Genesi 41:54 - Bhibhiliya Nya Guage

⁵⁴ gu di vboha livbandre na mivili myaga yile nya ndzala, kha nga idzo a nga bani na ganede khidzo Josefe. Gu di manega ndzala mayigoni gwatshavbo, aholu tigoni ga Egipito, gu di romo guhodza.

Genesi 41:54 Iomraidhean Croise

Genesi 41:27

Livbandre na dzimbili dzimombe nya migadzi nya guwondre na dzi nyenyezide dzi nga landrelago gu duga, gu tshamusela livbandre na mivili myaga; ni livbandre na sivili sivbila nya guwondre nya guhahudwe khu phuvbo nya guvbise ya Khugadambo, gu tshamusela livbandre na mivili myaga. Gu na bani guri ni livbandre na mivili myaga nya ndzala.

Genesi 41:30

Aholu khu hwane gu na handzamedza yimbe livbandre na mivili myaga nya ndzala. Talo watshavbo nya gufume, wu na vbela tigoni gwatshavbo gwa Egipito, ndzala yi na tshanisa tigoni.

Genesi 41:53

Na yi vbindride livbandre na mivili myaga yile nya gufume gu nga manegago tigoni ga Egipito,

Genesi 42:2

A di engedza gambe, khuye: “Nyi pwide gupwani tigoni ga Egipito somo sivbila, Indrani iyo mu ya renga, gasi hi mane guvbanya hi si mbembi khu ndzala.”

Genesi 43:1

Khu matshigu yoyo, ndzala yi di gu tshanisa tigoni.

Genesi 45:11

Nyi na ta gu hodzisa wulangani wowo, kholu ndzala yi nga na gu simama yi tshanisa ndrani nya livbandre myaga, gasi u si tshaniseki, uwe ni ngamo yago, ni satshavbo si gu lumbago.

Genesi 47:13

Gu di hamugega guhodza tigoni gwatshavbo; ndzala yi diri yingi ngudzu, Egipito ni litigo la Khanani, vathu va di rereka khu kotani nya ndzala.

2 Dzipfhumu 8:1

Elizewu a di ganela ga nyamayi wule a nga mu wusela gyanana gyaye nya gufe, khuye: “Khuga uwe gumogo ni mwama wago, u ya luvela ga litigo u na gu li wonago, kholu Pfhumu Nungungulu, reside ndzala ga litigo leli, yi na gu vbedzago livbandre na mivili myaga.”

Dzindzimo 105:16

A di gira yi manega ndzala tigoni mule, a diga vathu nyambana guhodza.

Mithumo 7:11

Yi di manega ndzala tigoni gwatshavbo ga Egipito ni Khanani. Gusaniseka gudiri gu khongolo. Vababe vathu va di hamuga ni gilo nya guhodze.