Genesi 3:5 - Bhibhiliya Nya Guage

⁵ Aholu Uye Nungungulu a ngu dziti nya gukhuye, litshigu mu na gu wu hodzago, mu na tulega maho, mu khala kha nga Nungungulu; muti esi nya sadi ni esi nya guvivbe.”

Genesi 3:5 Iomraidhean Croise

Genesi 2:17

aholu handro nya simbo nya guti gu hambanisa silo nya sadi niso nyamba sadi, u nga wu hodzi. Kholu litshigu u na gu wu hodzago u nafa.”

Genesi 2:9

Pfhumu Nungungulu a di bugisa tigoni mafumbu yatshavbo nya misimbo nya mihandro nya gutsakise gu yi wona, ni gutshamba gu yi hodza. Vbakari nya lithembwe a di vega simbo nya womi, ni simbo nya guti gu hambanisa iso nya sadi niso nyamba sadi.

Genesi 3:10

Uye a di hakha, khuye: “Nyi pwide lito lago avbo U nga bani na wu gimbilagimbila thembweni, nyi di thava, kholu, nyi diri wumbwiri; nyi ta sihala.”

Genesi 3:22

Khavbo avbo, Pfhumu Nungungulu a di ganela, khuye: “Muthu khu guti iso nya sadi niso nyamba sadi, khade idzosaye ni moyo nya Ethu. Olu kha gu vbwetegi gu mu dzumedzisa guya hava handro nya simbo nya womi a wu hodza, a mana guvbanya nya gupindruge!”

Genesi 3:7

Gukhugela avbovbo, ma di tulega maho yawe va vavili, va tugula gukhavo kha va ambala gilo. Khu guralo, va di sonedzela mahagane nya ngonva, va gu gira tshalu.

1 Dzipfhumu 22:6

Khavbo avbo, mufumeli a di tombanisa Vaprofeti, va nga bani vari mazana mana (400) vama, a va wudzisa, khuye: “Nyi ngu yela gu hongola nyi ya dwanisa Ramoti-Gileyadhi, mwendro nyi nga hongoli, gani?” Avo va di hakha, khavo: “Indra! Kholu Pfhumu Nungungulu a na ningela lidhoropa mandzani ga mufumeli.”

2 Dzikoronika 32:15

Khu guralo, mu nga kanganyiswi khu Ezekhiya, ambari gu mi kutsedzelani, ni gu mu khodwa gwaye; kholu mwalo nungungulu wa limbe litigo, ambari ni wevbini mufumo a kodzago gu vbulugisa vathu vaye mandzani gwangu, ambari ni mandzani ga vababe vangu; ina Nungungulu wanu, khuye a na dzi kodzago gu mi vbulugisa, gani?

Dzindzimo 12:4

avo va gukhavo: “Lidimi khilo tshivba yathu, magana yathu ma ngu hi vhikela, khu mani a hi fumago?”

Ekisodha 20:7

U nga hagani khu lina la Pfhumu Nungungulu wago, kholu Pfhumu Nungungulu kha na nga diga gu tsayisa oyu a haganago khu lina Laye umo nyamba vbwetega.

Ekisodha 5:2

Faro a di va hakha, khuye: “Khu mani Pfhumu Nungungulu nya gukala nyi yingela esi a ganelago, nyi diga va na Israyeli va duga? Eni kha nyi muti Pfhumu Nungungulu, gima kha nyi na diga va na Israyeli va hongola danga.”

Isaya 14:14

Nyi na khugega nyi vbindra ni mapfhi, nyi fanana ni oyu a Khusegidego Ngudzu.

Ezekiyeli 13:22

Khu malipha yanu mu tshunganiside wongo wa muthu nya gululame, a diga gu gira gugola gwangu, mu tiyisela vathu nya guvivbedwe khu myonyo, va si digi dzindzila dzawe nya guvivbe gasi guvbulugisa womi wawe.

Ezekiyeli 28:12

“Mwamana wa muthu, gira gililo u girela mufumeli wa Tiro, u mu embela, khuwe: Mune Pfhumu Nungungulu, a ngu ganela kharati, khuye: Uwe u giwonelo nya wuwadi, nu tade khu guti ni wumburi.

