Genesi 34:9 - Bhibhiliya Nya Guage

⁹ Hongoleni hi gire pwanano gasi sanana sathu si dzegana. Dzumedzisani vanyamahegyane vanu va dzegwe eno gwathu, gasi ethu nethu hi dzumedzisa vanyamahegyane vathu va dzegwe iyo gwanu.

Genesi 34:9 Iomraidhean Croise

Genesi 19:14

Loti a di ya ganela ni vamwane vaye va nga bani va vbweta gu dzega sanana saye, khuye: “Khugani mu duga ga wulanga wowu, kholu Pfhumu Nungungulu a ngu vbweta gu mbembisa lidhoropa.” Aholu, avo va di mu wona kha nga muthu nya sithenga mbeli gwawe.

Genesi 24:3

Nya gu vbweta gukheni u sambanye khu lina la Pfhumu Nungungulu wa ndzadzini ni Nungungulu wa mafuni, khuwe, gima khu na nga vbwetela gyanana gyangu, nyamayi vbakari ga vanyamahegyane nya lifumbu nya Vakhanani nyi vbanyago vbakari gwawe.

Genesi 27:46

Rebheka a di embela Isaki, khuye: “Nyi ngu garadzega ngudzu guvbanyani gwangu khu kotani ya vanyamahegyane nya Vahiti; Jakobe nuye a gu dzegana ni nyamayi nya Muhiti kha nga avo, i tshukwana nyifa basi.”

Genesi 34:10

Vbahani omu vbakari gwathu, mu thuma gugola gwanu tigoni momu. Khalani omu mu vbaha, mu dzi girelani dzithomba.”

Genesi 34:8

Aholu Hamori a di ganela navo, khuye: “Monyo wa gyanana gyangu Sikemi wu ngu haladza ngudzu nyamahegyane wanu; nyi ngu mi lombani mu mu ninge a khala mwangadzi waye.

Genesi 6:2

Sivangwa sa ndzadzini si di wona gukhiso vanyamahegyane va mburide ngudzu. Gimwegyo ni gimwegyo gi di dzi hathela nyamahegyane gi nga mu gola gu khala mwangadzi waye.

Ezira 9:14

Ina hi na engedza hi ndraga milayo yago hi thangana gambe wupari ni vathu nya guvivbe ni manyala nya nga aya, gani? Ina u diri mwalo fanelo nya gu hi gorogele u hi mbembisa nyamba tshiya ni moyo nya mitshaledwa yeyi, na?

Dhewuteronome 7:3

U nga dzegani ni vathu nya mayigo yoyo; u nga lowodzisi sanana sago nya sagadzyana ambari gu lowodza vanyamahegyane vawe ga sanana sago nya sikhwathana;