Genesi 32:10 - Bhibhiliya Nya Guage

¹⁰ eni nyi mwalo fanelo nya wuhigo wago watshavbo ni gutumbega gwatshavbo u gu wonegisidego ga eni githumi gyago, kholu guta gwangu nyi tsemakanyide tsongo yoyu wa Joridhani na nyiri ni ndronga basi mandzani, olu nyi mune nya mitsawa mivili.

Genesi 32:10 Iomraidhean Croise

Genesi 18:27

Aholu, Abrahama a di engedza gambe gu lomba, khuye: “Nyi na tiya gu ganela ni Pfhumu yangu, eni nyi gu si wa gilo, nyi gu kudzudzwane ni nguma basi.

Genesi 24:12

Githumi gi di ganela khu monyoni gwaye, khigyo: “Pfhumu Nungungulu wa Abrahama, mune wangu, Gira khuwe nyi mane muhuno egi nyi gi vbwetago, wonegisa wuwadi wago ga mune wangu Abrahama.”

Genesi 24:27

a ganela, khuye: “A na rungudzwe Pfhumu Nungungulu wa mune wangu Abrahama, a ngamba diga gu wonegisa wuwadi ni gutumbega ga mune wangu, a nga nyi gimbidzisa kala ndrangani ga valongo va pfhumu yangu.”

Genesi 28:13

Khu vbatshani gakone, a di khade Pfhumu Nungungulu a mu embela, khuye: “Eni kheni Pfhumu Nungungulu wa koko wago Abrahama ni Nungungulu wa babe wago Isaki. Nyi na gu ninga uwe gumogo ni livelego lago, litigo leli u ladego avbo.

Genesi 28:15

Eni nyi na ni uwe, nyi na gu vhikela ni evbini u na hongolago, nyi na gu wuyisa tigoni momu, kholu gima kha nyi na gu diga, nyi si gu tadzisi esi nyi gu tumbisidego.”

Genesi 30:43

Khu guralo, mwama yoyu a di ghanya a khala gitetema, a manega nari ni mitshambi nya yingi, dzikhumbi nya vama ni vanyamayi, dzingameriya ni dziburu.

Genesi 31:3

Pfhumu Nungungulu a di embela Jakobe, khuye: “Bwelela tigoni ga vavelegi vago ni valongo vago; Eni nyi na bani nyiri nago.”

Genesi 32:5

Nyi fumide dzithomba ni dziburu, ni mitshambi, dzikhumbi nya vama ni vanyamayi; olu nya gu rumela mwango ga pfhumu yangu Esawu, nyita mu lomba gu a nyi hakhe khu wuwadi.”

Genesi 32:7

Jakobe a di tala khu hwanga a hambanega mapimo. A di kabanisa vathu a nga bani nari navo khu sikwata sivili. A gira gambe kharato ni sirengo nya sikhongolo ni esi nya sidugwana ni dzingameriya,

2 Samuweli 17:24

Khavbo avbo, Dhavhidhe a di vbaha tigoni gwa Mahanayimi, Abhisalamo a di tshatuga tsongo ni va na Israyeli vatshavbo a nga bani nari navo.

2 Samuweli 7:18

Khavbo avbo, mufumeli Dhavhidhe a di bela aya khala Nyumbani ga Pfhumu Nungungulu, khuye: “Na nyiri mani eni Pfhumu Nungungulu, ni nyumba yangu yi ngava ya ginani nya gukala u nyi resa avba?

Joba 17:9

Aholu, muthu nya gululame a na simama ndzilani gwaye, ni avo mandza yawe ma agidego, va na simama va mana tshivba.

Joba 8:7

Iso u nga bani uri naso khu gale, si na vbindrwa khiso si nga gutago khu matshigu ya mbeli.

Dzindzimo 16:2

Nyi di embela Pfhumu Nungungulu, kheni: “Uwe Pfhumu yangu, khuwe thomba yangu yatshavbo; gimwalo gimbe gilo nya guvbindre uwe.”

Dzindzimo 18:35

Uwe u ngu nyi ninga gitshangu gyago nya guvbanyise, libogo lago la nyamudye li ngu nyi tiyisa, khu garali khu gu nyi sayisa khu wuwadi wago.

Dzindzimo 61:7

A na simame kala gupindruga mbeli ga Nungungulu; a na sayisege khu lihaladzo ni gutumbega.

Dzindzimo 8:5

Aholu u mu wumbide, gu tshala vbadugwana basi gu hadza gu fanana ni Nungungulu. U mu ambagiside wufumu ni wuzundzo;

Dzindzimo 84:7

Na va gu gimbila, tshivba yawe ya guya na yi gu engedzelana litshigu ni litshigu, kala va gu vboha mbeli ga Nungungulu, gigomoni gya Siyoni, va ta wona khovbe yago.

Dzindzimo 85:10

Wuhigo ni lisine si di tshangana, gululama ni gurula si di losana.

Mavingu 4:18

Aholu ndzila ya va nya gululama ya gu wenengedza kha nga wuronga nya gugye, wu wenengedzago kala gu gira safa nya mihani.

Isaya 6:5

Khavbo avbo, nyi di ganela, kheni: “Libango langu! Nyi fude! Kholu nyi muthu nya likana nya gunyenyeze, nyi vbanyago vbakari ga vathu nya gunyenyeze, maho yangu ma wonide Mufumeli, Pfhumu Nungungulu nya Tshivba Yatshavbo!”

Isaya 63:7

Nyi na ganela khu wuwadi wa Pfhumu Nungungulu, ni mithumo ya yingi, nya rungudzo, gukhedza khu satshavbo Pfhumu Nungungulu a hi ningidego, ni wuwadi waye nya wukhongolo a girago khu nyumba ya Israyeli, owu a va giredego ni ligolo laye latshavbo a va ningidego khu lihaladzo, gukhedza khu talo nya wuwadi waye.

Mikeya 7:20

U na yeyedza gutumbega gwago ga Jakobe, ni ga Abrahama, wuwadi wago, kha nga u sambanyedego ga vababe vathu gukhugela matshiguni ya gale.

Luka 17:10

Kharato nenu, mwa gu vbedza gu gira iso mu nga rumwago, indrani, khenu: ‘Hi sithumi nyamba phasa gilo, hi di landrisa giguruvedzo gyathu basi.’ ”

Luka 5:8

Na wonide esi, Simoni Pedro a di dzi thesa migondroni ga Jesu, khuye: “Leya uya hwindzo gwangu, Pfhumu, kholu nyi gighohi!”

2 Vakorinto 12:11

Nyi ganede kharati nga gipumbu. Enu khenu mu nga nyi girisa gu kala nyi ganela esi, mu diri ni fanelo nya gu nyi vhikeleni. Ambari nyi siri gilo, kha va nyi vbindri vapostoli vovo nya vakhongolo.

Dhewuteronome 8:18

Phela khu gu alakanya Pfhumu Nungungulu wago, kholu khuye a gu ningago tshivba gasi u dzi girela dzithomba; gasi gu tiyisa gidzumeledzwano gyaye, egi a tumbisidego khu gusambanya ga vababe vago, kha nga u si wonago muhuno.

1 Pedro 5:5

Enu madzaha, yingisani vakhongolo. Thumelanani mwatshavbo khu gu dzi nogisa, kholu “Nungungulu a ngu vengana ni va nya gu dzi khusedza, aholu a ngu khusedza va nya gu dzi nogisa.”