Genesi 3:15 - Bhibhiliya Nya Guage

¹⁵ Nyi na vega livengo ga uwe ni nyamayi, ga gitugulwana gyago ni gitugulwana gyaye. Igyo gi na gu pfara hungo, uwe u na zama gu gi hodza gitshinandro.”

Genesi 3:15 Iomraidhean Croise

Genesi 49:17

Dhani a na khala kha nga nyoga ndzilani, kha nga mamba gindzilanani; yi hodzago litundru nya kavalu, yi thesa khu nyagihwane mukhileli waye.

Dzindzimo 132:11

Pfhumu Nungungulu, giride gitumbiso ga Dhavhidhe, Kha na nga vbindrugedza, a bwelela hwane, a di khuwe: “Moyo nya gyanana gyago nyi na mu gira mufumeli, nyi na mu khadzisa vbagikhalotunu nya wufumu wago.

Isaya 53:12

Khu guralo, nyi na mu ninga vathu nya vangi, kha nga gipandre gyaye nya thomba, a na kabana phango gumogo ni sitetema; kholu a di ningela womi waye a songwa; a sayedwa gumogo ni sighohi, gikhati a rwadego sighoho sa vathu nya vangi, a di lombelela khu sighohi.

Isaya 7:14

Khu guralo, Pfhumu kamwe a na gu ninga giwonegiso gimwegyo a gu egi: “Nyamahegyane nya likendzi a na khura mimba a velega gyanana nya gikhwathana, a na gi riyago lina nya gupwani Emanuweli.”

Jeremiya 31:22

Kala lini nu nga gu legalega, uwe nyamahegyane nyamba yingisa? Wona nya gukhuwe Pfhumu Nungungulu vegide gilo nya giphya tigoni, nyamayi nyamba tumbega a na dzi vbwetela mwama.

Dhaniyeli 9:26

Khu hwane nya livbandre na limwedo magumi dzisemana, Gihathwa gya Pfhumu, gi na songwa, kha gu na manega uye nya gu mu emele. Lidhoropa ni nyumba nya miphaso, si na khungumudwa khu dzinyimbi dza mufumeli a na gutago. Mahegiso gwaye gu na gira nga ndrambi yi resago nyimbi ni gu sasela nya gupfhungumule kala mahegiso; si vegisidwe kharato.

Amosi 9:3

Va guya sihala tshokhatunu nya gigomo gya Karimelo, nyi naya va dusa khiyoyo, nyi va rinya vbavbatshi. Ambari va guya sihala nondrwani nya linene, va dzimela mahoni gwangu, nyi na rumela Nyoga nya yikhongolo yi ya va hodza.

Mikeya 5:3

Khu guralo, a na va ningela kala gikhati oyu a lumwago a na velegago. Khavbo vandriyaye va nga tshalago, va na wuyago vata dzi tshanganisa ni va na Israyeli.

Matewu 1:23

“Dzitini nya gukhenu gyagadzyana nya mbiri gi na khura mimba, gi velega gyanana nya gikhwathana gi na ranwago gupwani khigyo Emanuweli” (gu tshamusago, gupwani: “Nungungulu womo vbakari gwathu.”)

Matewu 1:25

Nasi gu hengeli naye lidawu, a di velega gyanana gyaye nya gikhwathana, igyo a nga gi thangisago lina la Jesu.

Matewu 12:34

Enu livelego nya dzinyoga, mu na dzi kodza kharini gu ganela silo nya sadi, olu mu vivbedwego khu myonyo? Kholu likana la gu dusa iso si tadego monyoni.

Matewu 13:38

Lithembwe khu litigo; mbewu nya yadi khu sanana nya Mufumo; nyasavare khu sanana sa Sathane;

Matewu 23:33

Enu livelego nya dzinyoga! Mu na vbulugisa gu wani gu rinywa phalani nya nilo?

Matewu 3:7

Aholu, na wonide nya gukhuye Vasadhusi nya vangi ni Vafarisi va di guta navo gasi guta bhapatiswa khuye, a di va embela, khuye: “Enu livelego nya dzinyoga! Khu mani a nga mi ruma gu thava likhulo litago?

Marko 16:18

va na mola dzinyoga khu mandza; ambari va sela rendre nya gusonge, kha wu na va gira gilo; va na handzega mandza va nya gudwala, va gu va vbanyisa.”

Luka 1:76

Gasi uwe, gyananawe, u na ranwa pwani u muprofeti wa Nungungulu a khusegidego ngudzu, kholu u na thanga mbeli ga Pfhumu, gasi gu dongisela dzindzila dzaye.

Luka 10:19

Dzitini nya gukhenu nyi mi ningide tshivba nya gugandre dzinyoga ni dzihume, gumogo ni tshivba nya gupale wuhungu watshavbo wa nala. Gi mwalo gi na gu mi girago gilo.