Ezekiyeli 28:2

“Mwamana wa muthu, embela mufumeli wa Tiro, khuwe: Mune Pfhumu Nungungulu, a ngu ganela kharati, khuye: Olu matshandza ma manidego wulanga monyoni gwago, u ganela, khuwe: Eni nyi Nungungulu nyi khadego vbagikhalotunu gya Nungungulu vbakari nya yiphwa, aholu u muthu basi khuri Nungungulu, ambari monyoni gwago u dzi vegago kha nga Nungungulu.

Ezekiyeli 28:9

Ina u na ganela mbeli ga wule a na gu songago, khuwe: Eni kheni Nungungulu, gani? Kholu uwe mandzani ga vale va gu songago, u muthu basi, khuri Nungungulu.

Ezekiyeli 29:3

U va embela, khuwe: Mune Pfhumu Nungungulu, a ngu ganela kharati, khuye: “Nyi na gu wugela uwe Faro, mufumeli wa Egipito, uwe ngona nya yikhongolo, u ladego vbakari nya mitsongo yago, na wu gu ganela, khuwe: Tsongo wa Nilo khwangu; kheni nyi wu giridego gasi wu khale wangu kamwe.”

Dhaniyeli 4:30

Khu gikhati gyogyo, gu di tadzisega magana ga Nabhukodhonosori, a di lundrwa vbakari nya vathu a ya hodza mwasi nga dzimombe ni gu naganiswa khu hunguva ya ndzadzini, kala ndzudzu waye wu dandra nga mitenga nya lighama, samba saye si lapha, si fanana ni sa sinyoni.

Dhaniyeli 6:7

Hatshavbo ethu vawoneleli nya litigo lago ni dzindruna dzatshavbo, vathangeli, dzindruna nya nyimbi ni vamwamangulu, hi pwananide nya gukhethu uwe mufumeli, dusa khwepa nya nayo wu na gu thumago ndrani nya magumararu matshigu, nya gu ni wevbini muthu a na gu girago gilombo ga mumbe nungungulu ni mumbe muthu, vbavbandze gwago uwe mufumeli, a na dzegwe a rinywa phalani nya dzinghala.

Matewu 6:23

Aholu ma gu bani ma dwala, givili gyago gyatshavbo gi na khala mugidemani. Khu kharato, mwenge wu guromo milini gwago wa gu khala gidema, mili wago watshavbo wu na khala gidema nya guthise!

Mithumo 26:18

Eni nyi ngu gu rumela guya va tula maho yawe gasi va duga gidemani, va ta guwonegelani; va duga wugumbini wa Sathane, va ta ga Nungungulu, va khodwa gwangu va fela gu divaledwa sighoho sawe, va hakha thomba yi lulamisedwego vbakari nya sihathwa, khu gukhodwa Gwangu.’

2 Vakorinto 11:3

Aholu, nyi na ni hwanga nya gukheni mapimo yanu ma na ghoheka mu diga lisine, ni gukhodwa ga Kristo, kha nga olu Evha a nga sengwa khu malipha ni wugengeli nya nyoga.

2 Vakorinto 4:4

kholu vanungungulu nya mafu yaya va segide mavhalo yawe, gasi va si woni gu wonegela nya Ivhangeli nya gungangamele ya Kristo, a gu giemo gya Nungungulu.

2 Vatesalonika 2:4

Uye a wugelago satshavbo, a dzi gira khongolo nya silo satshavbo si ranwago khu vathu khavo vanungungulu. A na dzega ni Nyumba ya Nungungulu, a dzi gira uye nungungulu.

Gutuledwa 13:14

Gi ngu pengisa vathu va tigoni khu siliwugiso gi ningidwego gu gira khu tshivba nya girengo nya guhegule. Gya gu senga vathu va tigoni va gira gifananiso nya gudhumise girengo nya gukokwe phandza khu litshari gi wuya gi vbanya.

Gutuledwa 13:4

Vathu va di khozela mwamilambo a nga ningago tshivba nya yikhongolo girengo. Va wuya va khozela girengo, khavo: “Khu mani a dzi kodzago gu palisana tshivba ni girengo, khu mani a na gu dzi kodzago gu dwana nagyo?”

Valamuli 3:2

Gasi situgulwana sa na Israyeli si kodza guti ni gu hevbula gu dwana nyimbi, ngudzungudzu ga situgulwana si ngamba yi wona.