Genesi 4:7 - Bhibhiliya Nya Guage

⁷ Wa gu gira nya sadi, khu lisine u na zundzega, aholu wa gu gira guvivba, u na modwa khu gighoho kholu gyomo nyangwani gwago gi vbweta gu gu thesa. Aholu uwe guvbweta u gi pala.”

Genesi 4:7 Iomraidhean Croise

Genesi 19:21

A di hakha, khuye: “Nyi na gu girela gambe wuhindzi wowo; kha nyi na pfhungumula lidhoropa u li thulago.

Genesi 3:16

A di embela gambe nyamayi, khuye: “Nyi na gu gira u wona sigaradzo mimbani gwago, u na velega sanana khu wuvi nya wukhongolo, ambari ulo, u na khala lidora ngudzu nya mwama wago, aholu uye a na gu fumela.”

2 Samuweli 24:23

Arawuna a di ningela satshavbo sesi ga mufumeli, a engedza a embela mufumeli, khuye: “Pfhumu Nungungulu wago a na gu hakhe!”

2 Dzipfhumu 8:28

A di soma nyimbi gumogo ni Joramo, mwamana wa Akabi, vaya dwana ni Hazayeli, mufumeli wa Siriya, Ramoti wa Gileyadhi, Vaasiriya va di bayisa Joramo.

Joba 11:14

wa gu dzudzuga hwindzo wuvivbi wa mandzani gwago, u si dzumeli gukhuwe guvivba gu bela tshatshani gwago,

Joba 11:15

wa gu thuma isoso, khovbe yago kha yi na khala dzitshoni, u na tiya nyamba thava gilo.

Joba 29:4

Kha nga idzo nyi nga bani nyi romo khidzo matshiguni nya wudzaha wangu, avbo Nungungulu a nga bani nari pari yangu, a vhikela tshatsha wangu!

Joba 42:8

Khu guralo, dzegani livbandre na dzimbili dzikuzi nya dzimombe, ni livbandre na dzimbili dzihamba, mu hongola nadzo ga githumi gyangu Joba, mu ya gira khidzo phaselo nya guvbiswe. Githumi gyangu Joba gi na mi lombelelani eni nyi na hakha khavbo gwaye nombelo wanu. Gasi khu guralo, kha nyi na mi tsayisa ambari olu mu ngamba gira silo nya gululame avbo gwangu, mu si fanani ni githumi gyangu Joba.”

Mavingu 18:5

Guvhikela muthu a ghohidego, khu gufela gu rwega nandru muthu nya gululame gu vivbide.

Mavingu 21:27

Mhamba ya muthu nya guvivbedwe khu monyo yi nyenyezide mahoni ga Pfhumu, ngudzungudzu a gu yi ningela khu maalakanyo nya guvivbe.

Jeremiya 3:12

Indra khu phuvbo ga Wuronga u ya huwelela magana yaya, khuwe: Pfhumu Nungungulu a ngu rana Israyeli, khuye: Wuya eno gwangu, ambari u ndreyidego. Kholu nyi na gu pwela wuhindzi, kha nyi na gu girela likhulo; a ngu ganela Pfhumu Nungungulu.

Jeremiya 6:20

Ma gu nyi phasa ginani mabani mu nyi reselago khu tigoni ga Sabha, ni mafura nya gunungele mu nyi reselago khu mayigoni ya hwindzo? Miphaso yanu nya guvbiswe ni dzimhamba dzanu kha dzi nyi nengedzisi.

Mikeya 7:18

Khu mani uwe Nungungulu a fananago ni uwe, u tsetselelago guvivba, ni gu divalela guyeyisa ga mitshaledwa nya thomba yago? Pfhumu Nungungulu kha khali na gu vbisega khu likhulo gikhati gyatshavbo, kholu a gu tsaka khu gupwela wuhindzi.

Malakiya 1:10

Khu mani vbakari gwanu a na segago malimba nya Nyumba ya Nungungulu gasi gu si khondriswi gambe nilo nyambana fanelo vbagiluvelotunu gwangu? Kholu enu kha mu nyi salalegisi gambe, kha nyi na hakha gambe miphaselo yanu. A ngu ganela Pfhumu Nungungulu nya Tshivba Yatshavbo.

