Genesi 33:5 - Bhibhiliya Nya Guage

⁵ Khu hwane Esawu a di khusa maho a gu wona vanyamayi ni sanana, a wudzisa, khuye: “Va mani vago ava?” Jakobe a di phindrula, khuye: “Sanana esi Nungungulu a nyi ningidego eni githumi gyago.”

Genesi 33:5 Iomraidhean Croise

Genesi 30:2

Khavbo avbo, Jakobe a di vbenyela Rakeli a mu embela, khuye: “Wa gu alakanya gukhuwe nyi ngu dzi kodza gu tshikedza wulanga wa Nungungulu a ngamba gu ninga livelego, gani?”

Genesi 33:6

Sithumi nya vanyamayi, si di hidzimela gumogo ni sanana sawe va ta khidzima.

Genesi 48:9

Josefa a di hakha babe waye, khuye: “Esi khu sanana sangu nyi ningidwego khu Nungungulu tigoni momu.” Jakobe a di khuye: “Nyi ngu gu lomba u va rese eno gwangu, nyi fela gu va kategisa.”

1 Dzikoronika 28:5

Gasi vbakari nya sanana nya singi a nyi ningidego, Uye hathide mwamana wangu Solomoni, gasi gu khala vbagikhalotunu nya wufumu wa Pfhumu Nungungulu, ni gu fumela litigo laye la na Israyeli.

Dzindzimo 127:3

Sanana giningwa hi hakhago khu ga Pfhumu Nungungulu, gu mana sanana gukatega.

Isaya 8:18

Nyi womo avba, gumogo ni sanana nyi ningidwego khu Pfhumu Nungungulu, gasi hi khala siyeyedzo ni siliwugiso tigoni ga Israyeli khu ga Pfhumu Nungungulu nya Tshivba Yatshavbo, a vbanyago gigomoni ga Siyoni.

Vahebheru 2:13

A ngu ganela gambe, khuye: “Ga Nungungulu nyi na vega gutumba gwangu gwatshavbo.” A engedza gambe, khuye: “Kheni oyu gumogo ni sanana Nungungulu a nyi ningidego.”

Rute 4:13

Khu guralo, Bhowazi a di dzegana ni Rute, a tshangana naye, Pfhumu Nungungulu a di mu gira a hakha mimba, a velega gyanana nya gikhwathana.

1 Samuweli 1:27

Nyi di lombelela ga Pfhumu Nungungulu khu gyanana gegi; Uye a nyi ninga gilombo nyi nga mu lombago.