Genesi 3:24 - Bhibhiliya Nya Guage

²⁴ Nungungulu, hwane nya gu bani na tutumiside muthu, a di vega dzingilozi dzaye ni dzikerubhimi phuvbo ga Khugadambo, dzinyangwani nya lithembwe la Edheni, na dzi pharide matshari nya nilo, gasi gu segela muthu ndzila nya guye mana simbo nya womi.

Genesi 3:24 Iomraidhean Croise

Genesi 3:23

Khu magirelo yoyo, Pfhumu Nungungulu a di mu tutumisa thembweni ga Edheni. Muthu a di gurumedzwa guya lima mafu aya a nga wumbwago khayo.

Genesi 4:1

Adhamu a di tshangana ni mwangadzi waye Evha. Oyu a di khura mimba a gu velega Kayimi. Avbo a nga hefemulago Kayimi, Evha a di ganela, khuye: “Nyi hakhide gyanana nya gikhwathana khu giphaso gya Pfhumu Nungungulu.”

Genesi 4:14

Wona, muhuno u ngu nyi tutumisa mafuni momu, nyi ya manega hwindzo Nago; nyi na penga nyi legalega ni litigo; ni wevbini a nyi manago a na nyi songa.”

Dzindzimo 104:4

Wa gu gira dziphuvbo dzi khala dzingilozi dzago ni malavbelavbe nya nilo ma khala sithumi sago.

Dzindzimo 80:1

Uwe muhavisi wa Israyeli, tula ndzeve, u yingisa, uwe u gimbidzisago va na Josefa kha nga tshambi wago; uwe u khadego vbagiluvelotunu, vbatshani nya dzikerubhimi, nonedza guwonegela gwago.

Dzindzimo 99:1

Pfhumu Nungungulu a ngu fuma! Ma na ndrendremele mayigo. Khade vbatshani nya dzikerubhimi li ngu khuyuga litigo.

Ekisodha 25:2

“Embela sanana sa Israyeli si gira mihengo si nyi resela. U na hakha tshenga yangu ga muthu ni muthu a dusago na salalegide monyoni gwaye.”

Ezekiyeli 10:1

Nyi di khusa maho nyi khedza vbatshani nya langwe, nyi wona gilo nya gufanane ni giwindri nya safira gi nga bani giromo vbatshani nya mihungo nya dzikerubhimi, na gi gu fanana ni gikhalo nya wufumu.

Ezekiyeli 31:11

khu lisine, eni nyi na wu ningela mandzani ga mufumeli nya litigo nya tshivba ngudzu, gasi wu tshaniswe gukhedza khu guvivba wu giridego.

Mitengo 22:23

Buru yi di wona Ngilozi ya Pfhumu Nungungulu na yi emide vbakari nya ndzila na yi homode litshari yi phara mandzani; khavbo avbo, buru yi di ndreya yi bela khabini. Bhalahama a di veta buru gasi yi wuye ndzilani.

Johane 14:6

Jesu a di khuye: “Eni kheni ndzila, ni lisine, ni guvbanya. Mwalo a vbohago ga Babe nyamba yiswa kheni.

Vahebheru 1:7

Nungungulu, a ngu ganela mayelano khu dzingilozi dzaye, khuye: “Nungungulu a gu rumela dzingilozi dzaye dzi khale maphuvbo, ni sithumi saye si khale malavbelavbe nya nilo.”

Josuwa 5:13

Josuwa nari vbafuvbi ni Jeriko, na khuside maho a di wona mwama moyo na emide mbeli gwaye, na pharide litshari mandzani. Josuwa a di hidzimela gwaye aya mu wudzisa, khuye: “U moyo wathu, mwendro moyo ya valala vathu, gani?”

1 Samuweli 4:4

Khavbo avbo, va di rumela vathu gu hongola Silo guya dzega Ngasa nya gidzumeledzwano ya Pfhumu Nungungulu nya Tshivba Yatshavbo, a khalago vbatshani nya dzikerubhimi. Sanana sa sivili sa Eli, Hofini ni Fineya, va diromo vbale va sayisa Ngasa ya Nungungulu.