Malakiya 1:13

Mu engedza gambe, khenu: Hi garade khu satshavbo sesi, aholu mu simama gumba nyi ningani githawo, a ngu ganela Pfhumu Nungungulu nya Tshivba Yatshavbo. Mwa gu nyi reselani sirengo nya gubidwe, nya guhase niso nya gudwale mu ta nyi girelani khiso miphaso; ina mwa gu pimisani gukhenu eni nyi na si hakha na nyi tsakide khu mandzani gwanu, gani? A ngu wudzisa Pfhumu Nungungulu nya Tshivba Yatshavbo.

Malakiya 1:8

Khandri gunyenyeza gu nyi reselani sirengo nya gufe maho, nya guhase nesi nya gudwale, gani? Nga hongolani mu ya luva khiso ga mufumeli wago. Ina si na mu tsakisa? Ina a na mi hakhani gwadi, gani? A ngu ganela Pfhumu Nungungulu nya Tshivba Yatshavbo.

Mitengo 32:23

Aholu, mwa gumba girani kharalo, mu na bani mu ghohede Pfhumu Nungungulu, gambe dzitini nya gukhenu gighoho gyanu gi na mi resela tsayiso.

Mithumo 10:35

gambe kha khedzi mafumbo, a gu tsakiswa khu muthu ni muthu a mu ningago githawo ni gu landra ndruda Yaye.

Varoma 12:1

Nyi ngu mi lomba vandriyangu khu wuhindzi wa Nungungulu, gukheni mu dzi ningele wurumba wanu mu khale mhamba nya guvbanye, nya gukatege, nya gunengedzise Nungungulu. Eyi khiyo mhamba nya lisine nya maningano yi tsakisago Nungungulu.

Varoma 14:18

Muthu a thumelago Kristo khu magirelo nya nga ayoyo, a ngu tsakisa Nungungulu, a wuya a zundzwa khu vathu.

Varoma 15:16

nya guthumele Jesu Kristo ga va nya mayigo. Kha nga muphasi nya mhamba, thumo wangu khu gu tivisa Mahungu nya Yadi ya Nungungulu gasi va nya mayigo va ningedwe ga Pfhumu kha nga mhamba nya gutsakise Uye, yi agisidwego khu Liphuvbo nya Guage.

Varoma 6:12

Mu nga dzumedzisi gambe gighoho gi fuma givilini gwanu nya gufe, gi mi kutsedzela gu landrisa gudogorela gwaye.

Varoma 6:16

Ina kha mu dzitini gukhenu mwa gu dzi gira dzikhumbi dza muthu, gu vbwetega mu landrisela milayo ya wule mu mu thumelago, gani? Khidzo gambe kharato: Mwa gu dzi ningela ga gighoho, mu na mana gufa; gasi mwa gu dzi ningela ga Nungungulu mu na mana guvbanya nya wuhengeli naye.

Vaefeso 1:6

Gasi gu dhumisa gungangamela nya wuhigo waye, a hi ningidego khu ga Mwanaye nya gigodwa.

1 Thimoti 5:4

Aholu, va gu bani vari ni sanana mwendro vatugulu, va ngu yela gu girela githawo valongo vawe, ni gu va bweledzela wuhindzi va nga giredwa khu sikhosane sawe. Kholu, khiso si tsakisago mahoni ga Nungungulu.

Vahebheru 11:4

Khu gukhodwa, Abheli ningede ga Nungungulu mhamba nya yadi nya guvbindre eyi ya Kayimi. Khu gukhodwa, zundzidwe khu Nungungulu kha nga muthu nya wadi, gu kala Nungungulu a hakha ningelo nya miphaso yaye. Khu gukhodwa gwaye, Abheli, ambari a fudego, a nga guganela.

Jakobe 1:15

Gudogolela gwa gu bela monyoni nya muthu gu khura mimba gu velega gighoho, gighoho na gi giridwe gya gu vanga gufa.

1 Pedro 2:5

Hidzimelani nenu mu dzi ningedzela ga Nungungulu, gasi a mi thumise kha nga siwindri nya guvbanye, guvbahani nya nyumba nya Liphuvbo ya Nungungulu. Nyumbani momo, enu mu womo kha nga tsawa nya vaphasi nya mhamba va agisidwego, va hathidwego gasi gu ningela miphaso yi tsakisago Nungungulu khu ga Jesu Kristo.