Genesi 34:7 - Bhibhiliya Nya Guage

⁷ Avbo sanana nya sikhwathana sa Jakobe si nga wuyago khu panini, si di goroga ngudzu khu kotani nya iso si nga dugelelago. Likhulo lawe li diri likhongolo ngudzu kholu Sikemi a di giride silo nya guvivbe khu gu lala ni gyanana gya Jakobe esi si si yeligo gu girega.

Genesi 34:7 Iomraidhean Croise

Genesi 20:9

Hwane nya ugo, Abhimeleki a di ranisa Abrahama a mu embela, khuye: “Ginani u giridego gwathu? Gihoso muni hi giridego gwago, gu kala u rana nandru nya wukhongolo ngudzu ga eni ni litigo langu latshavbo? Uwe u nyi girede esi si si yeligo gu girwa khu muthu.”

Genesi 34:6

Hamori, babe wa Sikemi, a diya ga Jakobe, guya ganela naye.

Genesi 34:8

Aholu Hamori a di ganela navo, khuye: “Monyo wa gyanana gyangu Sikemi wu ngu haladza ngudzu nyamahegyane wanu; nyi ngu mi lombani mu mu ninge a khala mwangadzi waye.

Genesi 46:7

Sanana saye nya vama ni situgulwana saye nya vama, sanana saye nya vanyamayi ni situgulwana saye nya vanyamayi ni livelego laye latshavbo va di hongola naye tigoni ga Egipito.

2 Samuweli 13:21

Avbo mufumeli Dhavhidhe a nga pwago silo satshavbo sesi, a di vila khu likhulo.

Dzindzimo 93:5

Milayo yago yi tumbegide ngudzu; nyumba yago Pfhumu Nungungulu yi fanede gu aga kala gupindruga!

Mavingu 7:7

nyi wona vbakari nya madzaha nya va nyalidede nyi tugula lidzaha limwedo nyambana mapimo.

Jeremiya 29:23

kholu va nga girago silo nya gulolele ga va na Israyeli, va bhaya ni vagadzi va vaakelane vawe ni gu dzi gira vaprofeti vangu, va ganela khu lina langu nari malipha, na nya sa va ruma gilo; satshavbo soso nyi ngu siti, gambe kheni fakazi yakone.” A ngu ganela Pfhumu Nungungulu.

Levhi 4:13

A gu bani ari tshangano watshavbo nya vathu va na Israyeli va ghohidego khu guphazama, nasiri kha gwenye, va gira gilo gimwegyo gi himbedzedwago khu Pfhumu Nungungulu, va na mana nandru khu guralo.

Levhi 4:2

Ganela ga sanana sa Israyeli, u si embela, khuwe: “Muthu a gu dzipwa na ghohide, nasiri kha gwenye, aholu na giride esi Pfhumu Nungungulu a si himbedzedego gukhuye si nga girwi khu muthu, fanede gu gira, kharati:

Levhi 4:27

A gu bani ari muthu a nga ghohago basi khu guphazama, nasiri kha gwenye, na giride gilo gimwegyo gi himbedzedwago khu Nungungulu waye, khu kharato a wu mane nandru.

1 Vakorinto 10:8

Hi nga dzi ningedzeli wubhayini, kha nga edzi va nga gira nya vangi vawe, va fa khu litshigu limwedo basi gipimo nya magumavili na mararu magumi mazana (23.000) vathu.

1 Vakorinto 6:18

Thavani wubhayi! Kholu mambe mafumbu yatshavbo nya sighoho a girago muthu, kha si nyenyezisi givili gyaye. Aholu, oyu a girago wubhayi a ngu nyenyezisa givili gyaye.

Vaefeso 5:3

Aholu Wubhayi ni mithumo yatshavbo nya gunyenyeze, ni gu gundrela ni gu khumbugwa si nga khumbugwi vbakari gwanu, kholu enu mu sihathwa sa Nungungulu.

Dhewuteronome 22:20

Khu guralo, isoso a gu bani ari lisine, wu si manegi wufakazi nya wukendzi ga nyamahegyane wule,

Dhewuteronome 22:21

va na mu dzega va gu hongola naye nyangwatunu nya ndranga ya babe waye, vama va dhoropani gwaye va na mu pfara khu siwindri kala afa, kholu giride dzitshoni tigoni ga Israyeli, a dzi gira libhemba ndrangani ga babe waye; khu guralo, u na vbedza guvivba vbakari gwago.

Dhewuteronome 23:17

Vbakari nya sanana nya sagadzyana mwendro nya sikhwathana sa na Israyeli, gu nga tshuki gu manega ni moyo nya gu dzi ningedzele thumoni nya wubhayi wa wulangani nya wukhongeli nya malipha.

Vakolosi 3:5

Songani myonyoni gwanu gunavela gwatshavbo nya wuthu wa mafuni: Wubhayi, horo, wuphuphulu, mahingigedzo nya guvivbe ni ligungo a gu idzosaye ni gu khozela vanungungulu nya malipha.

1 Thimoti 5:13

Va olovela gu khala basi, va gimbila khu ndranga ni ndranga, va ganelela mapepetela niso nyambaya khumo.

Vahebheru 13:4

Lipango li na ningwe githawo khu vathu vatshavbo. Vama ni vagadzi vawe va na tumbane khu gyawe. Nungungulu a na lamula va nya gugira wuphuphulu ni vale va girago wubhayi.

Jakobe 3:10

Khu kanani ga gumogo, hi ngu dusa magana nya gurungudze ni magana nya guvale. Vandriyangu, kha gu vbwetegi kharato.

Josuwa 7:15

Muthu wule a na gu manwago nari ni silo nya gunyenyeze a na vbiswa uye ni satshavbo si mu lumbago, kholu uye ndragide gidzumeledzwano gya Pfhumu Nungungulu a gira silo nya gunyenyeze ngudzu ga va na Israyeli.”

1 Pedro 2:9

Aholu, enu mu lifumbu li hathidwego, mu vaphasi va Pfhumu, mu lihundzu li agisedwego Nungungulu, mu vathu mu lumbago uye. Enu mu hathidwe gasi mu huwelela tshivba ya Nungungulu, a mi ranidego mu duga gidemani, muta wenengedzoni gwaye nya gusamadzise.

Valamuli 20:6

Khu guralo, nyi di dzega gibhayi gyangu, nyi gi vbadzulela khu sipandre nyi si rumela tigoni gwatshavbo nya thomba ya Israyeli, kholu esi va na Bhejami va si giridego, givalo ni manyala nya guvivbe ga va na Israyeli.