Genesi 4:5 - Bhibhiliya Nya Guage

⁵ Aholu kha tsaka khu ningelo wa Kayimi. Khu guralo, Kayimi a di goroga ngudzu a sivbala khovbeni khu lidiwo.

Genesi 4:5 Iomraidhean Croise

Genesi 31:2

Jakobe a di wona gambe khovbeni ga Laboni gukhuye mipimiso yaye ya olu khandriyo saye niyo ya guhegulani.

Genesi 31:5

A di va embela, khuye: “Nyi ngu wona khovbeni ga babe wanu gukheni khandridzo saye ni guhegulani, aholu, Nungungulu wa babe wangu a na ni eni.”

Genesi 39:19

Mune wa Josefa, na pwide esi si nga ganedwa khu mwangadzi waye, a nga khuye: “Wona esi si giridwego khu khumbi yago,” a di goroga ngudzu.

Joba 15:13

Kholu uwe wa gu wugela Nungungulu, u dusa magana nya nga aya khu kanani gwago!

Joba 5:2

Gipumbu gi nafa khu giviti gyaye, ni ngara a na mbemba khu gumbana mapimo.

Dzindzimo 20:3

A na alakanye miningelo yago yatshavbo, a tsakiswa khu phaso wago nya guvbiswe.

Mavingu 19:3

Wupumbu nya muthu wu ngu ghoha guvbanya gwaye, monyo waye wa gu wugela Pfhumu Nungungulu.

Mavingu 29:10

Avo va golago gu songa vathu, va gu vengana ni muthu nya gululame, aholu avo valulamidego, va gu va vhikela.

Muhevbudzi 4:4

Nyi wonide gambe esi: Vatshavbo vale va dzi garadzago khu gu vbweta gudugelela mithumoni, va gu girwa khu lidiwo ni liphuvbo nya mapalisana vbakari nya vathu vakwawe, esi niso nya gu si wona na si si phasi gilo, gu dzi pfhadza ni gu tutuma hwane nya phuvbo yi vbindrago.

Isaya 3:9

Dzikhovbe dzawe dzi ngu va thuledza; dzi bhusa phungu nya sighoho sawe kha nga Sodhoma, nyamba siha gilo. Libango ga mihefemulo yawe! Kholu va gu dzi vangela vabune libango.

Mitengo 16:15

Mosi a di swireka ngudzu a embela Pfhumu Nungungulu, khuye: “U nga dzumeli gu hakha miningelo yawe! Eni gima kha nya va dzegela giburwana gyawe ambari gu gira guvivba ga moyo wawe.”

Matewu 20:15

Ina nyi mwalo fanelo nya gugire iso nyi sinago khu silo sangu, gani? Ina khandri wa gu khala lidiwo khu silo sangu, kholu eni nyi gu wadi, gani?’

Mithumo 13:45

Vajudha na va wone gutala nya vathu va di tala khu lidiwo, va gu ganedza ni gu poyila magana ya Pawulo.

Vahebheru 11:4

Khu gukhodwa, Abheli ningede ga Nungungulu mhamba nya yadi nya guvbindre eyi ya Kayimi. Khu gukhodwa, zundzidwe khu Nungungulu kha nga muthu nya wadi, gu kala Nungungulu a hakha ningelo nya miphaso yaye. Khu gukhodwa gwaye, Abheli, ambari a fudego, a nga guganela.

Judha 1:11

Libango lawe! Kholu va bede khu ndzila ya Kayimi. Khu kotani nya lidora ni dzitsapawu va dzi ningede gighohoni nya guvivbegya Bhalahama; va dzi mbembisa khu gu ganedza nya nga ogu ga Kora.

1 Samuweli 16:7

Aholu, Pfhumu Nungungulu a di embela Samuweli, khuye: U nga tsakiswi khu wumburi waye, ambari khu giyemo gyaye, kholu kha nya mu hatha; Pfhumu Nungungulu kha woni kha nga mawonelo nya vathu. Muthu a gu wona iso sa vbavbandze, aholu, Pfhumu Nungungulu a gu wona monyo.