Genesi 32:6 - Bhibhiliya Nya Guage

⁶ Myango yi di wuya ga Jakobe, yi ta, khiyo: “Hi hongode hi ya manana ni ndriyago Esawu, uye a ngu gu khinga ni mazana mana vama.”

Genesi 32:6 Iomraidhean Croise

Genesi 31:18

a di dzega tshambi waye watshavbo ni dzithomba dzatshavbo a nga girago, tshambi wu mu lumbago a nga wu manago tigoni ga Padhani-Arani, a phara ndzila a bwelela ga babe waye Isaki, tigoni ga Khanani.

Genesi 32:11

Khu wuhindzi wago, nyi vbulugise mandzani ga ndriyangu Esawu, kholu nyi ngu thava gu dhumedwa khuye a nyi songa eni gumogo ni vanyamayi ni sanana.

Genesi 32:7

Jakobe a di tala khu hwanga a hambanega mapimo. A di kabanisa vathu a nga bani nari navo khu sikwata sivili. A gira gambe kharato ni sirengo nya sikhongolo ni esi nya sidugwana ni dzingameriya,

Genesi 32:8

khuye: “Esawu a gu dhumela tsawa moyo wumbe wu na kodza guvbuluga.”

Genesi 33:1

Gikhati Jakobe a nga khusa maho, a wona Esawu na gu mu khinga gumogo ni mazana mana vama, a di kabanisa sanana a ninga Liya, Rakeli ni sithumi saye sivili nya vanyamayi.

Genesi 33:15

Khavbo avbo, Esawu a di ganela, khuye: “A gu bani nari kharato, nyi na ruma gutshala vambe vama nya ava nyi gu navo.” Jakobe a di hakha, khuye: “U nga dzi garadzi mune wangu! Eni nya gu bonga ngudzu nyi manidego wuhigo mahoni gwago, u nyi hakha gwadi!”

Genesi 33:8

Esawu a di engedza, khuye: “Wa gu vbweta gukhuwe ginani khu mitsawa yatshavbo yile nyi nga yi manago na yi gu rumedwa khu uwe?” Jakobe a di hakha, khuye: “Khya gufela gu nyi mana wuhindzi gwago uwe pfhumu yangu u nyi hakha gwadi.”

Genesi 34:11

Sikemi a di ganela ga babe wa Dhina ni ga vandriyaye, khuye: “Nya gu lomba gukheni mu nyi hakhe, ni sevbini mu na nyi lombago eni nyi na mi ningani.

Genesi 47:25

Vathu va di hakha, khavo: “Uwe u vbanyiside womi wathu! Hi mane wuhigo mbeli ga mune wathu, hi na simama gu khala dzikhumbi dza Faro.”

Amosi 5:19

Li na gira kha nga muthu a thavago mbeli nya nghala, bwelo khavbo a manana ni gikankanka, mwendro gu muthu a gu bela nyumbani gwaye, mandza yaye a gu phara vbandzaritunu a hodzwa khu nyoga.

Rute 2:13

Rute a di hakha, khuye: “Mune wangu, nyi na mane wuhigo mbeli gwago, kholu u nyi tangadziside, u ganede monyoni ga githumi gyago ambari nyi si gu moyo nya githumi gyago nya nyamayi.”

Rute 2:2

Rute, nya lifumbu la Mowabhi, a di embela Nowemi, khuye: “Nyi dige nyi hongola thembweni nyi ya roledzela mitshaledwa nya sivbila ga uye a na gu nyi girelago wuhigo.” Nowemi a di mu embela, khuye: “Indra, mwanangu.”

1 Samuweli 1:18

Uye a di mu hakha, khuye: “Githumi gyago gi na mane wuhigo mbeli gwago.” Khavbo avbo, uye a diya hodzanyana gilogyo, kholu monyo waye wu di vbevbugide vbadugwana.