Genesi 3:16 - Bhibhiliya Nya Guage

¹⁶ A di embela gambe nyamayi, khuye: “Nyi na gu gira u wona sigaradzo mimbani gwago, u na velega sanana khu wuvi nya wukhongolo, ambari ulo, u na khala lidora ngudzu nya mwama wago, aholu uye a na gu fumela.”

Genesi 3:16 Iomraidhean Croise

Genesi 4:7

Wa gu gira nya sadi, khu lisine u na zundzega, aholu wa gu gira guvivba, u na modwa khu gighoho kholu gyomo nyangwani gwago gi vbweta gu gu thesa. Aholu uwe guvbweta u gi pala.”

1 Dzikoronika 4:9

Jabhesi a di zundzega ngudzu guvbindra vandriyaye; mayi waye a di mu ninga lina leli la Jabhesi khu gukhuye: “Nyi mu velegide na nyi gu tshaniseka.”

Dzindzimo 48:6

Avbovbo va di hungwa khu rerema nya yikhongolo, vapwa wuvi nya nga wa nyamayi a lumwago.

Isaya 13:8

Va na thurugiswa ngudzu; va modwa khu sigaradzo, va saniseka gu fanana ni nyamayi nya gulumwe, va na khedzisana khu gyawe na va gu samala, dzikhovbe dzawe dzi ngangamela kha nga nilo.

Isaya 21:3

Khu guralo, nyi di pwa wuvi ngudzu, nyipwa guvbisa kha nga nyamayi a lumwago; nyi ngu tshaniseka avbo nyi padwago ni gu yingisa, nyi thusedzedwa, avbo nyi si kodzigo ni gu wona gilo.

Isaya 53:11

A na wona handro nya gusaniseke nya hefemulo waye, a nengela, githumi gyangu gi lulamidego, khu guti gwaye, gi na agisa nya vangi kholu, gi na rwala guvivba gwawe.

Jeremiya 13:21

U na khuwe ginani a gu vega dzipari dzago dzi gu fumela, olu a gu uwe kamwe u va hevbudzidego gu khala vamune vago? Ina khwa napwa guvbisa kha nga nyamayi nya gulumwe, gani?

Jeremiya 22:23

Uwe u khalago Libhanoni, u vbahidego gihaga gyago matamoni nya sedhari, litshigu nya mhango u na wona tshanisa ngudzu, guvbisa gakone gu fanana ni ogu gwa nyamayi a lumwago!

Jeremiya 4:31

Kholu nya gupwa lito nya miketo nya gufanane ni nyamayi a lumwago, miketo nya wuvi ya nyamayi nya tiwula. Lito la lidhoropa la Siyoni li lilago na li gu khusa mandza, khilo: Yowe! Nyi fude, hefemulo wangu wu vbede tshivba khu kotani nya vasaseli!

Jeremiya 49:24

Dhamasiko pilegide hwambo, a khuga a tutuma na gu ndrendremela, a di modwa khu hwanga ni guvbisega monyo kha nga nyamayi a lumwago.

Jeremiya 6:24

Avbo hi nga pwa ndruma yawe, mawogo yathu ma di vbela tshivba hi gu saniseka khu wuvi wathu watshavbo, kha nga nyamayi a lumwago.

Mitengo 30:13

Magana yatshavbo yaye nya gifungo, ni gusambanya gwaye gwatshavbo a dzi hungidego khugo gasi gu dzi nogisa hefemuloni gwaye, si na tiyiswa mwendro gu ganedzwa khu mwama waye.

Johane 16:21

Nyamayi a gu bani a lumwa, a gu saniseka, kholu gi vbohide gikhati gyaye; aholu, na hefemude, kha nga gu dundruga gambe gusaniseka gule, khu litsako nya gyanana a velegidego.

1 Vakorinto 11:3

Aholu, nya gu vbweta mu dzitini gukhenu Kristo khuye hungo a fumelago vathu vatshavbo, kha nga mwama a fumelago nyamayi, kha nga Nungungulu a fumelago Kristo.

1 Vakorinto 14:34

vanyamayi va nga ningwi wulanga va ganela mitshanganoni. Khandri gwadi vanyamayi gu ganela mu vathuni. Avo va na yingise kha nga edzi wu rumago khidzo Nayo wa Mosi.

1 Vakorinto 7:4

Mwangadzi kha fumeli givili gyaye, kholu gya gu lumba mwama waye. Khidzo gambe kharato, mwama kha fumeli givili gyaye, kholu gya gu lumba mwangadzi waye.

Vakolosi 3:18

Vagadzi, yingelani vama vanu, kholu khiso si yelago ga vale va khodwago ga Pfhumu.

1 Vatesalonika 5:3

Gikhati vathu va ganelago, khavo: “Litigo li lade, gu mwalo gilo,” khavbo avbo gu natago, khu gipitipiti, gumbemba vbatshani gwawe. Va na khala nga nyamayi nya mimba gikhati a lumwago, kha va na vbuluga.

1 Thimoti 2:13

kholu Nungungulu guhegula a di vanga Adhamu, khu hwane nya gikhati khavbo a nga vangago Evha.

1 Thimoti 2:15

Aholu, nyamayi a na vbanyiswa khu gu velega sanana, ni guvbanya khu gukhodwa ni lihaladzo ni githawo ni gu dzi phara.

Tito 2:5

va kodze gu dzi phara ni gurula, ni gu sayisa dzindranga dzawe, va yingela vama vawe, gasi vathu va si ganeli guvivba khu Mahungu ya Nungungulu.