Genesi 34:11 - Bhibhiliya Nya Guage

¹¹ Sikemi a di ganela ga babe wa Dhina ni ga vandriyaye, khuye: “Nya gu lomba gukheni mu nyi hakhe, ni sevbini mu na nyi lombago eni nyi na mi ningani.

Genesi 34:11 Iomraidhean Croise

Genesi 18:3

a ganela, khuye: “Pfhumu yangu, nya gu bani nyi mane wuhigo mahoni gwago, nyi ngu gu lomba, U nga vbindri nyamba bela ga githumi gyago.

Genesi 32:6

Myango yi di wuya ga Jakobe, yi ta, khiyo: “Hi hongode hi ya manana ni ndriyago Esawu, uye a ngu gu khinga ni mazana mana vama.”

Genesi 33:15

Khavbo avbo, Esawu a di ganela, khuye: “A gu bani nari kharato, nyi na ruma gutshala vambe vama nya ava nyi gu navo.” Jakobe a di hakha, khuye: “U nga dzi garadzi mune wangu! Eni nya gu bonga ngudzu nyi manidego wuhigo mahoni gwago, u nyi hakha gwadi!”

Genesi 34:10

Vbahani omu vbakari gwathu, mu thuma gugola gwanu tigoni momu. Khalani omu mu vbaha, mu dzi girelani dzithomba.”

Genesi 34:12

Ganelani tengo mu wu vbwetago nya lowolo ni sombo, nyi na mi ningani gukhedza khidzo mu dzinago khidzo. Aholu egi nyi mi lombago basi khu gukheni dzumelani nyi dzega nyamahegyane wanu a khale mwangadzi wangu.”