavbo ni satshavbo si nga bani si mu lumba; va va sayisa vbavbandze nya lizumbo la Israyeli.

Valamuli 1:24

Avbo, vasoli va nga wona mwama moyo a nga bani na gu duga khu dhoropani, va di mu embela, khavo: “Hi yeyedze mwanya nya gubele dhoropani, ethu kha hi na gu girela guvivba.”

1 Samuweli 26:4

a di rumela vasoli vaya mana lisine nya gupwani khu lisine kamwe Sawule vbohide.