Genesi 4:4 - Bhibhiliya Nya Guage

⁴ Abheli nuye a di gira phaselo, khu matiwula nya gifuyo nya gunone gya tshambini gwaye. Pfhumu Nungungulu a di hakha gwadi Abheli a gu salalegiswa ngudzu khu ningelo waye.

Genesi 4:4 Iomraidhean Croise

Genesi 15:17

Na li pfode lidambo, gu manega gidema nya gikhongolo, wu di wonega wutshi ni nilo na wu gu vbindra khu vbakari ni vbakari nya sirengo sile si nga piledwago.

Genesi 4:3

Na gu vbindride matshigu, Kayimi a di ningela phaso ga Pfhumu Nungungulu, khu mihandro nya mafu.

1 Dzipfhumu 18:24

Khavbo avbo, enu mu na ranani lina la nungungulu wanu, eni neni nyi na lombelela khu lina la Pfhumu Nungungulu; nungungulu a na gu ningago phindrulo khu nilo, uyoyo khuye a gu Nungungulu nya lisine.” Vathu vatshavbo va di hakha, khavo: “Ayoyo mahungu nya yadi.”

1 Dzipfhumu 18:38

Khavbo avbo, khu githugedza wu di thega nilo wa Pfhumu Nungungulu wu ta vbisa nyama yatshavbo wu tsagamisa phaso, dzikhuni, siwindri, bwelo khavbo wu minya ni mati ya umo nya sele.

1 Dzikoronika 21:26

A vbaha avbo giluvelo gya Pfhumu Nungungulu, a ningela avbo miningelo nya guvbiswe, niyo nya gubonge, a lombelela ga Pfhumu Nungungulu. Uye a di mu phindrula khu nilo vbagiluvelotunu nya miphaselo nya guvbiswe.

2 Dzikoronika 7:1

Avbo Solomoni, a nga vbedzago gu lombelela, wu di relela nilo khu ndzadzini wuta vbisa nyama nya miphaso nya guvbiswe ni yimbe miphaso, wudhumo wa Pfhumu Nungungulu, wu di tadza Nyumba yatshavbo.

Dzindzimo 20:3

A na alakanye miningelo yago yatshavbo, a tsakiswa khu phaso wago nya guvbiswe.

Ekisodha 13:12

u na phasela Pfhumu Nungungulu gyanana gyatshavbo nya matiwula, ni matiwula yatshavbo nya sifuyo sago; matiwula yatshavbo nya matune ma na lumba Pfhumu Nungungulu.

Mavingu 3:9

Rungudza Pfhumu Nungungulu khu silo u gu naso, ni mihandro nya guhegule ya mahangeni gwago.

Muhevbudzi 4:4

Nyi wonide gambe esi: Vatshavbo vale va dzi garadzago khu gu vbweta gudugelela mithumoni, va gu girwa khu lidiwo ni liphuvbo nya mapalisana vbakari nya vathu vakwawe, esi niso nya gu si wona na si si phasi gilo, gu dzi pfhadza ni gu tutuma hwane nya phuvbo yi vbindrago.

Levhi 9:24

Gu di duga nilo khu mbeli ga Pfhumu Nungungulu wu ngata tsagamisa nyama nya phaso nya guvbiswe ni mafura vbatshani nya giluvelo. Avbo va nga wona, vathu vatshavbo va di kulungela khu gunengela va noga va kuha vbavbatshi khu khovbe.

Mitengo 16:15

Mosi a di swireka ngudzu a embela Pfhumu Nungungulu, khuye: “U nga dzumeli gu hakha miningelo yawe! Eni gima kha nya va dzegela giburwana gyawe ambari gu gira guvivba ga moyo wawe.”

Mitengo 16:35

Khavbo avbo, gu dita khiyo ga Pfhumu Nungungulu, nilo wuta mbembisa avo nya mazana mavili ni livbandre magumi (250) va nga bani va vbiside libani.

Mitengo 18:12

Satshavbo iso nya mihandro nya guhegule nya mafura niso nya wadwa ni wuguvbi nya tirigu nya wadi, va na ningelago ga Pfhumu Nungungulu, nyi ngu gu ninga si lumba uwe.

Mitengo 18:17

Aholu matiwula nya mombe, matiwula nya nvuta mwendro matiwula nya phongo, esi kha si dzegiswi, kholu si agide; novba waye u na wu mitegedzela vbagiluvelotunu, mafura yakone u gira khayo ningelo nya guvbiswe, ma khala mahema nya gunungele ga Pfhumu Nungungulu.

Vahebheru 11:4

Khu gukhodwa, Abheli ningede ga Nungungulu mhamba nya yadi nya guvbindre eyi ya Kayimi. Khu gukhodwa, zundzidwe khu Nungungulu kha nga muthu nya wadi, gu kala Nungungulu a hakha ningelo nya miphaso yaye. Khu gukhodwa gwaye, Abheli, ambari a fudego, a nga guganela.

Vahebheru 9:22

Khu Nayo, silo satshavbo sa gu agiswa khu novba. Ni sighoho niso sa gu tsetseledwa basi khu gu vbaladzwa nya novba.

Gutuledwa 13:8

Vathu vatshavbo va mafuni va di khozela girengo, vale malina yawe ma nga mba lowa libhukuni nya womi li vegisidwego khu Nvutana yi payidwego gukhugela nya guvangwe litigo.

Valamuli 6:21

Ngilozi ya Pfhumu Nungungulu yi di kuha nyama ni sibaba nyambana mela khu tshoka nya ndronga yi nga bani yi pharide mandzani. Nilo wu di gwela khu vbagiwindritunu wu dagaredzisa nyama ni sibaba nyambana mela. Ngilozi ya Pfhumu Nungungulu yi di mwalalega mahoni gwaye.

1 Samuweli 15:22

Khavbo avbo, Samuweli a di mu embela, khuye: “Ina Pfhumu Nungungulu a gu tsakiswa khu miphaso nya guvbiswe ni dzimhamba guvbindra gu yingisa magana yaye, gani? Gu yingisa i tshukwana guvbindra miphaso, ni gu sayisa lito la Pfhumu Nungungulu, guvbindra mafura nya dzinvuta.