Genesi 30:2 - Bhibhiliya Nya Guage

² Khavbo avbo, Jakobe a di vbenyela Rakeli a mu embela, khuye: “Wa gu alakanya gukhuwe nyi ngu dzi kodza gu tshikedza wulanga wa Nungungulu a ngamba gu ninga livelego, gani?”

Genesi 30:2 Iomraidhean Croise

Genesi 16:2

Sarayi a di embela Abrama, khuye: “Kha nga olu Pfhumu Nungungulu a ngamba nyi ninga guvelega, nyi ngu gu lomba u dzega githumi gyangu nya nyamayi. Mwendro a gu dzina saye khavbo gwaye, nyi na mana sanana.” Abrama a di dzumela mawonelo ya Sarayi.

Genesi 20:18

Kholu Pfhumu Nungungulu a di bangisa mahembe ya vanyamayi vatshavbo va ndrangani ga Abhimeleki, va khala sifule khu kotani ya Sara, mwangadzi wa Abrahama.

Genesi 25:21

Isaki a di lomba gikategiso ga Pfhumu Nungungulu, a lombelela mwangadzi waye a nga bani nari gyumba. Pfhumu Nungungulu a dipwa nombelo waye, mwangadzi waye Rebheka a di khura mimba.

Genesi 29:31

Avbo Pfhumu Nungungulu a nga wona nya gukhuye Liya kha godwi, a di mu ninga livelego; gasi Rakeli a di khala nyamba velega.

Genesi 31:36

Jakobe a di goroga khu tshivba, a kawuka Laboni, a ganela gwaye, khuye: “Khu wevbini nandru wangu, khu gevbini gighoho gyangu gi gu girago u nyi landra nu vbisegide ngudzu kharato?

Genesi 50:19

Josefa a di hakha, khuye: “Mu nga thavi; gasi eni nyi Nungungulu, gani?

2 Dzipfhumu 5:7

Avbo mufumeli wa Israyeli, a nga hevbulago lidangalila leli, a di pferula dzingandzu dzaye, a ganela, khuye: “Gasi eni nyo va Nungungulu nya gusonge ni guvbanyisa, nya gukala uye a nyi rumela mwama yoyu gukhuye nyi na mu vbanyise sokono yaye, gani? Wonani nya gukhenu a gu vbweta mano nya gu nyi dwanise.”

Dzindzimo 113:9

a ngu gira nyamayi nya gifule a vbanya pangoni khu gukhadzisega, a mu gira mayi nya wuzundzo nya sanana. Aleluya! A na dhumiswe Pfhumu Nungungulu!

Dzindzimo 127:3

Sanana giningwa hi hakhago khu ga Pfhumu Nungungulu, gu mana sanana gukatega.

Ekisodha 32:19

Avbo Mosi a nga hidzimelago wughovelotunu, a di wona githombe nya mombe ni vathu na va gu hana. A dipwa wuvi nya wukhongolo, a gu rinya siwindri vbavbatshi, si gu pandrega tshinani nya gigomo.

Matewu 5:22

Gasi eni nyi ngu mi embelani, kheni: Uye a zangarelago ndriyaye a na thethiswa; uye a ranago muthu kwawe khuye mbeveve fanede gu lamudwa khu madhota. Uye a ranago muthu kwawe khuye gipumbu a na rinywa phalani nya nilo.

Marko 3:5

Jesu a di khedza vatshavbo va nga bani va mu randrede na gu garadzega khu gu wona guvivba nya myonyo yawe, a di embela mudwali, khuye: “Thawuludza libogo lago.” Uye a di li thawuludza, li hawuluga.

Luka 1:42

a di khusedza lito, a gu ganela, khuye: “U kategide, uwe, vbakari nya vanyamayi; kategide melego wa ndrani gwago.

Vaefeso 4:26

Mwa gu mana gigaradzo monyoni, dzi woneleni, mu nga digi gugaradzega gwanu gu khala gighoho. Likhulo lanu li nga hweli kala mu gu pfoledwa khu lidambo mu ngari nalo.

1 Samuweli 1:5

Aholu a di gu ningela gipandre nya guvbindrise ga Ana, kholu a di gu mu haladza ngudzu, ambari oluPfhumu Nungungulu a nga bani a mu giride gyumba.