Genesi 40:3 - Bhibhiliya Nya Guage

³ a di rumela gukhuye va modwe va ya khothedwa nyumbani ga muthangeli nya dzighadhi, wulanga wa wumowo a nga bani a khothedwe avbo Josefa.

Genesi 40:3 Iomraidhean Croise

Genesi 39:1

Josefa a di yiswa tigoni ga Egipito. Moyo nya Mugipiti a ranwago gupwani khu Potifari, a nga bani ari muthangeli nya vaghadhi va mufumeli Faro, a di renga Josefa ga va na Ismayeli.

Genesi 39:20

Mune wa Josefa a di ruma gu a modwa a khothedwa pasoni, umo si nga bani si khothedwe sibotshwa sa mufumeli. Uye a di khala pasoni.

Genesi 39:22

Muthangeli nya lipaso a di mu vega gu khala muthangeli nya vakhedziseli nya sibotshwa satshavbo si nga bani si romo pasoni; satshavbo si nga bani si girwa pasoni si di thangedwa khu Josefa.

Genesi 39:23

Muthangeli nya lipaso, a di si dzi garadzi khu gu khedzisela esi si nga bani a pharisidwe Josefa, kholu Pfhumu Nungungulu a diri ni uye; Pfhumu a di gira gukhuye silo ni mithumo yatshavbo ya Josefa yi mu dugela gwadi.

Genesi 40:4

Muthangeli nya dzighadhi a di va ningela mandzani ga Josefa gasi a va thumela, va di khala matshigu nya gulaphe na va khothedwe.

Genesi 41:10

Tshigu mwedo Faro, a nga gorogago khu kotani nya sithumi saye, a di ruma gukhuye si khothedwe nyumbani ga muthangeli nya dzighadhi, a diri eni gumogo ni muthangeli nya vagiri nya mikati.