Genesi 3:18 - Bhibhiliya Nya Guage

¹⁸ Mafu ma na velega basi miba ni sirangalabwa, uwe u na vbanya khu mwasi wu bugago thembweni.

Genesi 3:18 Iomraidhean Croise

Genesi 3:17

Khavbo avbo, Pfhumu Nungungulu a di embela mwama, khuye: “Olu u nga yingisa mwangadzi wago u gu hodza handro nya simbo nyi nga gu himbedzelago gu wu hodza, mafu ma na vadwa khu kotani yago; matshigu yatshavbo nya guvbanye gwago, u na garadzega ngudzu gasi gu mana guhodza nya mihandro ya mafuni.

Genesi 3:19

U na lutuga ngudzu gasi gu mana iso u yelago gu hodza, kala litshigu u na gu bwelelago u gu khala gambe mafu. Kholu uwe u kudzudzwane, u na bwelela gambe u gu khala kudzudzwane.”

Joba 1:21

a ganela, khuye: “Nyi dugide khu ndrani ga mayi wangu nyiri mwalo gilo, nyi na bwelela gambe nyiri mwalo gilo. Pfhumu Nungungulu a nyi ningide, Pfhumu Nungungulu dzegide; li na bongwe lina la Pfhumu Nungungulu!”

Joba 31:40

nyi bugisa miba wulangani nya sivbila, ni mwasi wulangani nya mavbila. Ma guhegisa avba magana ya Joba.

Joba 5:5

Mihandro yawe va gu hodzedwa khavo va pwago ndzala, ambari na va yi bhiyide khu miba; muphangi a gu phanga thomba yawe.

Dzindzimo 104:2

U ambade wenengedzo kha nga gifenengelo, u gu ladza ndzadzini gu fanana ni lilwambi.

Dzindzimo 90:3

Uwe u ngu bweledza muthu a khala nguma, u mu embela, khuwe: “Bwelelani mafuni enu sanana nya vathu.”

Mavingu 22:5

Ndzila ya muthu nya mavbanyelo nya guvivbe yi na ni miba ni mazinga, aholu uye a sayisago womi waye, a gu khala hwindzo nayo.

Mavingu 24:31

nyi di mana lithembwe na li khumide khu miba mwasi na wu fenengedzide dzimbewu, ndzari nya libhiyo na yi thegide, siwindri na si mbambamede vbavbatshi.

Isaya 32:13

Tigoni ga vathu vangu, gu na buga miba ni sirangalabwa; gumogo gambe ni dzinyumbani gwatshavbo gu nga bani gu tsakwa umo, dhoropani puluwundrago khu gunengela.

Isaya 5:6

Nyi na li vbindrugedza li khala giwula, miuvha gima kha yi na avbuledwa gambe, mwendro gu limedwa, aholu umomo, gu na dandra miba ni sirangalabwa, nyi na ruma mapfhi ma si wisi ndzadzi umo.

Isaya 7:23

Khu litshigu lile gambe, lithembwe ni lithembwe nya miuvha li gu na ni likhumi mazana (1.000) misimbo, li ninganago likhumi mazana (1.000) singerengere nya parata, li na vbindrugedza li buga miba ni sirangalabwa.

Isaya 7:24

Umomo, gu na bedwa basi khu vale va gu ni malaho ni siholoma, kholu tigoni gwatshavbo gu na bani gu khumide khu sirangalabwa ni miba.

Jeremiya 12:13

Va di yala tirigu, va vbwera miba; va dzi garadzide mahala; mu na khalani dzitshoni khu mihandro nya guvbwere gwanu; khu kotani nya gukhondre nya nilo nya likhulo la Pfhumu Nungungulu.

Jeremiya 4:3

Pfhumu Nungungulu a ngu ganela kharati ga vathu va Judha ni Jerusalema, khuye: “Limani marembwe yanu nya maphya, gambe mu nga yali dzimbewu mibani.

Matewu 13:7

Yimbe yi di thegela mibani; miba yi di dandra yi midza mbewu yile.

Varoma 14:2

Vomo va alakanyago gukhavo va ngu dzi kodza gu hodza silo satshavbo, gasi vambe va sa tiyago gukhodwani gwawe, va gu hodza tongwe basi.

Vahebheru 6:8

Aholu, mafu yale ma ningago likhabi nya miba basi, kha ma phasi gilo, ma gu vadwa khu Nungungulu ma hegisa khu gu vbiswa.

Josuwa 23:13

dzitini khu lisine gukhenu Pfhumu Nungungulu wanu, gima kha na lundra gambe mayigo yaya mbeli gwanu, aholu ma na khala nari naphwi wanu ni ligoga ni lipitso hwane gwanu, ni muba mbeli gwanu, kala mu mbembiswa ga litigo leli nya ladi, mu ningidwego khu Pfhumu Nungungulu wanu.