Genesi 34:10 - Bhibhiliya Nya Guage

¹⁰ Vbahani omu vbakari gwathu, mu thuma gugola gwanu tigoni momu. Khalani omu mu vbaha, mu dzi girelani dzithomba.”

Genesi 34:10 Iomraidhean Croise

Genesi 13:9

U na ni litigo latshavbo mbeli gwago. U ngu dzi kodza gu hatha umo u gunago. Nya gu gu lomba gukheni hi hambanelane malanga. Wa gu hongola nyambade, eni nyi na hongola nyamudye, wa gu hatha nyamudye, eni nyi na hongola nyambade.”

Genesi 20:15

Abhimeleki a di engedza gambe a ganela, khuye: “Wona, litigo langu lomo mbeli gwago. U ngu dzi kodza guya vbaha avbo gwago u gunago.”

Genesi 34:11

Sikemi a di ganela ga babe wa Dhina ni ga vandriyaye, khuye: “Nya gu lomba gukheni mu nyi hakhe, ni sevbini mu na nyi lombago eni nyi na mi ningani.

Genesi 34:9

Hongoleni hi gire pwanano gasi sanana sathu si dzegana. Dzumedzisani vanyamahegyane vanu va dzegwe eno gwathu, gasi ethu nethu hi dzumedzisa vanyamahegyane vathu va dzegwe iyo gwanu.

Genesi 42:34

Nyi wuyeleni ni ndriyanu nya nandra. Khavbo nyi na dzitigo gukheni kha mu ndri vasoli, ni gukheni mu vathu nya lisine. Nyi na mi ningani ndriyanu, nyi mi dzumedzisa mu gimbila tigoni mu rengani esi mu si vbwetago.”

Genesi 47:27

Israyeli a di vbaha tigoni ga Egipito a khala iyo, gipandre ngulu gya Goseni; va na Israyeli va di renga sipeto va velegelana ngudzu khu tshivba.