Genesi 39:21 - Bhibhiliya Nya Guage

²¹ Aholu Pfhumu Nungungulu a diri ni Josefa, a di mu gira a godwa, a mana wuhigo mahoni ga muthangeli nya lipaso.

Genesi 39:21 Iomraidhean Croise

Genesi 21:22

Matshigu yale, Abhimeleki a dita ni Fikoli, muthangeli nya dzinyimbi, ata embela Abrahama, khuye: “Nungungulu a ngu gu kategisa ga satshavbo u girago.

Genesi 39:2

Pfhumu Nungungulu a diri ni Josefa, a di mu gira a katega ga mithumo yaye tatshavbo, a gu hakhwa gwadi nyumbani ga mune waye nya Mugipiti.

Genesi 39:3

Mune waye a di wona nya gukhuye Pfhumu Nungungulu womo ga Josefa, gambe a ngu kategisa mithumo yatshavbo ya mandzani gwaye.

Genesi 39:4

Josefa a di mana wuhigo mahoni ga mune waye, a nga mu vegago kha nga gyandza gyaye; a di mu vega kha nga muthangeli nya ndranga yaye yatshavbo, a mu gira muphari nya silo saye satshavbo.

Genesi 40:3

a di rumela gukhuye va modwe va ya khothedwa nyumbani ga muthangeli nya dzighadhi, wulanga wa wumowo a nga bani a khothedwe avbo Josefa.

Dzindzimo 105:19

kala gutadzisega magana yaye, mahungu ya Pfhumu Nungungulu ma di mu linga.

Dzindzimo 105:22

ningidwe tshivba nya gurume dzindruna nya mufumo, ni gu hevbudza guti madhota yawe.

Dzindzimo 106:46

Khu kotani nya isoso a di kuha myonyo ya vale va nga vbagela va na Israyeli, va phela gu va pwela wusiwana.

Ekisodha 11:3

Pfhumu Nungungulu a di gira gu va na Israyeli va mana wuhigo mahoni ga Vagipiti. Mosi abune a diri ni tshivba nya guthavisege tigoni ga Egipito, mahoni ga sithumi sa Faro ni ga vathu va tigoni.

Ekisodha 12:36

Pfhumu Nungungulu a di va gira va mana wuhigo mahoni ga Vagipiti, va nga dzumelago gu va ninga esi va nga va lombago. Khu magirelo yoyo va di phanga Vagipiti.

Ekisodha 3:21

Eni nyi na gira vathu vava va mane wuhindzi mahoni ga Vagipiti; khu magirelo yoyo, gikhati mu na dugago, kha mu na duga liphanga mandzani.

Mavingu 16:7

Muthu a tsakisago Pfhumu Nungungulu khu mavbanyelo yaye, Uye a na mu gira a vbanya khu gurula ambari vbakari ga valala vaye.

Isaya 41:10

u nga khali hwanga, kholu eni nyi nago; u nga vbeli tshivba, kholu eni kheni Nungungulu wago; nyi na gu tiyisa ni gu gu phasa, nyi gu seketela, nyi gu phara khu libogo langu la nyamudye nya gutumbege.

Isaya 43:2

Ambari wa guvbindra khu matini, eni nyi na bani nyiri nago, wa gu tsemakanya mitsongo, gima khu na dzama. Wa guvbindra khu vbakari nya nilo, gima khu na nga vbya, ambari gu vbiswa khu malavbelavbe.

Dhaniyeli 1:9

Khu tshivba ya Nungungulu, gilombo gya Dhaniyeli gi di hakhwa khu muthangeli nya mithenwa.

Dhaniyeli 6:22

Nungungulu wangu rumede ngilozi yaye yita sega likana nya dzinghala. Idzo kha dza nyi gira gilo, kholu nyi wonidwe na nyiri mwalo nandru mbeli ga Nungungulu. Ambari avbo gwago gimwalo nyi ghohidego.”

Varoma 8:37

Aholu ga satshavbo sesi, ethu hi pade khu tshivba ya wule a nga hi haladzago.

1 Pedro 3:17

Kholu, gwadi gusaniseka khu gu gira silo nya sadi, (a gu bani ari ugo guhaladza ga Nungungulu), guvbindra gu gira guvivba.