Genesi 38:5 - Bhibhiliya Nya Guage

⁵ A di khura gambe mimba a gu velega gyanana nya gikhwathana a nga gi riya khuye khu Sela. Uye a di gu vbanya Kezibhe gikhati a velegedwego Sela.

Genesi 38:5 Iomraidhean Croise

Genesi 38:11

Khu guralo, Judha a di embela ngadzamwane waye Tamari, khuye: “Dzi vegise kha nga noni ndrangani ga babe wago, kala gyanana gyangu sela gi dandra. Judha a di thava gukhuye Sela a ngafa nuye kha nga vandriyaye. Gukhugela avbovbo Tamari a di bwelela gaya gwawe aya khala iyo.”

Genesi 38:26

Judha na wone gukhuye sombo saye, a di ganela, khuye: “Nyamayi yoyu a ngu nyi pala khu gululama. Kholu eni kha nya mu ninga gyanana gyangu Sela.” Gima kha nga engedza gambe gu lala naye.

Genesi 38:6

Judha a di dzegela nyamayi Eri, mwanaye nya matiwula. Lina la nyamayi va di pwani khu Tamari.

Genesi 46:12

sanana sa Judha, khesi: Eri, Onani, Sela, Peresi ni Zera. Eri ni Onani, avo va fude tigoni ga Khanani; sanana sa Peresi khesi: Hezironi ni Hamuli;

1 Dzikoronika 2:3

Sanana sa Judha khesi: Eri, Onani ni Sela; ava va vararu a velegide ni Suwa, nyamahegyane nya Mukhanani. Eri khuye matiwula ya Judha, aholu uye a di wonwa khu Pfhumu Nungungulu nari ni monyo nya guvivbe, khu kotani nya isoso, a di mu songa.

1 Dzikoronika 4:21

Sanana sa Sela, mwamana wa Judha si diri esi: Eri, babe wa Leka, Ladha, babe wa Maresa; a diri babe wa avo va nga bani va kodza gu luga mwendra nya seda, tigoni ga Bheti-Asebheya;

Mitengo 26:19

Sanana sa Judha khu Eri ni Onani; aholu avo va fede tigoni ga Khanani.

Mitengo 26:20

Simbe sanana sa Judha, gukhedza khu dzinyumba dzawe, khesi: Va na Kela, mupandri nya linyangwa la va na Kela; Peresi, nya linyangwa la va na Peresi ni Zera, nya linyangwa la va na Zera.