Genesi 42:2 - Bhibhiliya Nya Guage

² A di engedza gambe, khuye: “Nyi pwide gupwani tigoni ga Egipito somo sivbila, Indrani iyo mu ya renga, gasi hi mane guvbanya hi si mbembi khu ndzala.”

Genesi 42:2 Iomraidhean Croise

Genesi 42:3

Vandruye va Josefa va di phara ndzila va relela khu tengo wawe nya likhumi, gasi guya renga sivbila tigoni ga Egipito.

Genesi 43:2

Na va vbedzide guhodza va ngatago nago khu Egipito, babe wawe a di va embela, khuye: “Bwelelani mu ya hi rengela guhodza.”

Genesi 43:4

Wa gu dzumela gukhuwe ndriyathu a hongola gumogo ni ethu, hi na bwelela hi ya gu rengela guhodza.

Genesi 43:8

Judha a di embela babe waye Israyeli, khuye: “Diga gyanana nyi hongola nagyo eni, gasi hi kodza gu bwelela; kharato hi na dzi kodza guvbanya ethu, uwe ni sanana sathu, gasi hi si mbembi.

Genesi 45:9

Vbiredzani mu bwelela ga babe wangu mu ya mu embelani, khenu: Gyanana gyago Josefa gyari, khigyo: Nungungulu a nyi giride mune nya litigo latshavbo la Egipito, delu nyamba hwela u ta khala vbafuvbi gwangu!

Dzindzimo 118:17

Kha nyi na ngafa, aholu nyi na vbanya; nyi fela gu tivisa mithumo ya Pfhumu Nungungulu.

Dzindzimo 33:18

Maho ya Pfhumu Nungungulu, ma gu khedza vale va mu ningago githawo, ni ga vale va tumbago wuhindzi waye,

Dzindzimo 33:19

gasi a vbulugisa lufuni mihefemulo yawe, ni gu va vbanyisa gikhatini nya ndzala.

Isaya 38:1

Khu matshigu yale, a di dwala Ezekhiya khu madwali nya guhadze gufa; muprofeti Isaya, mwamana wa Amosi, a di ya mu wusela a mu embela, khuye: “Pfhumu Nungungulu a ngu ganela kharati, khuye: Lulamisela gwadi mahungu nya nyumba yago, kholu u nafa khu na vbanya gambe.”

Matewu 4:4

Jesu a di mu hakha, khuye: “Gu lovidwe gupwani: Muthu kha vbanyi khu guhodza basi, aholu, khu mahungu yatshavbo ma dugago khu ga Nungungulu.”

Mithumo 7:12

Aholu, Jakobe, na dzitide khuye Egipito yomo tirigu a di rumela iyo vababe vathu, gikhati nya guhegule.