Genesi 33:9 - Bhibhiliya Nya Guage

⁹ Aholu, Esawu a di khuye: “Eni nyi naso nya guenele ni guvbindra, ndriyangu, khala ni iso si gu lumbago.”

Genesi 33:9 Iomraidhean Croise

Genesi 27:39

Babe waye Isaki a di mu hakha, khuye: “Ndranga yago yi na hamuga gunona nya mafu ni thondrwane yi thegago khu vbatshani ndzadzini.

Genesi 27:40

U na vbanya khu litshari lago u na khala githumi gya ndriyago, aholu mugugimbilani gwago nya gulegalege, u na tshula kanga waye thamoni gwago.”

Genesi 27:41

Esawu a dipwa likhulo khu Jakobe, khu kotani nya gikategiso gile a nga ningwago khu babe waye. A di ganela khu monyoni gwaye, khuye: “Ma na vboha matshigu nya gulile babe wangu, hwane nya ugo, nyi na songa ndriyangu Jakobe.”

Genesi 33:10

Aholu Jakobe a di hakha, khuye: “Ahihi! Olu nya gu bani nyi manide wuhigo mbeli gwago, hakha ningelo wa mandzani gwangu, kholu nyi wonide khovbeni gwago gukhwatshi khovbe ya Nungungulu; gu diga nya isoso, u nyi hakhide gwadi khu matsenya.

Genesi 4:9

Pfhumu Nungungulu a di wudzisa Kayimi, khuye: “Womo evbini ndriyago Abheli?” Kayimi a di hakha, khuye: “Ahati! Gasi eni nyi ghadhi ya ndriyangu, gani?”

Mavingu 16:7

Muthu a tsakisago Pfhumu Nungungulu khu mavbanyelo yaye, Uye a na mu gira a vbanya khu gurula ambari vbakari ga valala vaye.

Mavingu 30:15

Tshundrwa wu na ni sanana sivili nya sagadzyana si ranwago pwani khiso: “Nyi ninge, nyi ninge!” Silo siraru nyamba guti gu khura, ni sina si si ganeligo, khiso: “Basi!”

Muhevbudzi 4:8

Womo muthu a vbanyago enga, nyambana waye, nyambana sanana ni vandruye. Ambari khu kharato kha garali khu gu thuma, maho yaye kha ma kodwi khu gu wona talo nya thomba a gu nayo. Ne kha wudzisi gukhuye: “Gasi nya gu thumela mani, ni gu, nya gu dzi hiyela ginani esi nya gutshambe?” Isoso niso kha si phasi gilo, gu dzi pfhadza mahala.

Mithumo 21:20

Na va mu pwide, vatshavbo va di rungudza Nungungulu, va gu embela Pawulo, khavo: “Wandruye, u na wona nya gukhuwe mazana mangi nya Vajudha va hakhide gukhodwa ga Kristo, aholu va gu simama gu landrisa Nayo wa Mosi.

Mithumo 9:17

Khavbo avbo, Ananiya a di khuga a hongola, na vbohide a di bela nyumbani a gu handzega mandza Sawule a mu embela khuye: “Sawule ndriyangu, Pfhumu Jesu, wule a nga gu tumbulugela ndzilani, gikhati u nga bani u guta, khuye a nga nyi ruma guta gu tula maho ni gu gu ninga Liphuvbo nya Guage.”

Filemoni 1:16

Nasiri gambe gu mu gira kha nga khumbi; aholu mu hakhe kha nga ndriyago, nyi mu golago ngudzu eni, aholu ngudzungudzu uwe, a gu ndriyago khu wuthu ni ga Pfhumu.

Filemoni 1:7

Nyi nengede ngudzu nyi salala khu kotani nya lihaladzo lago, kholu myonyo nya sihathwa yi rude khu kotani yago, wandruye.

Valamuli 20:23

Va na Israyeli, va di gwela vaya lila mbeli ga Pfhumu Nungungulu kala ni silambo, va wudzisa Pfhumu, khavo: “Hi bwelela hi ya dwana ni vandriyathu va na Bhejami, gani?” Pfhumu Nungungulu a di va embela, khuye: “Indrani mu ya dwana navo.”