Genesi 41:13 - Bhibhiliya Nya Guage

¹³ Satshavbo si di dugelela kha nga idzo a nga hi tshamuselago khidzo. Eni nyi di wuyiswa nyaluphye thumoni gwangu, gasi oyu mumbe, a di songwa khu gu hungwa a tshwedziswa.”

Genesi 41:13 Iomraidhean Croise

Genesi 40:1

Hwane nya gu na si dugelede satshavbo sesi, gu di manega gu muthangeli nya vatheledzeli nya wadwa vbamezatunu ni muthangeli nya vagiri nya mikati nyumbani ga Faro, mufumeli wa Egipito, va gu ghohela mune wawe, mufumeli wa Egipito.

Genesi 40:12

Josefa a di mu hakha, khuye: “Upwa tshamuselo, khowu: Matamo mararu gu tshamusela matshigu mararu.

Jeremiya 1:10

Wona nya gukhuwe muhuno nyi ngu gu ninga tshivba nya gufumele mayigo ni mifumo, u na wandra ni gu pfhungumula, u mbembisa muphelo; ni gu vbahedza ni gu yala.”

Ezekiyeli 43:3

Makhalelo nya giwoniso gegi nyi gi wonidego, gi di gu fanana ni giwoniso nyi gi wonidego gikhati nyi ngata khungumula lidhoropa; si fanana ni siwoniso nyi si wonidego vbafuvbi ni tsongo wa Kebhari; nyi di thega vbavbatshi khu khovbe.