Genesi 30:9 - Bhibhiliya Nya Guage

⁹ Liya khu gu wona gukhuye a hegiside guvelega, a di dzega githumi gyaye Zilipa a gi ningela ga Jakobe a gi gira mwangadzi waye.

Genesi 30:9 Iomraidhean Croise

Genesi 16:3

Khavbo avbo, Sarayi, ngadza Abrama a di dzega Agari, githumi gyaye nya Mugipiti a gi ningela ga mwama waye Abrama gasi gi khala mwangadzi waye. Esi si giregide hwane nya gu Abrama na vbanyide gipimo nya likhumi myaga tigoni gwa Khanani.

Genesi 29:24

Laboni a di dzega githumi gyaye nya nyamayi nya gupwani khu Zilipa, a ninga mwanaye Liya gasi gi mu thumela.

Genesi 29:35

A engedza gambe a khura mimba, a velega gimbe gyanana nya gikhwathana; khavbo avbo, a di ganela, khuye: “Olu nyi na bonga Pfhumu Nungungulu. Khu guralo, a di gi riya lina la Judha. A hegisa, kha nga velega gambe.”

Genesi 30:10

Zilipa githumi gya Liya, a di velega gyanana nya gikhwathana ga Jakobe.

Genesi 30:17

Nungungulu a di yingisa gu lomba ga Liya, uye a di khura mimba a velega gyanana nya gikhwathana nya livbandre ni Jakobe.

Genesi 30:4

Khu guralo, a di mu ninga githumi gyaye Bhila gi khala mwangadzi waye. Jakobe a di tshangana naye.

Genesi 30:8

Rakeli a di khuye: “Nyi dwanide ni ndriyangu, nyi mu pade!” Khu guralo, a di gi riya lina nya gupwani khigyo Nafitali.

Genesi 46:18

Esi khu sanana sa Zilipa githumi gya Laboni a nga ningago mwanaye Liya; khuye a nga velegago ni Jakobe tengo nya gutshanganise likhumi na livbandre na moyo vathu.