Luka 22:53

Matshigu yatshavbo nyi diri nanu Nyumbani ga Nungungulu, kha mwa nyi mola! Gasi egi khigyo gikhati gyanu, a gu mufumo nya gidema.”

Luka 24:27

Khavbo avbo, a di va tshamusela milowo yatshavbo yi nga bani yi ganela khu uye, guphela khu Mosi kala gu vbedza vaprofeti vatshavbo.

Johane 8:44

Babe wanu khu Sathane, khu kharato mwa vbweta gu gira guhaladza gwaye. Uye gighevenga gukhugela guhegulani, gima a si gu emeli lisine, kholu gwaye limwalo lisine. A gu lipha khu gu landra tumbunugo nya makhalelo yaye, kholu uye muliphi gambe babe nya malipha.

Mithumo 13:10

“Uwe u gyanana gya Sathane, u tadego khu malipha ni guvivba gwatshavbo, nala nya silo satshavbo nya gululame, u na hegisa lini gu tshunganisela dzindzila nya gululame dza Pfhumu?

Varoma 16:20

Nungungulu nya gurule a na pala Sathane, a mu vega nyamba hwela vbavbatshi nya migondro yanu. Pfhumu yathu Jesu Kristo a na mi kategise.

Varoma 3:13

Ngolo wawe, lithowo li tudwego, Lidimi lawe va gu li thumisa gupemba vathu. Magana yawe ma gu gamba wuhungu nya dzinyoga.

Vagalatiya 4:4

Aholu, gutadzisegani nya matshigu, Nungungulu a di hi rumela Mwamana Waye a nga velegwa khu nyamayi, a velegedwa vbavbatshi nya Nayo nya Vajudha;

Vaefeso 4:8

Khidzo yi ganelago Milowo, khiyo: “Gikhati a nga khusedzedwa Ndzadzini a di dzega va nya gukhothedwa pasoni a gu kabanisela vathu siningwa.”

Vakolosi 2:15

Pade vafumeli ni dzitshivba nya maphuvbo, a va thela dzitshoni vbakari nya vathu, a gu va hunga nga sibotshwa a gu yeyedza wungwazi waye.

Vahebheru 2:18

Olu, uye a ngu dzi kodza gu phasedzela ava va lingwago, kholu uye nuye lingidwe a gu mana gusaniseka.

Vahebheru 5:7

Matshigu a nga vbanya mafuni, Jesu a di gira milombelo khu gugaradzega ni gu lila ga Nungungulu a gu ni tshivba nya gu mu vbulugise gufani. Milombelo yaye yi di hakhwa, kholu a diri muthu nya gukhathalele Nungungulu.

1 Johane 3:10

Ogu khugo guhambana nya lisine nya sanana sa Nungungulu ni sanana sa Sathane. Oyu a si girigo esi nya gululame, ni gumba haladza ndriyaye, khandri gyanana gya Nungungulu.

1 Johane 3:8

Oyu a simamago gu ghoha a gu lumba Sathane. Kholu Sathane ghohide gukhugela guhegulani. Mwamana wa Nungungulu a dzi wonegiside khu kotani nya isoso; guta pfhungumula mithumo ya Sathane.

1 Johane 5:5

Khu mani a yelago gu pala litigo? Khu wule basi a khodwago gukhuye Jesu Kristo Mwamana wa Nungungulu.

Gutuledwa 12:17

Mwamilambo na tandregide, a di tala khu likhulo aya wugela avo va nga bani va tshade nya livelego la nyamayi, a gu vathu vatshavbo vale va vegisago milayo ya Nungungulu, va landrisago wufakazi wa Jesu Kristo.

Gutuledwa 13:7

Gi ningidwe tshivba nya gu dwanise nyimbi gi pala sihathwa sa Nungungulu, ni tshivba nya gufume mafumbu yatshavbo, ni malimi, ni mayigo yatshavbo.

Gutuledwa 2:10

U nga khali hwanga khu gu wona gutshaniseka gu gu viredego. Ndrani nya matshigu yaya, Sathane a na khothela pasoni vambe ni vambe vbakari nya libandla lanu, gasi gu va lingwa. Mu na wona gutshaniseka nya gukhongolo gipimo nya likhumi matshigu. Tumba kala gufa, nyi na gu ambagisa gihugu nya womi nyamba bela.

Gutuledwa 20:10

Sathane a nga va pengisago, a di rinywa tsivani nya nilo ni solufa, avba gu nga bani guromo girengo ni muprofeti nya malipha; avbo va na mana gutshaniseka nya gukhongolo wutshigu ni mihani kala gupindruga.