Genesi 3:17 - Bhibhiliya Nya Guage

¹⁷ Khavbo avbo, Pfhumu Nungungulu a di embela mwama, khuye: “Olu u nga yingisa mwangadzi wago u gu hodza handro nya simbo nyi nga gu himbedzelago gu wu hodza, mafu ma na vadwa khu kotani yago; matshigu yatshavbo nya guvbanye gwago, u na garadzega ngudzu gasi gu mana guhodza nya mihandro ya mafuni.

Genesi 3:17 Iomraidhean Croise

Genesi 3:11

Nungungulu a di mu wudzisa, khuye: “Khu mani a nga gu tivisa gukhuye u wumbwiri? Ina khandri u di hodza handro nya simbo nyi nga gu himbedzela gu wu hodza, gani?”

Genesi 3:18

Mafu ma na velega basi miba ni sirangalabwa, uwe u na vbanya khu mwasi wu bugago thembweni.

Genesi 3:6

Khavbo avbo, nyamayi, khu gu wona gukhuye handro nya simbo khwadi gu wu hodza, gambe wu ngu tsakisa mahoni; simbo nya wadi nya gutule mapimo ni guti, a di hava handro wule a gu hodza a gu ninga mwama waye a hodza nuye.

Genesi 5:29

a gu gi riya lina nya gupwani khu Nowa, kholu a di khuye: “Egi gi na hi vbungulela sigaradzo ni gulemela nya mithumo ya mandza yathu, nya mafu yaya ma vadwego khu Pfhumu Nungungulu.”

Genesi 8:21

Pfhumu Nungungulu a dipwa gunengela gwadi nya ningelo wule, a gu ganela, khuye: “Gima kha nyi na nga vala gambe litigo khu kotani nya gughohe ga muthu. Ambari olu muthu gukhugela wananani gwaye a alakanyelago guvivba monyoni gwaye. Aholu, Eni gima kha nyi na nga fuvisa gambe sirengo satshavbo si vbanyago, kha nga edzi nyi giridego.”

Joba 14:1

“Muthu a velegidwego khu nyamayi, matshigu yaye ma rode, na ma tade khu sigaradzo.

Joba 21:17

Dzinyondro dzingani va nya guvivbedwa khu monyo va tshimegedwago khu mwenge? Dzinyondro dzingani va dugeledwago khu mhango ni gu thegedwa khu likhulo la Nungungulu?

Dzindzimo 127:2

Kha gu mi phasi gilo gu phindrula ni dzimindru dzikhongolo, mu thuma kala vbakari nya wutshigu, mu fela gu hodza mihandro nya lithonga lanu, Nungungulu a ngu hodzisa sigodwa saye ambari na si lade.

Muhevbudzi 2:11

Nyi di khedzisa gwadi mithumo yangu yatshavbo nyi giridego khu mandza yangu, ni idzo nyi dzi garadzidego khidzo; nyi di wona gukheni gu diri gu dzi pfhadza ni gu tutuma hwane nya phuvbo vbindrago, gi mwalo nyi phasegidego khigyo mafuni momu.

Muhevbudzi 2:17

Khu guralo, nyi di venga guvbanya, khu gu wona gukheni satshavbo si girwago mafuni kha si phasi gilo gututuma hwane nya phuvbo yi vbindrago basi.

Muhevbudzi 5:17

A na vbedza matshigu yaye mugidemani, a khala khu gu vbisega a tshaniseka ni gulila!

Matewu 22:12

A di mu wudzisa, khuye: ‘Ama sawu, u bede kharini omu nyambana gipani nya buzo nya dzegano?’ Uye a di degula, nyamba hakha gilo.

Matewu 25:45

A na va hakha, khuye: ‘Khu lisine, nyi ngu mi embelani gukheni: Dzinyondro dzatshavbo mu nga bani mu si giri isoso ga moyo nya vandriyangu nya gusolege, kheni mu nga bani mu si nyi theli kota.’

Luka 19:22

Mufumeli wule a di mu hakha, khuye: ‘Githumi nya guvivbedwe khu monyo, nyi ngu gu kona khu magana yago. Gwadigo u di gu dziti nya gukhuwe nyi mwama nya wurena, nyi dzegago umo nyi ngamba vega ni gu vbwera umo nyi ngamba yala,

Johane 16:33

Nya gu mi embelani esi, gasi mu tshale ni gurula gwangu; mu na mana sigaradzo tigoni, aholu nyi tumbeni, kholu eni nyi pade litigo.”

Varoma 3:19

Ethu hi ngu dziti nya gukhethu satshavbo esi si rumwago khu Nayo sa gu lumba basi avo va fumedwago khu nayo yoyo, gasi gu degudza magana yatshavbo, ni gu litigo latshavbo li dzipwe liri ni nandru mbeli gwa Nungungulu.

Vahebheru 6:8

Aholu, mafu yale ma ningago likhabi nya miba basi, kha ma phasi gilo, ma gu vadwa khu Nungungulu ma hegisa khu gu vbiswa.