Genesi 38:9 - Bhibhiliya Nya Guage

⁹ Aholu Onani a di dziti nya gukhuye sanana sakone kha si na mu lumba. Khu guralo, gikhati a tshanganago ni mwangadzi wa ndriyaye a di vbaladzela vbavbandze mbewu yaye, khu gufela gumba velegela sanana ndriyaye.

Genesi 38:9 Iomraidhean Croise

Genesi 38:10

Magirelo yaya kha ma tsakisa Pfhumu Nungungulu. A di mu bayisa nuye a gufa.

Joba 5:2

Gipumbu gi nafa khu giviti gyaye, ni ngara a na mbemba khu gumbana mapimo.

Mavingu 27:4

Likhulo li vivbide, ni gugoroga i talo nya mati, aholu khu mani a tiyelago lidiwo?

Dhewuteronome 25:5

Koma ni nandra va gu vbanya dangamwedo, moyo wawe a gufa na sa tshiya gyanana, khavbo avbo, mwangadzi wa oyu a fudego, kha yeli gu dzegwa gambe khu nombo, vbavbandze ga nongo wa mwama waye; a na hambedwa khu namu waye a mu hakha kha nga mwangadzi waye, gasi gu tadzisa fanelo yaye nya wulamu.

Dhewuteronome 25:6

Gyanana nya matiwula a na velegago naye, gi na tshikhedza lina la ndriyaye a fudego, gasi lina laye li si fuvi tigoni vbakari ga Israyeli.

Tito 3:3

Kholu, gale ethu nethu hi diri mwalo mapimo, hi di si yingeli, hi diri sipumbu, hi diri dzikhumbi nya gunavele silo satshavbo nya guvivbe; hi diri vathu nya guvivbe ni wufu. Hi di gu vengwa khu vatshavbo, a nethu hi di gu vengana.

Jakobe 3:14

Aholu, mwa gu khala lidiwo, likhulo ni wugundreli myonyoni gwanu, mu nga liphi gukhenu mu na ni guti.

Jakobe 3:16

Kholu avba gu manegago lidiwo ni wugundreli, gu na manega pfilupfilu ni silo satshavbo nya guvivbe.

Jakobe 4:5

Mwa gu alakanya gukhenu Milowo nya Guage ya gu ganela mahala, yi gu, khiyo: “Ina Liphuvbo li vbanyago milini gwathu, Nungungulu a di li gira khu wufu, gani?”

Rute 1:11

Nowemi a di va phindrula, khuye: “Gimbilani vanavangu, mu na hongolela ginani ni eni? Ina kamwe mahembeni gwangu gu ngari gambe ni sanana, nya guyele gu mi dzegani gambe, gani?

Rute 4:10

nyi ngu dzega gambe Rute, nya lifumbu la Mowabhi, ngadza Maloni a khala mwangadzi wangu, gasi nyi wusa lina laye thombani gwaye, gasi lina laye li si fuvi vbakari ga vandriyaye, ni vbakari nya tshangano nya vandruye; enu muhuno mu dzifakazi.”