Genesi 41:34 - Bhibhiliya Nya Guage

³⁴ Faro a na gire iso, a rumela dzindruna dzaye tigoni gwatshavbo, a vege nayo nya khupo nya gipandre nya livbandre nya mihandro yatshavbo ya Egipito, ndrani nya livbandre na mivili myaga yeyi nya gufume.

Genesi 41:34 Iomraidhean Croise

Genesi 41:33

Olu Faro, gu vbwetega u hathe mwama moyo nya mapimo ni guti, u mu pharisa ndronga nya gugimbidzise litigo latshavbo la Egipito.

Genesi 41:35

Dzi na wungeledzedwe dzimbewu dzatshavbo dzi tshalago ndrani nya myaga yatshavbo yeyi nya gufume yitago. Gu na wungeledzedwe dzimbewu mu si sangalani nya mufumo wa Faro, madhoropani kha nga dzimbuva nya guhodze.

Genesi 47:24

Avbo nya gikhati nya guvbwere, mu na ningela ga Faro gipandre nya livbandre, gasi simbe sipandre nya sina si na lumba enu, gu vega mbewu nya guyale marembweni ni gu hodzani enu, ni vathu vanu ni gu hodzisa ngamo yanu.”

Genesi 47:26

Josefa a di vega nayo tigoni gwatshavbo gwa Egipito nya hwengo nya gipandre nya livbandre wu yelago gu ningwa Faro, nayo yoyu wu simamago kala na muhuno. Vbavbandze ga nayo yoyu, gu di tshala basi sipeto sa vaphasi nya mhamba kholu si di si fumedwi khu Faro.

2 Dzikoronika 34:12

Vama vava, va di thuma na va tumbegide thumoni; vawoneleli vawe, va diri Jahati ni Obhadhiya, ni va na Levhi nya sanana sa Merari, gumogo ni Zakariya ni Mesulamo, nya linyumba la na Khowati, gasi wu vbiredzisedwe thumo, ni vambe va na Levhi va nga bani va gu wuti gwadi thumo nya siwombawomba.

Nehemiya 11:9

Muthangeli wawe a diri Joyeli, mwamana wa Zikiri; gyandza gyaye a diri Judha, mwamana wa Senuwa, vbawuthangelitunu nya lidhoropa.

Joba 5:20

Gikhatini nya ndzala, kha na gu diga ufa, a na gu tshudzisa nyimbini, ni tshivbani nya matshari.

Dzindzimo 33:19

gasi a vbulugisa lufuni mihefemulo yawe, ni gu va vbanyisa gikhatini nya ndzala.

Mavingu 22:3

Muthu a gengedego a gu wona mhango yi ngari hwindzo a sihala; gasi sipumbu sa gu vboha vbafuvbi, khu hwane si dzi laya.

Mavingu 27:12

Muthu nya mapimo a ngu wona mhango na yi ngari hwindzo a sihala, aholu gipumbu gya gu yi thonona gi ya mana gutshaniseka.

Mitengo 31:14

Mosi a di gorogela vathangeli nya nyimbi, dzindruna nya sikwata nya likhumi mazana, ni dzindruna nya sikwata nya lizana va nga bani va wuya khu nyimbitunu.

Luka 16:5

A di rana va nya mangava khu moyo ni moyo. A ta wudzisa uye nya guphele, khuye: ‘Mangava muni u gu nawo ga pfhumu yangu?’