Genesi 37:9 - Bhibhiliya Nya Guage

⁹ Josefa a di engedza gulora yimbe ndroro a embeledzela vandriyaye, khuye: “Nyi loride gambe yimbe ndroro: Khu ndroroni nyi di wona lidambo ni ngima ni likhumi na mweyo dzinyeledzi na dzi gu noga mbeli gwangu.”

Genesi 37:9 Iomraidhean Croise

Genesi 20:3

Aholu Nungungulu a di embela Abhimeleki khu ndroroni ni wutshigu, khuye: “U nafa khu kotani nya nyamayi u dzegidego, kholu ngadzavane.”

Genesi 37:10

A di ya embela babe waye ni vandriyaye; babe waye a di mu hakha, khuye: “Ya gu tshamusela ginani ndroro yoyo? Ina eni babe wago ni mayi wago gumogo ni vandriyago, hi na noga vbavbatshi mbeli gwago, gani?”

Genesi 37:7

Ethu hi di gu hunga maduvi nya mwasi thembweni, khu githugedza, liduvi langu li di khugega li ema, gasi aya yanu ma di gu li randrela ma gu noga mbeli gwaye.”

Genesi 37:8

Vandriyaye va di mu embela, khavo: “Ina uwe u na fumela vbatshani ga ethu hatshavbothu, gani? Gu nonedza gukhuwe u na khala uwe pfhumu yathu?” Va di engedzela gu mu venga khu kotani nya dzindroro ni magana yaye.

Genesi 41:25

Khavbo avbo, Josefa a di ganela ga Faro, khuye: “Ndroro ya Faro mweyo basi. Nungungulu tiviside ga Faro esi a vbwetago gu gira.”

Genesi 41:32

Gu wuyedzela guvili ndroro ya mweyo, gu yeyedza gupwani si hungidwe gikungoni gwa Nungungulu, somo vbafuvbi nya gugirege.

Genesi 42:6

Josefa a diri mwamangulu wa tigoni mule, khuye gambe a nga bani a rengisela sivbila vathu vatshavbo va tigoni. Avbo va vbohidego vandruye va Josefa, va dita thega vbavbatshi va nogisa dzikhovbe kala vbavbatshi, va khidzima mbeli gwaye.

Genesi 43:26

Avbo Josefe a bedego ndrangani, va di mu yisela miningelo va ngatago nayo, va ya noga kala vbavbatshi mbeli gwaye.

Genesi 43:28

Avo va di hakha, khavo: “Githumi gyago, babe wathu khwadi, a nga gu vbanya. Khavbo avbo, va di noga.”

Genesi 44:14

Judha a di bela gumogo ni vandriyaye nyumbani ga Josefa, va ya mu mana na nga romo nyumbani, va di khidzima vbavbatshi migondroni gwaye.

Genesi 44:19

Gikhati pfhumu yangu u wudzisidego ga ethu sithumi sago, khuwe: Mu na ni babe mwendro mumbe ndriyanu, gani?

Genesi 45:9

Vbiredzani mu bwelela ga babe wangu mu ya mu embelani, khenu: Gyanana gyago Josefa gyari, khigyo: Nungungulu a nyi giride mune nya litigo latshavbo la Egipito, delu nyamba hwela u ta khala vbafuvbi gwangu!

Genesi 46:29

Na va vbohide, Josefa a di ruma gu dongisela kareta yaye, a khuga a hongola Goseni gu khinga babe waye. Na mu wonide a di mu wugarela thamoni a gu lila gikhati nya gulaphe mawogoni gwaye.

Genesi 47:12

Josefa a di sayisa babe waye ni vandriyaye gumogo ni ngamo yatshavbo ya babe waye, a va ninga guhodza gukhedza khu tengo nya sanana sawe.

Dhaniyeli 8:10

Yi dandra kala yi ya ghuma sivangwa sa ndzadzini, yi baga simbe sivangwa ni dzinyeledzi yi si rinya mafuni yi si gandredzela.

Mitengo 12:6

A va embela, khuye: “Olu yingisani magana yangu; vbakari gwanu a gu bani na romo muprofeti, Eni Pfhumu Nungungulu, nyi na dzi wonegisa gwaye khu giwoniso, nyi ganela naye khu ndroro.

Vafilipi 2:15

mu yeyedza kharati gukhenu mu vathu nya gululame, nya dzifanelo, gukhenu mu sanana sa Nungungulu, mu khala na mu agide nyambana gihoso vbakari nya vathu nya guwegele nya guvivbedwe khu monyo. Guvbwetega mu ngangamela vbakari nya vathu vovo kha nga myenge ya mafuni,