Genesi 33:11 - Bhibhiliya Nya Guage

¹¹ Khu guralo, nyi ngu gu lomba, dzumela gu hakha ningelo va gu reselago khu lina langu, kholu Nungungulu a nyi girede wuhindzi; nyi na ni silo nya guenele.” Khu magirelo yoyo, Jakobe a di mu khongotela gu kala Esawu a dzumela gu hakha.

Genesi 33:11 Iomraidhean Croise

Genesi 30:43

Khu guralo, mwama yoyu a di ghanya a khala gitetema, a manega nari ni mitshambi nya yingi, dzikhumbi nya vama ni vanyamayi, dzingameriya ni dziburu.

Genesi 32:21

Khavbo avbo, miningelo yi di thanga mbeli gwaye; Jakobe a di pila wutshigu wowo wughoveloni gwaye.

Genesi 33:10

Aholu Jakobe a di hakha, khuye: “Ahihi! Olu nya gu bani nyi manide wuhigo mbeli gwago, hakha ningelo wa mandzani gwangu, kholu nyi wonide khovbeni gwago gukhwatshi khovbe ya Nungungulu; gu diga nya isoso, u nyi hakhide gwadi khu matsenya.

Genesi 33:12

Khavbo avbo, Esawu a di khuye: “Hongole hi bele ndzilani, eni nyi na longoloka gumogo nanu nyi mi bangaladza.”

Genesi 33:9

Aholu, Esawu a di khuye: “Eni nyi naso nya guenele ni guvbindra, ndriyangu, khala ni iso si gu lumbago.”

2 Dzipfhumu 2:17

Aholu avo va di mu gurumedza ngudzu kala a va embela, khuye: “Va rumeleni.” Va di rumela livbandre magumi vama, va ya vbedza matshigu mararu na va gu mu vbweta, aholu kha va nga mu mana.

2 Dzipfhumu 5:23

Nahamani a di hakha, khuye: “Dzega khu dzitaleta dzimbili.” A di mu gurumedza gu a hunga dzitaleta dzimbili nya parata, a dzi thela umo nya mikwama mivili gumogo ni dzingandzu dzimbili; a rwegisa sithumi saye sivili si thanga mbeli gwaye.

Luka 14:23

Khavbo avbo, a di embela githumi gyaye, khuye: ‘Indra dzindzilani ni sindzilanani, u gimbila u rana vatshavbo va ta bela, mwendro nyumba yangu yi na tala.

1 Vakorinto 3:21

Khu kharato, muthu a nga dzi khusedzi khu muthu kwawe, kholu satshavbo sa gu lumba enu;

2 Vakorinto 6:10

Gukhwatshi hi swihade, aholu hi ngu nengela gikhati gyatshavbo; gukhwatshi hi sisiwana, aholu hi fumiside nya vangi; gukhwatshi hi mwalo gilo, aholu hi naso satshavbo.

Vafilipi 4:18

Eni nyi naso satshavbo khu gutala nya iso. Olu nyi hakhidego satshavbo esi mu nga nyi rumela khu mandzani ya Epafrodito, nyi si mane khu gutala guvbindra esi nyi si vbwetago. Ningelo yoyu kha nga mahema nya yadi nya mhamba yi hakhwago khu Nungungulu yi mu salalegisa.

1 Thimoti 4:8

Kholu wa gu olovela gu vbanya khu mithumo nya givili, kha yi phasi gilo, aholu, wa gu vbanya khu gukhodwa, gu ngu phasa satshavbo, gu ngu ninga gutumba guvbanyani ga olu ni ugo gu natago.

Josuwa 15:19

Uye a di mu hakha, khuye: Nyi di vbweta gu gu lomba wuhindzi. Kha nga olu u nyi ningidego marembwe nya gubange, nyi ninge gambe sifefe nya mati. Khavbo avbo, Kalebi a di mu ninga sifefe nya mati sa vbatshani ni vbavbatshi nya kova.

Valamuli 1:15

Akisa a di mu hakha, khuye: “Nyi ninge gihiwa; kha nga u nyi ningidego gipandre gimwegyo nya gubange, nyi ninge gambe gifefe nya mati.” Khavbo avbo, Kalebi a di mu ninga sifefe sa musigomoni ni sifefe sa releloni.

1 Samuweli 25:27

Oyu khu ningelo wu residwego khu githumi gyago ga mune wangu, gasi wu ningedwa ga madzaha ma landrelago mune wangu.

1 Samuweli 30:26

Avbo Dhavhidhe a nga vbohago Zikalagi, a di rumela phango ga madhota ya Judha, ni ga dzipari dzaye, a va embela, khuye: Hakhani giningwa gegi nya phango hi phangidego ga valala va Pfhumu Nungungulu;