Genesi 41:51 - Bhibhiliya Nya Guage

⁵¹ Gyanana nya matiwula Josefa a di gi riya lina khuye khu Manasi, kholu a di khuye: “Nungungulu a nyi giride nyi divala sitshaniso sangu satshavbo ni ndranga yatshavbo ya babe wangu.”

Genesi 41:51 Iomraidhean Croise

Genesi 41:30

Aholu khu hwane gu na handzamedza yimbe livbandre na mivili myaga nya ndzala. Talo watshavbo nya gufume, wu na vbela tigoni gwatshavbo gwa Egipito, ndzala yi na tshanisa tigoni.

Genesi 41:50

Na gu si vbohi ndzala, gu di velegwa sanana sivili sa Josefa nya guvelegwe khu Asenati, nyamahegyane wa Potifera, muphasi nya mhamba wa Oni.

Genesi 41:52

Oyu nya wuvili, a di mu riya lina khuye khu Efrayimi, kholu a di khuye: “Nungungulu giride nyi ninga mihandro tigoni nya gutshaniseke gwangu.”

Genesi 48:1

Hwane nya gu bani na si dugelede satshavbo sesi, va dita embela Josefa, khavo: “Babe wago a ngu dwala.” Josefa a di khuga a dzega sanana saye sa sivili, Manasi ni Efrayimi.

Genesi 48:5

Olu, sanana sa sivili u velegidego tigoni ga Egipito, eni nyi si guti nyita khala vbafuvbi gwago, si na khala sangu. Efrayimi ni Manasi, va na khala sanana sangu, gukhwatshi khu Rubheni ni Simiyoni.

Joba 11:16

Uwe u na divaledwa khu wuvi u wu pwidego, u na wu alakanya basi, kha nga mati ma vbalagidego.

Dzindzimo 30:11

U vbindrugedzide gililo gyangu khu gutsaka; U nyi tshude gilendra, u nyi ambagisa mwendra nya gutsake.

Dzindzimo 30:5

Kholu likhulo laye kha li hweli guvbindra; makategwa yaye ma gu pindruga gikhati gyatshavbo, vbasilambotunu, gu manega gililo, vbadzimindrutunu, gu wuga gutsaka.

Dzindzimo 45:10

Upwa, nyamahegyane; wona u yingisa gwadi; diga vathu vago, u va divala gumogo ni ndranga ya babe wago.

Mavingu 31:7

gasi va sela va divaledwa khu wusiwana wawe, va si dundrugi sigaradzo.

Isaya 57:16

Khu guralo, kha nyi na mi singedza gikhati gyatshavbo, mwendro gu gira likhulo gikhati gyatshavbo; kholu mihefemulo nyi yi vangidego, yi nga vbeledwa khu tshivba mbeli gwangu.

Isaya 65:16

Ni wevbini a lombago gikategiso omu mafuni, a na kategiswa khu Nungungulu nya lisine, ni wevbini a na gu sambanyago mafuni, a na sambanya khu Nungungulu nya lisine; kholu gugaradzega gwaye gwa gale gu na divaledwa; gu sihidwe mbeli gwangu.

Mitengo 26:28

Sanana sa Josefe, gukhedza khu dzinyumba dzawe khesi: Manasi ni Efrayimi.

Dhewuteronome 33:17

Uye mburide kha nga gyanana nya matiwula gya mombe yaye! Dzikeho dzaye dzi ni tshivba kha nga dzikeho nya nyari; a nga mbembisa khidzo mayigo yatshavbo, kala mahegiso nya mafu: A gu sidzemo nya mahundzu ya na Efrayimi, mazanazana nya mahundzu ya na Manasi.

Josuwa 14:4

Sanana sa Josefe, si di gu wumba mahundzu mavili: Va na Manasi ni va na Efrayimi. Va na Levhi kha va ningwa giavelo tigoni momo, vbavbandze nya madhoropa nya gukhale umo ni mayigwana nya guvege umo mitshambi ni gu havisa sifuyo sawe.

Josuwa 17:1

Sanana sa Manasi, matiwula ya Josefa; va di hakha navo thomba yawe. Makiri, mwama nya ndrena, matiwula ya Manasi, babe wa Gileyadhi, a di hakha litigo la Gileyadhi ni Bhasani.

1 Samuweli 1:20

uye a di khura mimba, avbo gi nga vboha gikhati gyaye, a di velega gyanana nya gikhwathana, a gi riya lina la Samuweli, kholu a di ganela, khuye: “Nyi mu lombide ga Pfhumu Nungungulu.”